Le futuro del population europee

[Eugene Paul]

In un pais disveloppate economicamente, ubi le mortalitate es relativemente parve, cata femina debe haber (in media) 2.1 infantes durante su vita, o le population del pais decrescera. In le paises europee, excepte in Albania, le rata de fertilitate es nunc minus que 2.1.

Esque le population europee dispare? 'No', dice le expertos. Iste phenomeno es solmente un compensation pro le facto que le population europee vive plus longemente nunc que in le passato. Le population europee es simplemente plus vetule.

Ma io dubita iste explication del expertos. Tosto o tarde, un pais sin infantes non pote superviver. Si le rata de fertilitate non crescera super 2.1, le population europee continuara decrescer.

Eugene Paul

[Laurentio]

Solmente le europees "indigena" ha un basse rate de fertilitate. Ma le multe immigrantes del 'tertie mundo' ha un rate multo alte.

Alora Europa a pena va devenir vacue de personas, ma post 50-100 annos su population habera cambiate se drasticamente. (O como alicunos dice, forsan un poco cynicamente, illo habera essite reimplacite.)

De un puncto de vista interlinguistic il es interessante le impacto del demographia al linguas fonte de interlingua. Con grande probabilitate post 100-150 annos germano e italiano non plus va exister (reimplacite per arabe), espaniol/portugese solmente essera usate in le Americas, Anglese forsan como lingua auxiliar in India (in le SUA va esser usate solmente Espaniol o 'Spanglish'), il es dubitose si Francese pote superviver in Quebec. Russo? Io non sape ... forsan alicubi in Siberia.

Io me demanda si il alora ancora habera parlatores de interlingua de IALA, e si illes alora va usar le principios de IALA pro tener interlingua currente, o si illes tenacemente va luctar pro le interlingua de 1951.

[Eugene Paul]

Solmente le europees "indigena" ha un basse rate de fertilitate. Ma le multe immigrantes del 'tertie mundo' ha un rate multo alte.

Naturalmente, il es possibile que toto es perdite, ma -- de altere parte -- il es anque possibile que toto non es perdite. Personalmente, mi inclination es in le direction del secunde possibilitate. Io vos dicera proque.

Cata societate ha un cultura dominante. In mi experientia, le societates europee ha un cultura dominante commun. Iste cultura europee dominante existe, plus o minus, in cata societate que parla un lingua europee.

Nostre cultura dominante (io parla nunc de 'nos') ha cambiate. Un cultura es un collection de ideas, e le ideas dominante de nostre cultura ha cambiate. Un de iste nove ideas es que feminas non debe haber infantes. Ma si feminas non ha infantes, illas non ha infantes feminin, e tosto feminas non existera plus. Ergo, nostre cultura ha un idea fatal pro nostre societate. Ergo, o nostre cultura dominante morira o nostre societate morira.

Ma nos ha altere culturas que non es dominante hodie. Si illos es plus vetule que le cultura dominante, le qual es necessarimente nove, il es probabile que illos non ha le idea que feminas non debe haber infantes. Con le morte del cultura dominante actual, R.I.P., un del altere culturas essera le nove cultura dominante, e le rata de fertilitate essera plus grande que 2.1.

E le die essera salvate!

Eugene Paul

[kamil]

Proque Europa moderne es plus bon que Europa islamic?