Alicun novas

Re: Alicun novas

Message publicper Gabriel Svoboda » sab. jul 03, 2010 4:45 pm

DE STATOS UNITE DE AMERICA
- Le 16me de junio 2010: Multe homines crede, que le Statos Unite de America habeva attacate Iraq non pro combatter contra terrorismo, ma por le petroleo local. Ma recentemente illes ha discoperte, pro que le SUA habeva attacate anque Afghanistan. Afghanistan non habe tante petroleo, ma habe un opulentia enorme de minerales valente plus que un trillion (10^12) de dollares: ferro, cupro, cobalto, auro e lithio.

DE EUROPA DEL NORD-WEST
- Le 16me de junio 2010: Un inundation rapide causate per un pluvia forte in le departimento de Var preter le Costa Azur, Francia del sud, ha occise al minus 25 homines.

DE EUROPA DEL SUD-EST
- Le 22me de junio 2010: Picturas prehistoric picte ante 23-35 mille annos ha essite discoperte in le caverna Coliboaia in le Montes Apuseni, Romania del west. Le caverna habeva jam essite cognite, ma le picturas non, proque le caverna es in parte inundate per un riviera subterranee. Le picturas son simile al picturas in cavernas de Europa del west, exponente un bisonte, un cavallo, duo capites de ursos e duo capites de rhinocerotes.

DE MUNDO NOVE
- Le 27me de junio 2010: Alizee Sery, un femina francese habente 25 annos, ha ultragiate le aborigines australian per disvestir se in le culmine de Uluru in le Territorio del Nord, Australia, e distribuer un film de illo. Illa defende se, que illo non ha essite intentionate como un offensa del aborigines, ma como un tributo a lor cultura, proque illes viveva nude. Uluru es un monolitho arenose rubie sacre pro le aborigines.

DE ASIA DEL EST
- Le 28me de junio 2010: Si un viro nata nude in un stagno e il es nulle feminas in le vicinitate vidente le, an ille age immoralmente? Le responsa differera in partes differente del mundo. In Yuxi, China del sud-west, illo ha devente un thema de debatto, proque viros usa un reservoir local talmente durante cinque annos. Sapientes dice, que lege considera solmente un exposition flagrante como un crimine.

DE ASIA DEL SUD-WEST E AFRICA
- Le 28me de junio 2010: A causa del attacco recente contra le nave de Turchia per le armea de Israel in le Mare Mediterraneo, Turchia ha annunciate un clausura de su spatio de aere pro volos de aeroplanos de Israel.

DE ASIA DEL SUD-EST
- Le 29me de junio 2010: Un monacho buddhista Net Khai ha essite destitute e accusate de production e distribution de pornographia, proque ille secretemente filmava centos de feminas nude baniante se in un aqua sancte de un pagoda in Phnom Penh e distribueva le filmes per telephonos mobile. Illo ha seriosemente nocite al bon repoutation del 55 milles monachos buddhista in Cambodgia.

Correction de errores es benvente!
Gabriel Svoboda
 
Messages public: 41
Membro desde: mer. mai 05, 2010 12:54 pm
Location: Chechia

Re: Alicun novas

Message publicper Gabriel Svoboda » sab. jul 03, 2010 4:50 pm

Dear Mr Newspeak ;)

Iste situation in Chechia non es un characteristica del nove regime, ma satis un residuo del regime ancian (le inter le annos 1948 e 1989). Como tu sape, communismo es un ideologia volente abolir le mercato libere. Illo significa, que le precio de un merce o un servicio non plus era constitute naturalmente (secundo le lege del offerta e demanda), ma era imposite artificialmente per le stato. Ma le mercato libere es un cosa natural, illo non pote esser abolite. Quando le precio artificialmente imposite era minor que le precio natural, un manco del merce proveniva: non omne clientes poteva esser satisfacte. Como filtrar le clientes? Como determinar, qui sera satisfacte e qui non? Si le mercato libere existerea, le solution serea natural: le precio crescerea, non omne clientes poterea pagar lo e le numero de clientes diminuerea. Ma in le communismo, le precio era fixate, illo non poteva crescer ... officialmente non poteva. De facto, le numero de clientes era reducte exactemente como in le mercato libere: solmente tal clientes era satisfacte, qui poteva pagar un precio non official plus alto, que contineva le precio official e un moneta de corruption (bribe, pot-de-vin, soborno, tangente, Bestechungsgeld, podkup, bakshish). Isto ha devente un costume e le cambio del regime non ha cambite lo. Dunque omne checos, e anque omne lor politicos, son fraudatores. O forsan non omne, ma satis multe, que il existe nulle partito politic sin fraudatores e corruption.

