Alicun novas

Alicun novas

Message publicper Gabriel Svoboda » mer. mai 05, 2010 1:26 pm

Imagine

DE ASIA DEL EST
- Le 19 de april 2010: Seismos sequente continua in le prefectura autonom de Yushu, provincia de Qinghai, China del nord-west. Le numero de victimas del seismo principal, que ha evente in mercuridi, ha attacte duo milles.

DE EUROPA DEL NORD-WEST
- Le 20 de april 2010: Post le crise financiari, in le septimana ultime Europa ha essite affectate per un crise de cinere. Le cinere del vulcano Eyjafjallajökull, Islanda del sud, ha paralysate le movimentos de aviones e illo ha causate problemas gigante pro le aviation e le economia europee. Le Association International de Transporto Aeree ha anunciate, que a causa del crise de cinere firmas de aviation perderea plus multe pecunia que illos ha perdite a causa del attacos terroristic in le 11 de septembre 2001. Le situation ha parturite alicun burlas:
1. Secundo le calendario maya, le vulcano calmara se si tosto que un medietate de Europa habera pronuntiate su nomine correctemente.
2. "Eyjafjallajökull" es un expression islandese pro "tu dormira in le aeroporto".
3. Eruptiones del vulcano Eyjafjallajökull occure solo duo vices in un anno - depost aprile usque a septembre e depost octobre usque a martio.
4. Le desiro ultime del economia de Islanda era dispersar su cinere trans Europa.
5. Le islandeses extinguera le vulcano si tosto que le mundo habera pardonate lor debitos.

DE ASIA DEL SUD-EST
- Le 20 de april 2010: Un nov argumento pro timentes de Facebook: Policia in Bogor, Indonesia del sud, ha recepte un reporto per Jesika Danies, studente de vetustate de 22 annos, qui assere, que alteres ha publicate photographias nude de la in Facebook. Illa dice sentir se humiliate.

DE ASIA DEL SUD-WEST E AFRICA
- Le 23 de april 2010: Le prime ministro de Israel Benjamin Netanyahu ha de nove rejectate demandas del Statos Unite de America, que ille suspende le construction de domos in le Jerusalem del est occupate. Le oppression de palestinos per Israel sembla esser le causa principal e clave del terrorismo islamic global. Le Nationes Unite assere, que le blocada de Gaza per Israel impedi un education de milles de impuberes palestin.

DE STATOS UNITE DE AMERICA
- Le 23 de april 2010: Per un rocchetta Atlas V le armea statunitense ha successe lancear un nov navetto spatial Boeing X-37. Le nov navetto es 8.8 metros longe e le invirgatura es 4.6 metros. Il sembla, que per iste projecto iste nov navetto reimplaciara le navetto actual, cuje volos fini in iste anno.

DE MUNDO NOVE
- Le 25 de april 2010: In Melbourne, Victoria, Australia del sud-est, durante un parada militar un camion vetere ha ultrapassate septe veteranos vetule inter septanta e octanta annos. Le cause probabile del disastro ha essite un problema technic. Durant un parada simile in Nove Zelanda un helicoptero vetere ha case, occidente tres pilotas.

DE EUROPA DEL SUD-EST
- Le 27 de april 2010: Le parlamentos e de Russia e de Ukraina ha ratificate un tractato de un prolongation del presentia del flotta militar de Russia in Sevastopol, Crimea, que es un republica autonome russe in Ukraina del sud. Le resistentia de adherentes del presidente precedente Viktor Yushchenko e del prime ministra precedente Yulia Tymoshenko era tanto forte, que illes jectava bombas de fumo e ovos directemente in le parlamento de Ukraina.

Remarcas:
- Forsan vos trovara, que le novas son colorate per un ideologia. (Per exemplo le phrase: "Le oppression de palestinos per Israel sembla esser le causa principal e clave del terrorismo islamic global.") Isto non significa, que io ipse serea de tal opinion, o que io volerea, que vos sia de tal opinion. Io solo crede, que de tempore in tempore il pote esser interessante saper le opiniones del altere parte.
- Correction de errores es benvente!
Gabriel Svoboda
 
Messages public: 41
Membro desde: mer. mai 05, 2010 12:54 pm
Location: Chechia

Re: Alicun novas

Message publicper Laurentio » ven. mai 07, 2010 5:01 pm

Multo benvenite a hic, Gabriel, e gratias pro le novas!
Ask not what you can do for your conlang - ask what your conlang can do for you
Laurentio
cmmiur
 
