Libros in Interlingua

[torrente]

”Interlingua – Instrumento moderne de communication international”,
per Ingvar Stenström con explicationes in anglese per Catriona M. Chaplin, Ph. D.
Iste libro es le version anglese del del curso famose per Ingvar Stenström. Illo ha essite traducite in 13 linguas. Interlingua - le lingua in linguas, es multo utile tamben pro illes qui ha anglese como o lingua materne e iste version ha essite desirate durante longe tempore.
-Le diffusion global del vocabulario international – le parte del latino e del greco que supervive in le linguas moderne – es un facto historic. Interlingua es un registration de iste realitate linguistic, un denominator commun del idiomas de origine europee, e non un lingua artificial fabricate secundo arbitrari preferentias de un sol persona.
Interlingua pote esser apprendite in un fraction del tempore necessari pro apprender mesmo un cognoscentia superficial de un lingua national e te possibilisa de communicar con illes qui parla italiano, espaniol o portugese. In plus tu notabilemente expande tu vocabulario anglese concernente parolas cultural e terminologia scientific e technologic.
Compra le libro in internet directemente ab Lulu.
Le adresse es http://www.lulu.com/content/7890234 .
Le precio includente porto postal depende del pais al qual illo essera inviate ma illo es circa 15 €.
Tempore de livrantia le plus sovente minus que duo septimanas.
Vide plus in www.interlingua.com ubi tu tamben pote comprar le libro.
ISBN 978-91-977066-5-0

Un altere libro necessari pro omne amicos de Interlingua es
“Interlingua e su promotion durante 50 annos” per Ingvar Stenström
Iste libro, que esseva publicate ante un anno, presenta un historia de Union Mundial pro
Interlingua (UMI) in le forma de un narration
personal, basate sur le recerca e re-lectura de milles
de paginas de documentos, letteras e magazines. Le
autor es un del pioneros de Interlingua, qui incontrava
Interlingua in 1952 e qui assisteva al fundation de UMI
in 1955. Le libro da un vista fascinante a in un mundo de pioneros, qui durante plus que 50 annos ha laborate intensivemente pro lor conviction que le mundo besonia
un lingua international neutral pro realisar le belle pensata,
que tamben ha devenite le motto de UMI:
Communication sin frontieras – communication pro
crear comprension inter individuos e inter nationes.
Compra le libro in internet directemente ab Lulu.
Le adresse es http://www.lulu.com/content/3186098
Le precio includente porto postal depende del pais al qual illo essera inviate ma illo es circa 23 €.
Tempore de livrantia le plus sovente minus que duo septimanas.
Vide plus in www.interlingua.com ubi tu tamben pote comprar le libro.
ISBN 978-91-971940-5-1