Quando tu te identifica tu pote marcar "Identificar me automaticamente quando io me connecte al sito". Le consilios que seque solmente functiona si tu es identificate.
2. Cerca le nove messages - illos es rubie
Quando tu visita le sito in stato identificate, tote le foros, subforos e topicos que contine messages que tu non ha legite va haber un icone rubie. Pro exemplo:
Tu pote leger plus super le signification del iconos diverse hic.
3. Usa le ligamines del pagina principal
In le pagina principal tu trova le ligamine "Vider nove messages" que monstra un lista de tote le messages que ha essite scribite desde tu ultime visitia. (Iste lista non prende in consideration si tu ha legite le messages o non.)
Apud illo il ha tamben "Vider topicos active" que monstra un lista de tote le topicos que ha habite responsas in le ultime septimana, e "Vider messages sin responsas".
4. Subscribe a foros e topicos interessante
Trova le foros que te interessa e subscribe a illos per le ligamine "Subscriber al foro" in le fundo del pagina. Alora tu va esser notificate per e-posta de nove messages in le foros seligite. Quando tu ha recipite un notification tu debe leger le message in question in stato identificate pro reciper plus notificationes.
Tu pote facer le mesme con topicos individual, p.ex. le topicos que tu mesme ha initiate. (Ma si tu jam es subscribite al foro ubi le topico se trova, il non es necessari.)
Si tu non tosto recipe un notification, controla si illo ha essite interceptate per un filtro de spam.
Tu pote leger plus super notificationes hic.