Io besonia adjuta con un pagina in interlingua

[mga010]

Io ha scribite un pagina in lingua in iste loco:

http://eumat.sourceforge.net/interlingua.html

Ille pagina contine un introduction a in mi programma Euler in interlingua. Ma mi interlingua non es ancora bon. Forsan alicun con melior saper de le lingua poterea vider iste pagina, e corriger le plus mal faltas. Io esserea multo grate.

Cordial salutes al communion interlangual

Rene Grothmann

[McDutchie]

Salute Rene,

Ben que io non es un mathematico, io esserea felice de facer le lection de probas de tu introduction in interlingua de Euler. Como vole tu reciper le correctiones? Io pote inviar te un patch in formato "diff -u" de Unix del codice fonte HTML; esque tu pote usar un tal? Alteremente io pote indicar te le differentias in un message, o simplemente inviar te le complete version corrigite. Dice me lo, per favor.

- Martijn (Nederlandia)

[McDutchie]

Non importa, io non voleva attender le responsa; alteremente io risca oblidar de facer lo.

Ecce, zippate e attachate, mi version de tu pagina con correctiones linguistic. Io me ha concentrate solmente a corriger le errores obvie de grammatica e orthographia, sin occupar me de terminologia e altere cosas; mi cognoscentia de mathematica simplemente non suffice pro isto.

Pro discuter le terminologia mathematic in interlingua, io recommenda poner te in contacto con Alberto Mardegan, italiano qui vive ora in Finlandia. Ille scribeva olim su these mathematic in interlingua, si mi memoria es correcte. Su blog es a http://www.mardy.it.

- Martijn

[mga010]

Multe Gratias pro le correction. Io es suprendite que non se trova plus faltas. Un problema non previdite es le formato pro reciper le correction. Io non voleva copiar le nove texto al pagina simplemente, per que io voleva apprender. Per isto io debeva leger e comparar le textos. Forsan nove texto deberea esser in un altere color.

Gratias, mga010

[McDutchie]

Le facto que io non comprende le material in question limita mi capacitate de corriger lo, dunque io non pote garantir que io ha eliminate tote le errores.

Io ha trovate un micre programma "HTML Diff" a http://www.aaronsw.com/2002/diff/ con le qual io ha potite facer un file HTML que indica exactemente mi correctiones. Io ha attachate le resultato a iste message. Le texto ancian es cancellate e le texto nove es sublineate. Isto pote adjutar te a apprender. Bon successo!

- M.

[mga010]

Multe gratias ancora un vice. Nunc io poteva trovar plus de faltas.

mga010

[Sven]

Salutes a vos,

Io videva le pagina hodie e mi proposition es que tu Martijn da tu nomine complete a Rene, que ille pote scriber lo a basso de pagina. Ora il dice "Gratias a McDutchie" e isto non me pare multo adequate

Car Rene,

esque tu pote describer le experientias e le reactiones concernente le pagina in interlingua?

Gratias pro le bon labor.

Salutes cordial de Sven