Como on usa le sito?
Version breve:
Le cosas plus importante a saper son:
1) quando tu te identifica (log in), marca (check) "Identificar me automaticamente quando io me connecte al sito"! 2) Subscribe a foros e topicos pro reciper notificationes de eposta de nove messages. 3) Memora de visitar le sito e participar in le debattos!
Le version longe va sequer post iste parve "manifesto":
Il es mi experientia que Il ha multe differente perceptiones de lo que es interlingua, e io volerea que iste foro comprehenderea los totes. Dunque, io suggere que on tracta con tolerantia le differentias de (inter)lingua del altere participantes, e tenta de communicar in un maniera non-hostil anque con membros con qui on non es de accordo.
Per favor, essaya de non corriger le errores de interlingua de alteres si illes non ha indicate que illes vole esser corrigite. E si le tentation deveni troppo grande, alora essaya facer le correctiones in maniera placente.
Como on usa le sito?
Version longe:
Pro participar activemente in le tabula de foros tu debe esser registrate (le button "Registration" se trova in le pagina principal). Si tu ha problemas con le registration (p.ex. si tu non pote leger le codice de confirmation), contacta nos al adresse de e-posta admin(coclea)interforo.org.
Post que tu es registrate tu pote introducer te in le foro Presentation del usatores e comenciar a navigar le sito. Quando tu ha trovate un topico o foro que ha tu interesse, tu pote subscriber te a illo per cliccar le ligamine "Subscriber al foro" o "Subscriber al topico" al fundo del pagina (e ora anque just sub le titulo del topico/foro). Alora tu va reciper un e-mail quando il ha un nove message in le topico o foro. (Lege plus hic)
Como trovar facilemente le topicos active?
Il es un bon idea lassar se registrar automaticamente quando on visita le sito - alora le sito va monstrar a uno de maniera facile le messages que on non ancora ha legite. Lege plus hic.
Si on visita le sito sin esser registrate, on debe mesme trovar le nove messages in le foros diverse - in le lista de foros al frontispicio es sempre indicate quando era scribite le ultime message in le foros individual.
Si le systema de foros secundo categoria non place a uno, on pote leger tote messages scribite in tote foros in le ultime septimana per cliccar "Vider topicos active" in le frontispicio.
Como retrovar un topico interessante?
Si tu ha trovate un topico al qual tu vole responder a un altere hora, tu pote cliccar "Adder le topico a mi favoritos". Alora tu potera plus tarde trovar lo in tu dossier de favoritos in tu Pannello de Controlo de Usator.
Como apprender plus super le uso del sito?
In le annuncios (accessibile del summitate del foros diverse) tu pote leger divserse informationes utile. Pro exemplo, in iste annuncio tu pote leger que significa le icones differente del sito.
Tu trova multe annuncios e altere discussiones importante In le foro "Novas e discussion del sito", e su subforo "Problemas e errores".
In le "Questiones Frequente" (accessibile de tote paginas del sito) tu trova responsas a quasi tote questiones technic super le sito. Vide anque le "Guida de BBCode", que explica in detalios como tu pote facilemente facer tu messages plus vive per cambiar lor typographia, fonte, color, etc. e adder imagines e attachamentos a illos. (Le guida de BBCode es accessibile tamben per le ligamine "BBCode" in le parte dextre del fenestra ubi tu scribe tu messages.)
Si tu non ben comprende que es un foro web e pensa que tu necessita un explication plus detaliate de como usar le sito, tu pote forsan trovar utile le instruction video.
Si tu ha problemas o necessita adjuta, tu pote contactar un administrator in le categoria "Discussion de Interforo.org" o per message private.
Como reciper correctiones de errores de interlingua?
Commenciantes (e alteres qui lo vole) pote peter al altere usatores que illes corrige le errores de uno. Lege hic super como includer un tal petition in tu signatura. (Ma tu pote naturalmente anque peter lo in le texto de tu messages individual.)
Per favor nota que:
Suggestiones de nove foros o le re-organisation del existentes, e tote altere ideas de como meliorar le sito es benvenitissime!
Benvenite a hic, e a rescriber.