Io cerca co-moderatores e -admins

[Laurentio]

Car totes,

Esque ulle de vos es interessate in adjutar con le gerentia del sito?

Primo, il ha un necessitate grande pro co-moderatores. Como co-moderator vostre carga princial serea controlar le 'cauda de moderation' con intervallos e approbar le nove messages legitime, e expeller le spammers. (Le prime message que nove membros invia debe esser approbate per un moderator ante que illes pote scriber liberemente.)

Como co-admins vos poterea prender un major responsabilitate del sito. P.ex. per assister a un reordination del categorias e foros, experimentar con nove lay-outs, etc.

Io non ha multe tempore libere al momento, e alora poterea usar un mano, specialmente con le moderation.

Amicalmente,

[robocap]

Car Laurentio,
io anque ha pauc tempore libere, ma si nos pote unir nostre fortias forsan le resultato essera bon. Io crede de poter adjutar technicamente como web magistro in general e in particular como moderator e gestor de duo foros al plus. Al fin de focalisar mi fortias in iste activitate, io debe renunciar a developpar le portal de Europia (http://europia.eu.pn), assi il es importante pro me poter moderar un foro de politica europee con le objectivo de promover le Statos Unite de Europa e interlingua como lingua auxiliaria official del Union.
Que tu opina de mi idea?

[McDutchie]

Salute Laurentio - ben que io non pote promitter multo de mi tempore, io es preste a collaborar como co-moderator de iste foro. Il habera probabilemente longe intervallos de tempore durante le quales io non pote esser active, ma si e quando io pote, io poterea adjutar con le elimination de spam e tal cosas.

[Laurentio]

Car Robocap e McDutchie!

Multe gratias pro vostre messages!

Robocap, io memora que nos discuteva le anno passate, que tu poterea haber p.ex. http://www.interforo.org/xxx (p.ex. http://www.interforo.org/europia o europia.interforo.org) pro mantener un tal foro (dunque independentemente del altere foros). Isto serea bon, nonne?

In le proxime circa duo septimanas io sera assatis occupate, ma parla nos plus super isto postea, OK?

McDutchie, io va tentar de parlar con te per chat.

Amicalmente,