Dictionarios

[Gogolino]

Dictionarios Interlingua.

Que es CEID e EID? Io cognoscite que IED es Interlingua-English Dictionary del creatores de Interlingua.

Que es le babylon dictionario e como se usa? Pote tu monstar ecranos (scree-shots) del applicatione?

Esque tu sape que le dictionarios EID e CEID existe in un version pro le programma Babylon? Con illo on pote controlar un parola in poc secundas!

On debe pagar pro Babylon. Un simile programma appellate Pardon es de plus bon mercato, ma in su lista de dictionarios io solmente vide le IED, ma non le CEID.

Personalmente io usa Babylon e es multo contente con illo.

Amicalmente,

Me interesa Babylon dictionario, ma io necessita plus information de usatores del applicatione. E le precio es ok comparate con le qualitate del uso?

Gratias,
Gogolino

[Laurentio]

Le CEID es le Concise English-Interlingua Dictionary - per le angleses Sexton e Gopsill.

Tu pote trovar e le IED e le CEID gratuite in le internet.

Babylon es un programma con que on pote facilemente controlar un o plure dictionarios. Tu pote trovar lo al aldresse http://www.babylon.com, ubi tu anque pote discargar un version test que tu pote usar gratuitemente durante alcun septimanas. (Clicca 'Free download'-)

Tu pote anque vider le precios al sito sub 'Store'. Il pare que illos ha crescite. Ora le precio pro un licentia permanente es 99 $ - e 109 si tu anque vole Concise Oxford English Dictionary. (Un dictionario multo utile.)

Lo que face Babylon practic pro interlinguistas es que multe grande dictionarios de interlingua es disponibile pro le programma - gratuitemente. Tu pote vider los hic: http://info.babylon.com/gl_index/gl_sea ... ua&x=0&y=0

Io non sape que es tu lingua materne e qual altere linguas tu parla, ma nota que il ha grande dictionarios de interlingua pro Babylon in anglese, italiano, germano, polonese, svedese e nederlandese.

EDIT: Io googleava 'Gogolino' e videva que il es un localitate in Russia. Il anque ha un gratuite dictionario russo-interlingua pro babylon con 6.800 definitiones.)

Multes de ille dictionarios tu pote probabilemente trovar gratuitemente in sitos web, ma le bon cosa con Babylon es que il es tanto facile recercar parolas con illo. on pote premer Ctrl e dextre-cliccar qualcunque parola in le textos que on lege in le computator pro facer babylon recercar lo. E quando on mesme scribe un texto e cerca un traduction, il es multo rapide cambiar al programma con alt-tab, recercar le parola, e cambiar retro. (On pote naturalmente anque usar le mus, ma illo es plus lente.)

Io non ha jammais regrettate le compra (ma io anque pagava solmente $90).

Io recommenda que tu discarga le version test e proba installar le dictionarios de interlingua que tu vole usar. Alora durante le septimanas gratuite tu pote decider si tu vole comprar le programma.

Dice lo si tu ha problemas con le installation.

[kamil]

Esque on pote leger filas de Babylon? O cambiar iste formato de Babylon a .txt?
Io non pagara e io facerea mesmo un programma a cercar diverse parolas.

[Laurentio]

Esque on pote leger filas de Babylon? O cambiar iste formato de Babylon a .txt?

Il ha un programma appellate 'Babylon Builder' pro construer e modificar dictionarios - io pensa que on pote discargar lo gratuitemente. Forsan on pote exportar un file text per illo (io non lo sape).

Ma si tu vole le dictionarios como file text, il es probabilemente plus facile cercar los in le rete, p.ex. in http://interlingua.wikia.com.

Io non pagara e io facerea mesmo un programma a cercar diverse parolas.

Io ha desde longe pensate que nos debe haber un programma dictionario gratuite pro le dictionarios de interlingua, un que es tanto rapide e facile a usar como Babylon (que ha le functiona de recerca per ctrl+dextra-clic; con que on pote recercar plure dictionarios al mesme tempore, etc.).

Si tu construeva un tal, e voleva publicar lo pro le altere interlinguistas a usar tamben, il serea multo bon! (Io non mesme sape como on lo face.)

[kamil]

On non pote extracter informationes de Babylon.

Io va programmar mi parve programma a dictionarios.

Que esserea bon e importante a haber?
CEID+IED+interlingua<->polonese?

[Laurentio]

On non pote extracter informationes de Babylon.

Tu ha probate Babylon Builder?

Io va programmar mi parve programma a dictionarios.

Que esserea bon e importante a haber?
CEID+IED+interlingua<->polonese?

Ben, il depende de pro qui tu vole facer le programma.

Si es solmente pro te mesme, serea bon le dictionaiores que tu meniona, ma anque considera includer al minus un del dictionarios de Piet Cleij. Pro Babylon existe le DIN (interlingua-nederlandese), ma ille ha anque facite dictionarios nederlandese-interlingua, e francese-interlingua.

Istes pote esser utile pro te, ben que tu non comprende nederlandese o francese, proque tu pote sovente vider le significatos del parolas del exemplos.

Alternativemente tu poterea usar le Thesauro que es basate justo super le dictionarios de Piet Cleij. Ma illo es gigantissime, e pote forsan esser problematic a usar in un tal programma.

Si tu vole que alteres tamben pote usar lo, tu poterea includer p.ex. germano-interlingua, svedese-interlingua (le major dictionario que existe - anque utile pro non-svedeses per le mesme ration como io mentionava in supra), e altere dictionarios disponibile. In iste caso on debe naturalmente assecurar le permission del autores (o qui ha le derectos de autor). Ma isto a pena serea un problema con le dictionarios que jam existe gratuitemente in le internet.