On pote crear un signatura in le Pannello de Controlo de Usator, le qual on pote acceder de tote paginas in le sito - le ligamine es sub le parola "Indice" justo sub le logo del sito.
In le Pannello on clicca a "Profilo" (le secunde button in le linea horizontal de buttones al alto), e alora on clicca a "Modificar signatura" (le secunde button in le linea vertical de buttones a sinistre). Alora on scribe su signatura in le campo, e finalmente on clicca a "Inviar".
Memora de indicar in le signatura como tu vole haber tu messages corrigite. Il ha plure optiones.
Pro non incombrar le varie foros con un multitude de messages foras de thema, il es le melior facer (e peter) le correctiones in le sequente manieras: 1) In le foro "Adjuta con Interlingua", 2) in un message private, e/o 3) como un correction al message original (pote solmente esser facite per moderatores).
Exemplos de signaturas (tu es benvenite a copiar un o plure exemplos e usar lo(s) in tu signatura:
- Corrige mi messages in "Adjuta con interlingua". Scribe mi nomine de usator in le subjecto. Solmente corrige le errores grave.
- Corrige mi messages in "Adjuta con interlingua" sub un subjecto generic.*)
- Corrige mi messages in un message private.
- Moderatores pote corriger mi messages original, explicante le correctiones in un addendum.
- Moderatores pote corriger mi messages original, sin explicationes.
*) Le message(s) corrective non va mentionar tu nomine de usator, ma va tractar le problema linguistic in terminos general.
Tu pote colorar le petition de adjuta pro distinguer lo de altere partes de tu signatura. (Vide mi proprie signatura in basso.)
NB. Nota que il non es benvenite corriger le messages de alteres sin lor petition previe. Ma si on vole advertir novicios contra imitar certe errores, on pote tractar los in un topico generic (sin mentionar le originator del error) in "Adjuta con interlingua".