Que pensa on del nove 'testa' (header) del sito?

[Laurentio]

Que pensa on del nove selection de colores in le 'testa' (header), i.e. le parte superior del sito, ubi se trova le logo? Vota nos!

Explication: multe gratias a totes qui ha facite nove logos (Daniel) o ha inviate me altere logos de interlingua. Illos me place multo, ma io pensava que il forsan serea le melior haber un logo ubi 'Interforo' era mentionate tamben. Alora io ha probate crear un tal. Totevia io ha alicun problemas con dar lo dimensiones apte.

Tentante de placiar lo in le sito io per hasardo cambiava le color de parte del testa a rubie., e vidente lo io discoperiva que le combination de colores in effecto me place un poco. Ma si vos non es de accordo, io pote naturalmente cambiar los retro.

Ah, e que es vostre opinion super le logo mesme? Su dimensiones es forsan un poco estranie, nonne?

[Laurentio]

bump

[Laurentio]

Ben, io ha cambiate le colores a alque plus discrete.

Isto es melior, Pietro?

[Svenni]

Melior que le logo rubie. Ma tu usa duo variantes de blau, con solmente poc differentia. Isto es un poco disturbante. Del resto, le total me face pensar a un avion. Io non sape proque.

[Laurentio]

Forsan alcun compania de aviation ha un simile logo? O forsan le linea extendite del "A" sembla como le ala de un avion?

Que pensa tu ora, post que le blau inferior ha devenite gris?

(In effecto io tentava de cambiar lo a un altere nuance de blau, ma le resultato era gris! Il es un ver jungla laborar con iste cosas in phpBB!)

[Svenni]

Proque non usar le colores basic del sito? Io pensa que tote iste nove colores in certe senso disturba le impression harmonic del foro.

E pote esser, serea plus harmonic usar minusculas in le "testa" (ia interforo), in vice de majusculas.

[Laurentio]

Proque non usar le colores basic del sito?

Io voleva refrescar le layout un poco, dar le sito un apparentia plus individual, assi que illo non similava le milles e milles de altere 'tabulas' phpBB.

Un altere ration que nos non actualmente usa le colores basic, es que io ha oblidate como cambiar retro a illos!

Seriosemente, isto non es como blogger o simile - pro cambiar un color on debe aperir 5 differente documentos in 10 differente dossiers e cambiar codice 20 differente locos. (Post le qual on debe ir al panello de controlo administrative e cambiar 40 adjustamentos.)

Io pensa que tote iste nove colores in certe senso disturba le impression harmonic del foro.

Hmm... il non es impossibile que io pote haber ite un poco 'extra-bordo' (anglicismo). Ben, ora io ha removite tote colores non-blau. Es plus acceptabile?

E pote esser, serea plus harmonic usar minusculas in le "testa" (ia interforo), in vice de majusculas.

Poterea forsan esser cool. Ma alora il non poterea haber le coolissime linea continuate del "a".

[carlos soreto]

Salute,

Io trova que le testa ora es melio...
Un suggestion: accurta un poco
le «azur» in altitude e essaya in
illo un degradation.

[Svenni]

Io pensa que le "testa" ha devenite multo plus harmoniose, mesmo attractive. Mi sol objection: le nuance del blau. Non serea possibile utilisar un del nuances ja usate in le sito, p.ex. illo del quadros?