Nocte (de Sancte Johannes) super le monte calve

[Laurentio]

Io ha audite iste vespere multe vices iste pecia de musica fantastic per Modest Mussorgsky. Esque alicunos de vos lo cognosce?

Le historia del obra es multo confundente. Mussorgsky mesme scribeva 4-5 versiones differente de illo, ma nulles de illos era jammais sonate durante su vita! Plure annos post su morte su collega e amico Rimsky-Korsakov re-"instrumentava" (in effecto re-scribeva) le pecia in 1886 e iste version era e remane multo famose. Illo era que io audiva pro le prime vice circa 20 annos retro(!) e era capturate. (Lege plus super le composition per sequer le ligamine in supra - arrivate a Wikipedia vos pote cambiar lingua in le menu a sinistre.)

Hodie io ha trovate un registration del version original de Mussorgsky de 1867 in Youtube. Le video es del Film Fantasia per Walt Disney, ubi originalmente un 7me(!) version era usate, ma le persona qui poneva le video in Youtube ha cambiate le audio con le version original.

Si vos vole audir le altere versiones, vos pote probabilemente trovar los in Youtube cercante "Night on the bare mountain". ("Nocte super le monte calve" era le titulo del version per Rimsky-Korsakov. Le version original se appelleva "Nocte de Sancte Johannes super le monte calve".)

[Eugene Paul]

Io ha audite iste vespere multe vices iste pecia de musica fantastic per Modest Mussorgsky. Esque alicunos de vos lo cognosce?

Si, Laurentio, io ha audite iste musica pro le prime vice quando io esseva un infante, circa 67 annos retro (!!!) in le film Fantasia de Disney. Le scena e le musica esseva t e r r i f i c a n t e ! (Le scena e le musica es ancora terrificante! )

Eugene Paul