Salutes de Paraguay

[rod]

Holla!

Io es Rodrigo (ma vos pote appellar me Rod). Io labora con informatica, e io anque es musico (le qual es mi grande passion)

Il ha 2 septimanas que io discoperiva le interlingua e esseva amor a prima vista.

Io ha le proposito de apprender e practicar iste belle lingua, assi que io es secur que io va apprender multe de vos.

Bon vespere a omnes, e multe salutes de Paraguay

[McDutchie]

Salute Rod, ecce un benvenita tardive a iste foro. Post duo septimanas tu scribe in interlingua quasi totalmente correcte... mi complimentos!

Esque tu ha trovate altere locos de activitate in interlingua? Existe multe personas active in Facebook.

Salutationes de Nederlandia (Hollanda).

- Martijn

[Laurentio]

Salute Rod,

Anque un benvenita tarde e complimentos pro tu interlingua de me!

Amicalmente,

[Pat Neg]

Car Rod,

Io anque ha discoperite Interlingua recentemente e illo me ha placite proque io es latinista. Io inseniava latino in le universitate e io es tamben professor de anglese. Io sape italiano, esperanto e francese passivemente. Io desira facer questiones o demandas a te o altere personas re interlingua, questiones relativo a le synthaxe. Ma io non sape ben usar iste modo de conversation per interforo. Si tu vole, que nos usa e-mail. Illo me pare multo plus personal e plus facile.

Salutes,

Pat Neg

P.S. Corrige mi errores, per favor

[McDutchie]

Multo benvenite anque a te, Pat! E mi complimentos pro le uso quasi perfecte de interlingua. Solmente un sol remarca linguistic: "questiones relativo a le synthaxe" deberea esser "questiones relative al syntaxe".

Ben que e-mail es plus personal e plus facile, in iste foro tu habera un audientia plus extense. Io spera que tu continuara a participar hic.

Existe tamben le lista de e-mail INTERLNG, le qual es como un foro de discussion via e-mail. Vide http://listserv.icors.org/archives/interlng.html pro abonar te a iste lista, si tu vole. In iste momento le lista non es multo active, ma io es secur que un message de te resultarea in plure responsas positive.

- Martijn, de Hollanda