Messages public: 264
Membro desde: ven. jun 12, 2009 12:04 am

Re: Alicun novas

Message publicper Gabriel Svoboda » sab. mai 22, 2010 3:10 pm

DE EUROPA DEL SUD-EST
- Le 5me de maio 2010: Milles de citatanos de Grecia participava un exopero general a protestar contra le medios de sparnio initiate per le governamento de Georgios Papandreou e contra le prestos date per le Union Europee e per le Fundo Monetari International pro un salvation del economia false de Grecia. Durante manifestationes violente in Athenas ha essite occise tres homines, qui habeva essite suffocate per un incendio intra un banca arse per le manifestatores. Post iste tragedia le presidente de Grecia Karolos Papoulias ha dicte, que Grecia sta in le bordo de un precipitio.

DE ASIA DEL SUD-WEST E AFRICA
- Le 6me de maio 2010: Omne cinque membros permanente del Consilio de Securitate del Nationes Unite — le Statos Unite de America, China, le Regno Unite, Russia e Francia — ha consense con Egypto a crear un zona sin armas nucleari in Asia del west. Le problema principal de iste projecto es Israel, que habe alicun centos de armas nucleari. A causa del menacia israelita alicun paises vicin effortia se a producer su proprie bombas nucleari.

DE EUROPA DEL NORD-WEST
- Le 7me de maio 2010: In le election parlamentari in le Regno Unite, le Partito Conservative ha obtente le numero le plus grande de suffragios, ma nulle partito ha ganiate un majoritate absolute.

DE ASIA DEL EST
- Le 11me de maio 2010: China ha essite parvemente choccate per un competition in television "Pueros Felice" monstrante viros transsexual vestite como feminas. Un de le competitores Liu Zhu de Chengdu, China del sud-west, dice: "Io ha comenciate vestir me como un femina durante mi pubertate. Io non vole suffrer un operation cambiante mi sexo, ben que le vita como un viro es inquiete pro me. Io es nervose de un examine medical o de usar un lavatorio public. Io senti me estranie in duchas public inter viros nude con toalias." Xie Jinchuan, un sociologo de China, dice, que le frontiera inter viros e feminas hodie deveni indistincte.

DE MUNDO NOVE
- Le 13me de maio 2010: Policia australian ha attrapate le ex-capitano serbe Dragan Vasiljković. Croatia vole un extradition de le, proque ille es accusate a causa de crimines militar.

DE STATOS UNITE DE AMERICA
- Le 14me de maio 2010: Post un quarte de seculo de servicio, le navetto spatial Atlantis ha essite lanceate con successo ex Florida, SUA del sud, a su viage ultime. In li navetto son sex astronautas e le modulo Rassvet de Russia. Il es projectate, que le mission durara dece-duo dies.

DE ASIA DEL SUD-EST
- Le 14me de maio 2010: Le conflicto inter le Camisas Rubie republican e le Camisas Jalne monarchistic continua se in Thailanda. Le Camisas Rubie habeva essite electe democraticamente, ma lor governamento ha essite subverse militarmente per le Camisas Jalne. Su Majestate Rege Rama IX e specialmente le filio Su Altessa Royal Prince de Corona Maha Vajiralongkorn extravagante e prodige es ose per multe pauperes: per exemplo ha essite revelate un film monstrante le prince, qui fortia su uxor posar nude durante un festa del anniversario de su can.

Correction de errores es benvente!
Gabriel Svoboda
 
Messages public: 41
Membro desde: mer. mai 05, 2010 12:54 pm
Location: Chechia

Re: Alicun novas

Message publicper Novparl » sab. mai 29, 2010 12:17 pm

No es le camise jalne que es legitim? Le camise rubie es partisans de Taxin Shinawatra, un massiv fraudator. Il ha essayite de prender control de Manchester City, sed essava trop corrupt per mesme le Prime Liga anglese, qui permite quasi omnes fraudator de prender control de un club sin oppositio. E.g. Portsmouth (bankrupt) & Liv'pool (quasi bankrupt).
Novparl
 
Messages public: 10
Membro desde: mer. jul 22, 2009 10:28 am

Re: Alicun novas

Message publicper Gabriel Svoboda » dom. mai 30, 2010 1:56 pm

Illo es un question difficile. Thaksin Shinawatra, qui es in le parte del Camises Rubie, certemente es un fraudator massiv. Ma in mi pais, quasi omne politico es un fraudator (o es connexe a altere fraudatores). Dunque io no serea surprense, si non solmente Thaksin Shinawatra, ma etiam alicuno del Camises Jalne serea un fraudator. In le election le plus recente, le partito favorite per Thaksin Shinawatra ha ganiate, ma naturalmente le populo semper es libere a cambiar su opinion.
Gabriel Svoboda
 
Messages public: 41
Membro desde: mer. mai 05, 2010 12:54 pm
Location: Chechia

Re: Alicun novas

Message publicper Gabriel Svoboda » sab. jun 05, 2010 8:40 pm

DE ASIA DEL SUD-EST
- Le 16me de maio 2010: Le numero de victimas del protestos contra le governamento in Bangkok ha ja attacte 25. Plus que duo centos homines ha essite vulnerate.