Ecce un mappa interessante: http://en.wikipedia.org/wiki/File:World ... n_2009.svg
Gabriel Svoboda
 
Messages public: 41
Membro desde: mer. mai 05, 2010 12:54 pm
Location: Chechia

Re: Alicun novas

Message publicper Gabriel Svoboda » sab. jul 17, 2010 2:45 pm

DE ASIA DEL EST
— Le 2nde de julio 2010: Scientistas ha discoperte, que le tibetanos habeva solmente tres milles annos pro adjustar se al vita in le montes le plus alte del mundo in China del west. Isto es le mutation genetic le plus rapide, que ha unquam evente apud homines. Le tibetanos habe minus de hemoglobina in le sanguine.

DE ASIA DEL SUD-WEST E AFRICA
— Le 3te de julio 2010: Post que un camion transportante gasolina habeva inverse se in le provincia de Kivu del Sud, le Republica Democratic del Congo del est apud le frontiera de Tanzania, un banda de habitantes ha congregate se por furar le gasolina - ma le camion ha explose e accense se, occidente plus que 230 homines e vulnerante 200. Secundo le policia, le causa del accidente era un velocitate excessive. Le causa del incendio pote esser un fumar.

DE EUROPA DEL SUD-EST
— Le 4te de julio 2010: In le round secunde del election presidential in Polonia, Bronisław Komorowski ha victe Jarosław Kaczyński per un pilo.

DE STATOS UNITE DE AMERICA
— Le 8ve de julio 2010: Le autoritates in le SUA tracta se de nuditate public. In desertos de California, SUA del west, on nunc pote pagar un multa de un mille dollares a causa de esser nude. In Asbury Park, New Jersey, SUA del nord, le urbe ha rejectate un proposition, que feminas pote ir topless in un del plagias del urbe.

DE ASIA DEL SUD-EST
— Le 8ve de julio 2010: Rais Yatim, le ministro de cultura de Malaysia ha proclamate, que scenas nude in filmes non es permisse, proque islam prohibi los. "Si inscenatores moslem vole haber scenas nude, illo es un violation clar de islam. E le actor e le inscenator debe disaccordar con illo," ille ha dicte.

DE MUNDO NOVE
— Le 10me de julio 2010: Milles de statunitenses e canadianos ha participate un tentativa a superar le record de numero de homines natante nude in plus que un cento locos in le tote America del Nord. In le anno passate 13 674 homines ha participate; le numero de iste yaro es ancora contate.

DE EUROPA DEL NORD-WEST
— Le 13me de julio 2010: Le aquario in Oberhausen, Rhenania del Nord - Westfalia, Germania del west, cuje octopode Paul habeva correctemente predicte le victoria de Espania super le Paises Basse in le campionato mundial de football, ha essite accusate per un ethologo hungare Vilmos Csanyi, que illo ha manipulate le octopode. Ille ha dicte, que un octopode pote aperir un cassa, in que illo anticipa delicatessas; ergo un experto de football ha probabilemente celate delicatessas favorite de Paul in le cassa con un bandiera de ille equpia, cuje victoria ille expectava.
Gabriel Svoboda
 
Messages public: 41
Membro desde: mer. mai 05, 2010 12:54 pm
Location: Chechia

Re: Alicun novas

Message publicper Gabriel Svoboda » lun. aug 09, 2010 5:10 pm

DE STATOS UNITE DE AMERICA
— Le 19ne de julio 2010: Pasties son etiquettas ordinarimente use per striptrices o striptores pro celar su partes intime. Ma un firma de Las Vegas, Nevada, SUA del west, offere si-nominate pasties de volar (flying pasties). Le pasties de volar sia use per viagiatores de aere pro celar su partes intime, quando illes es controlate per un scanner corporal. Tamen le plus probabilmente illo es un fraude, intentente ganiar ex le demanda de modestia. Le firma describe nulle technologia, que facerea le intime partes invisibile pro le scanner. De plus, alicuno habente alique infra su vestimentos serea multo suspecte e ille deberea suffrer un controlo multo plus detaliate de su partes intime que durante le controlo ordinari.

