Interforo.org ha entrate in le phase beta

[admin]

Car totes,

Ora comencia le phase "beta" de Interforo.org. (Traditionalmente le phase beta de un pecia de software, nove sito web o simile, es le phase que occurre quando le producto es quasi preste - in illo on invita probatores a usar lo e reportar errores, assi que toto pote esser in ordine ante le publication final.)

Nos vos invita a usar le sito tanto como possibile, scriber messages public e private, adder amicos, etc. - in breve: a usar le sito e tote su possibilitates, e reportar hic:

1) problemas technic (cosas que non functiona, messages de error, etc.),

2) errores linguistic - sia errores de typamento, de orthographia, de grammatica o "de interlingua" in general (p.ex. si vos pensa que un parola o phrase false ha essite usate).

3) cosas incomprensibile (p.ex. si vos non comprende un instruction scribite alicubi in le sito),

e

4) altere cosas que vos pensa deberea esser meliorate.

In plus vos es benvenitissime a scriber qualcunque commentarios e questiones que vos ha.

Le phase beta va durar usque le 20 de junio. Al 21 de junio Interforo.org va (sperabilemente) esser officialmente inaugurate.

[Daniel Hollande]

Bravissimo sr admin... le foro pare melio cata die.

[admin]

Gratias, Sr. Cavallero.