DE STATOS UNITE DE AMERICA
- Le 16me de maio 2010: Le navetto spatial Atlantis con successo ha ultimemente atterrate apud le Station Spatial International.

DE ASIA DEL EST
- Le 21me de maio 2010: Duo pueras adolescente del etates 16 e 19 annos ha essite trovate nude e incatenate in un prison subterranee, ubi illas ha essite imprisonate durante quasi un anno, in le provincia de Hubei, China central. Illas ha essite salvate, post que un reparator de televisores habeva trovate un supplica de adjuta, que le pueras habeva successe a stipar intra un televisor rupte. Zeng Xiangbao, un viro del etate de 39 annos divorciate vivente con su mantre, es le proprietario del domo super le prison. Ille habeva essite arrestate a causa de altere stupros solmente un septimana ante le salvation.

DE MUNDO NOVE
- Le 27me de maio 2010: Le mundo prepara se al campionato mundial de football, que evenira in junio e julio in le Republica de Africa del Sud. Per exemplo Diego Maradona, le ex-footballero argentin famose e un director acutal del equipa national argentin, ha dicte, que si Argentina vincera le campionato, ille disvestira se e currera nude al Obelisco de Buenos Aires. Diego Maradona ha ja antea posate sin vestimentos pro le magazine El Gráfico.

DE EUROPA DEL NORD-WEST
- Le 27me de maio 2010: Un viro suisse es judicate pro promenar se nude in le Alpes in le canton de Appenzell, Suissa del est. Observatores dice, que iste lege vole plus arrestar un invasion de germanos nude que impedir suissos a esser nude. Incontrar un excursionista portante nihil altere que bottas e un sacco de dorso non es tanto rar in Germania.

DE EUROPA DEL SUD-EST
- Le 29me de maio 2010: Le election parlamentari in Chechia [lege "Tchekia"] revela un conflicto de generationes in iste pais. Un majoritate de juvenes votava pro partitos conservative e dextre, dum un majoritate de veteres votava pro partitos socialista e communista. In iste caso, le juvenes ha victe le veteres. Le nove coalition pro governamento probabilmente consistera de duo partitos dextre e un central-dextre, con Petr Nečas como un prime ministro.

DE ASIA DEL SUD-WEST E AFRICA
- Le 31me de maio 2010: In le aquas internationale in le Mar Mediterraneo, al west de Israel, le aeroplanes e naves de guerra de Israel ha brutalmente attacte un flotta humanitari sin armas portante un adjuta pro le habitantes del Banda de Gaza. Nove acivistas ha essite massacrate. Un majoritate del victimas sembla esser de Turchia de nave Marmara. Cinquanta injurias son reportate. Secundo Ehud Barak, ministro de defensa de Israel, le activistas sia blasmate pro le mortes, proque le soldatos tentava abbordar le nave in pace, ma ha essite fortiate precipitar pro proteger se. Le naves de Israel ha escortate le naves del flotta protestante al porto de Ashdod, Israel del sud.

Correction de errores es benvente!
Gabriel Svoboda
 
Messages public: 41
Membro desde: mer. mai 05, 2010 12:54 pm
Location: Chechia

Re: Alicun novas

Message publicper Gabriel Svoboda » sab. jun 19, 2010 2:50 pm

DE EUROPA DEL SUD-EST
- Le 4me de junio 2010: Hodie es commemorate un anniversario novantesime del tractato de Trianon del dissolution de Hungaria. Ante le tractato de Trianon, magayares practicava un politica de magyarisation contra altere populos de Hungaria, considerava le tote Hungaria como exclusivemente sue e etiam non distingueva inter le parolas "magyar" e "hungare", ben que magyares era minus que un medietate del population de Hungaria. Iste tractato ha divise Hungaria inter Magyaria, Checoslovachia (lege "Tchekoslovakia"), Romania e Yugoslavia, dante libertate a slovacos, romanianos e serbos, ma lassante grande territorios con un majoritate magyar in altere paises. Ancora hodie 10.7 % de habitantes de Slovachia, 6.6 % de Romania e 3.5 % de Serbia es magyares, que usque ad hodie complica le relationes inter Magyaria e su paises vicin.