DE MUNDO NOVE
— Le 19ne de julio 2010: Archeologos del Universitate Brown, Providence, Rhode Island, SUA del nord-est, ha discoperte un tumba de un rege maya sub le pyramide El Diablo in ruinas del urbe de El Zotz, Guatemala del nord. Le tumba habe parietes ricamente stuccate e un tresor intacte de statuettas, ceramica e textile. Intra le tumba son etiam ossaturas de sex infantes, qui probabilmente ha essite sacrificate post le morte del rege, que era un tradition maya.

DE EUROPA DEL SUD-EST
— Le 22de de julio 2010: Le Corte International de Justitia ha decise, que le declaration unilateral de independentia de Kosovo non infringe le derecto international. Per le serbos, iste decision es vise como un proba, que le corte es un organisation anti-slave racista de marionettes directe per le Statos Unite de America. Per iste precedente, etiam Palestina, le Republica Arabe Sahraui Democratic, Cypro del Nord, Abkhazia o Ossetia del Sud, que ha jam declarate su independentia, serea statos independente. Etiam per exemplo le sud-west mexicanesc del Statos Unite de America, Scotia, Occitania, Stato de São Paulo o Lapponia poterea legalmente declarar su independentia.

Imagine
Mappa de Hellerick

DE ASIA DEL SUD-EST
— Le 23tie de julio 2010: In Klang, Selangor, Malaysia central, le policia ha trovate duo tascas de calceones e un album plen de photos nude in un camera de un suspecto de un stupro de un puera habente dece-quatro annos. Le suspecto habente 26 annos ha essite detente in le mesme die, quando le puera ha annunciate le stupro. Ille ha stuprate la ante duo dies, quando ille locava le camera; le victima es un nepta del arrentator.

DE EUROPA DEL NORD-WEST
— Le 25te de julio 2010: Un massive fuga percipitate durante le Love Parade 2010 in Duisburg, Rhenania del Nord — Westfalia, Germania del west, ha heri occise 21 e vulnerate al minus 510 homines. Nunc le supervictores blasma le officiales de Duisburg. Le fundator del festival ha cancellate lo.

DE ASIA DEL EST
— Le 27me de julio 2010: Un viro de Dongguan, China del sud, habente 31 annos, ha publicate un annuncio, que ille cerca cinque voluntarios, qui con le currerea nude trans le urbe pro pecunia. Le motivo de iste action son problemas de debitos. Secundo le derecto del Republica Popular de China, alicuno agente indecentemente verso alicun persona o deliberatemente exponente su corpore in un loco public sia detente durante 5-10 dies, si le circumstantias son absolutemente vil.

DE ASIA DEL SUD-WEST E AFRICA
— Le 28ve de julio 2010: Un aeroplano Airbus A-321 ha case super le Collinas Margalla apud Islamabad. Intra le aeroplano era 152 homines, ex qui nemo ha supervicte. Le causa probabile del catastrophe ha essite un nebula dense e un error del pilota.
Gabriel Svoboda
 
Messages public: 41
Membro desde: mer. mai 05, 2010 12:54 pm
Location: Chechia

Re: Alicun novas

Message publicper Gabriel Svoboda » dom. aug 22, 2010 12:00 am

DE EUROPA DEL NORD-WEST
— Le 1me de augusto 2010: Le Paises Basse ha tirate su 1 900 soldatos de Afghanistan, a causa del opinion public, que le guerra in Afghanistan es absurde.

DE ASIA DEL SUD-WEST E AFRICA
— Le 2nde de augusto 2010: Un incendio in un casa de pensionarios in Nigel, nord-est del Republica de Africa del Sud, ha occise 18 homines.

