Que va occurrer ora? Plus texto a traducer

[admin]

Hodie io ha comenciate a investigar como facer con le nove version - il pare que io debe solmente inserrer alicun plus texto e pote dunque reusar le texto jam traducite.

Si vos es interessate, vos pote vider le nove textos hic (NB. le ligamine duce a un file zip que va esser discargate a vostre computator.)

Nota que io non ha a traducer tote le documento - solmente le partes visibile pro le usator normal - dunque nulle del files in le dossier ACP, ni le file INSTALL.php.

Io non sape quante tempore il va durar, ma quando le nove textos es traducite, e insertate in le vetule files, io suppone que le sequente debe occurrer: Io va exequer le pacchetto de actualisation (update), alora le tabula de foros va sperabilemente esser actualisate al nove version 3.0.0.5, e sperabilemente nostre messages jam scribite va ancora esser hic. Alora le interfacie va esser in anglese, ma quando io ha telecargate le files in interlingua al sito e installate los, sperabilemente illo va cambiar retro a interlingua de novo.

(Inserre mesme alicun plus "sperabilemente"s in le texto in supra.)