DE STATOS UNITE DE AMERICA
- Le 5me de junio 2010: Octo studentes de etate 13-17 in le schola secundari Susquenita in Pennsylvania, SUA del nord, ha essite accusate pro un production de pornographia infantil, post que illes ha prense photographias nude de se mesme. Le principio legal, que un lege non pote esser applicate contra ille personas, pro cuje protection illo ha essite adoptate, evidentemente ancora non ha arrivate a Pennsylvania.

DE MUNDO NOVE
- Le 6me de junio 2010: Le Corte de Appello de Ontario, Canada central, resolve, an un femina moslem cognite como N. S. habe un jure testificar ante un corte portante un niqab, que cela le tote facie excepte le oculos. N. S. deberea testificar contra su oncle e cosino, qui son accusate de haber abuse la in le etate inter sex e dece annos. N. S. dice, que si illa deberea disvestir su niqab ante le corte, illa sentirea se quasi illa serea fortiate de novo disvestir se usque a nuditate ante le accusates. Advocatos del accusates dice, que le reactiones de un teste con facie celate non pote esser confrontate convenientemente. 2.5 % de canadianos e 3.1 % de ontarianos son moslemes.

DE ASIA DEL SUD-WEST E AFRICA
- Le 9me de junio 2010: Le tumulto violente, que ha paralysate Iran ante un anno, probabilemente non repetera, proque le iranianos time, que illo serea brutalmente represse de novo. Illes, qui participava le tumlto ante un anno, affrontava varie generes de punitiones: morte, arresto, stupro, humiliation per nuditate fortiate etc.

DE ASIA DEL SUD-EST
- Le 12me de junio 2010: Indonesia es concernate per un guerra frigide religiose. Yenny Wahid, femina del etate 35 annos, contende pro un islam moderate sub le Alliantia National pro Libertate de Religion e Fide. Per exemplo, recentemente le alliantia ha disaccordate con un lege contra pornographia, que opprimerea un dansa traditional de Java del West e calebasses de penis de Papua del west; tamen moslemes radical ha accusate le alliantia de un supporto de pornographia. 86.1 % de indonesianos son moslemes.

DE EUROPA DEL NORD-WEST
- Le 13me de junio 2010: Le partito separatista Nove Alliantia Flaminge ha ganiate le electiones parlamentari in Belgica. Iste partito desira un dissolution de Belgica e un establimento de Flandres e Wallonia independente.

DE ASIA DEL EST
- Le 15me de junio 2010: A causa de conflictos ethnic in Kirghizistan al minus duo centos homines ha essite occise. Kirghizistan es un pais de duo populos, kirghizos (69 %) e uzbekos (14.5 %), proque le regime sovietic ha designate le frontiera inter Kirghizistan e Uzbekistan deliberatemente toto non prestante attention al frontiera ethnic inter iste duo populos. Illo era un parte del politica "divide et impera", a fin que le populos subjugate combatte inter se un contra altere, in loco de ambe conjunctemente contra Moscou.

Correction de errores es benvente!
Gabriel Svoboda
 
Messages public: 41
Membro desde: mer. mai 05, 2010 12:54 pm
Location: Chechia

Re: Alicun novas

Message publicper Valodnieks » lun. jun 28, 2010 8:57 pm

In quante linguas tu scribe novas Gabriel? Io ha legite etiam novas de tu in Occidental-Interlingue e in Ido.
Valodnieks
 
Messages public: 20
Membro desde: dom. aug 02, 2009 3:25 pm
Location: Germania

Re: Alicun novas

Message publicper Gabriel Svoboda » mar. jun 29, 2010 4:10 am

Io es indecisive, io vole abandonar nulle lingua interessante, dunque io scribe novas in le tres linguas e anque in Novial e latin.
Gabriel Svoboda
 
Messages public: 41
Membro desde: mer. mai 05, 2010 12:54 pm
Location: Chechia

Re: Alicun novas

Message publicper Novparl » jov. jul 01, 2010 5:57 pm

Mr Freedom

In tu pais quasi tuto politico es fraudator? De vero? io non ha entendite nul de esto!

Quod pensar del novo régime in Cechia? :ugeek:
Novparl
 
Messages public: 10
Membro desde: mer. jul 22, 2009 10:28 am

Proxime

Retro a(l) Novas e politica

Qui es in linea

Usatores qui lege iste foro: Nulle usatores registrate e 1 visitante

cron