Io ancora vive!

Io ancora vive!

Message publicper Laurentio » dom. feb 21, 2010 8:25 pm

Car membros de Interforo.

Mi excusas pro haber essite inactive durante le ultime menses!

Un fato cruel me ha fortiate a continuar mi studios universitari, e isto ha occupate multe tempore mie.

Desde ora, io promitte de (tentar de) scriber plus regularmente.

In general, le activitate hic non ha essite tanto alte como on poterea desirar. Ma io ancora pensa que Interforo offere un multo bon medio de communicar in interlingua. In le listas de e-posta il anque ha multo poc activitate, excepte in le un gruppo ubi quasi tote discussiones tracta themas etymologic.

Plure membros ha lamentate que on non pote reciper e scriber messages de Interforo per e-posta. Io es certe que un tal functionalitate poterea augmentar le activitate e facer multes adjunger se a nos, qui prefere listas de e-posta.

Le problema es que un tal functionalitate non existe pro phpBB. Illo existe al altere latere pro vBulletin, un programma de foros commercial. Le problemas con cambiar a iste programma sera: 1) io deberea pagar pro illo, e 2) mi traductiones del interfacie de phpBB serea perdite - pro haber un interfacie in interlingua on deberea traducer tote le interfacie de vBulletin ab ovo, e io non ha tempore pro isto in le menses veniente. Isto significarea que, al minus durante alicun menses, le interfacie serea in anglese.

Que pensa vos? Esque vos volerea que on poterea facer le foros de Interforo functionar como listas de e-posta, assi que on recipe le messages del foros que interessa uno per e-posta? E es isto plus importante que haber un interfacie in interlingua?

A rescriber! :)
Ask not what you can do for your conlang - ask what your conlang can do for you
Laurentio
cmmiur
 
Messages public: 264
Membro desde: ven. jun 12, 2009 12:04 am

Re: Io ancora vive!

Message publicper McDutchie » mer. mai 05, 2010 11:54 pm

Salute Lars -- io pensa que le perdita de tote le labor pro traducer le interfacie de iste foro in interlingua es probabilemente un precio excessive a pagar. In ultra, cambiar a un altere systema de foros implica le perdita de tote le messages ja publicate, si un programma de conversion non existe...
McDutchie
 
Messages public: 68
Membro desde: sab. jul 04, 2009 10:59 pm

Re: Io ancora vive!

Message publicper Laurentio » ven. mai 07, 2010 4:57 pm

Salute, Martijn!

Quando io investigava iste cosas in le autumno, io constatava que il habeva alicun programma gratuite que habeva le functionalitate, ma con illo on non poteva transferer le vetule messages. Con vBulletin al altere latere, toto poteva esser transferite - solmente le membros debeva registrar se con le mesme adresse de e-posta como antea pro reganiar lor contos, si io memora ben.

Le duo grande disavantages es le precio e le perdita del traductiones.

Ben, io non ha tempore (o moneta) pro ulle cambios justo ora, in tote caso...

Le optime solution serea si alcuno crea iste functionalitate pro phpBB. (Illo existeva pro le vetule version.)
Ask not what you can do for your conlang - ask what your conlang can do for you
Laurentio
cmmiur
 
Messages public: 264
Membro desde: ven. jun 12, 2009 12:04 am

Re: Io ancora vive!

Message publicper Stan Mulaik » dom. mai 09, 2010 11:23 pm

Lars e alteros, salute!

Isto es mi prime apparentia in interforo. Io ha essite un regular de altere sitos pro
interlingua. Il ha alcunos que es vetere interlinguaistas a la.

Pro usar isto, io debe usar le url www.interforo.org, e presentar mi nomine e
contrasigno.

Ben, Lars, tu es un studente? A qual universitate? Il es semper difficile esser
un studente e prosequer un interesse in interlingua.

Stan Mulaik
Stan Mulaik
 
Messages public: 12
Membro desde: dom. mai 09, 2010 11:13 pm

Re: Io ancora vive!

Message publicper McDutchie » lun. mai 10, 2010 5:26 pm

Benvenite, Stan. Il pare que tu ja participava hic le anno passate sub le nomine "Stanley Mulaik": http://www.interforo.org/memberlist.php?mode=viewprofile&u=76
McDutchie
 
Messages public: 68
Membro desde: sab. jul 04, 2009 10:59 pm

Re: Io ancora vive!

Message publicper Laurentio » mar. mai 11, 2010 12:43 am

Salute, Stan!

Il me gaude vider te hic de novo!

Le proxime vice que tu te connecte, tu deberea marcar le campo "identificar me immediatemente quando io me connecte al sito". Alora le sito va memorar tu nomine de usator e contrasigno, assi que tu non ha a scriber los plus.

Anque, tu pote facer un ligamine al sito del scriptorio de tu computator, assi que tu pote acceder le sito con un singule clic del mus.

Tu pote "abonar te" al diverse subforos in le sito, assi que tu recipera un email quando il ha nove messages in illos. Tu anque pote facilemente adjustar le sito a inviar te emails quando il ha responsas a tu messages. Lege plus hic: viewtopic.php?f=39&t=46&start=0

P.ex. il serea multo bon si tu te abonava a iste subforo: viewforum.php?f=17

(Io pensa que tu lo trovara interessante.) :)

Si, malgrado mi vetule etate, io studia al Universitate de Copenhagen.

Tu ha ration, il non es facile occupar se con interlingua, quando on studia. (O studiar, quando on se occupa con interlingua!)
Ask not what you can do for your conlang - ask what your conlang can do for you
Laurentio
cmmiur
 
Messages public: 264
Membro desde: ven. jun 12, 2009 12:04 am


Retro a(l) Super Interforo

Qui es in linea

Usatores qui lege iste foro: Nulle usatores registrate e 2 visitantes

cron