DE EUROPA DEL SUD-EST
— Le 6te de augusto 2010: Le unda de calor e incendios in Russia continua se. A causa del incendios jam circa cinquanta homines ha morite e 1 500 kilometros quadrate de foreste ha flagrate. Milles de homines ha essite private de su casas e plus que un mille ha necate se, sovente post haber bibite multe vodka refrescante, proque le temperaturas ha excesse 40 grados Celsius. In Moscou, le fumo del incendios ha coperte punctos famose de referimento e retardate plus que 140 volos. Numeros official indica, que 14 340 homines ha morite in Moscou durante julio 2010, que es 4 824 plus que in le mesme mense del anno precedente. Vladimir Putin, le prime ministro de Russia, ha prohibite un exportation de farina e frumento depost le 15te de augosto usque al 31me del decembre a causa del siccitate pessime in le historia de Russia.

DE STATOS UNITE DE AMERICA
— Le 11me de augusto 2010: Elias Abuelazam, un homicida serial racista israelita arabe, ha essite detente in un aeroporto in Atlanta, Georgia, SUA del sud, ante volar a Israel. Ille habitava in Virginia.

DE ASIA DEL EST
— Le 12nde de augusto 2010: In Wuhan, China central, prostitutas como le prime in iste pais postula un legalisation de prostitution, proque feminas prostituente es ordinarimente humiliate plus per policieros persequente las que per le prostitution ipse.

DE ASIA DEL SUD-EST
— Le 14te de augusto 2010: Le prime Jocos Olympic de Juventute ha comenciate in Singapur. Le jocos es dodecalingue: le lingua del prime rango es le anglese, le lingua del secunde rango es le francese, le linguas del tertie rango es le german, le italian, le espaniol, le portuguese, le russe, le arabe, le chinese, le malay, le corean e li japonese.

DE MUNDO NOVE
— Le 15te de augusto 2010: Le opposition venezuelan protesta contra un decision del guvernamento a investigar le jornal El Nacional, que de violentia ha informate in su pagina principal per publicar un photographia explicite de un dozena de cadaveres nude in un morgue.
Gabriel Svoboda
 
Messages public: 41
Membro desde: mer. mai 05, 2010 12:54 pm
Location: Chechia

Re: Alicun novas

Message publicper Gabriel Svoboda » sab. sep 18, 2010 11:15 am

DE STATOS UNITE DE AMERICA
— Le 16te de augusto 2010: Post que musulmanes in New York, SUA del nord-est, habeva annunciate, que illes vole construer un mosquea apud Ground Zero, un jornalista Greg Gutfeld ha annunciate, que ille construera un bar de gayes in le vicinitate, a fin que le musulmanes apprende a non usar le parola "tolerantia" grandiloquentemente solmente durante promover su fide e comprender lo correctemente como non solmente "esser tolerate", ma etiam "esser tolerante".

DE ASIA DEL SUD-WEST E AFRICA
— Le 17me de augusto 2010: Un attaco suicidal per un bomba, que ha explose apud un centro de recrutamento del armea de Iraq in Baghdad, ha occise al minus 61 e vulnerate plus que cento homines. Al minus 8 homines ha essite occise e 44 vulnerate per un bomba attaccate a un camion de combustibiles, que ha explose in li parte shiite de Baghdad.

DE ASIA DEL EST
— Le 18ve de augusto 2010: Scientistas ha discoperte, que un mixtura de medicamentos vegetal - peonia chinese, liquiritia, fructos de verde chinese e scutellaria de Baikal - que ha essite usate per le chineses ante 1 800 annos, pote moderar effectos secundari de un chimiotherapia.

DE EUROPA DEL SUD-EST
— Le 20me de augusto 2010: A causa de un pression per le Statos Unite de America, le Tribunal de Appello de Thailanda ha decise a extrader Viktor But, un viro russe pretense de negotios de armas, al Statos Unite de America. Le ministro de affaires exterior de Russia, Sergei Lavrov, ha appellate iste decision como politic e illegal.

DE MUNDO NOVE
— Le 23tie de augusto 2010: Un puero habente 18 annos de Winnipeg, Manitoba, Canada central, ha essite punite per sex menses de imprisionamento, proque ille habeva inviate a Facebook imagines nude de su amica previe habente 16 annos. Le victima ipse ha facte le imagines. Le molestator ha essite marcate como un distributor de pedopornographia, ben que ille es solmente per duo annos plus vetere que le victima.

DE ASIA DEL SUD-EST
— Le 26te de augusto 2010: Le Jocos Olympic de Juventute ha finite in Singapur. Le equipas con le successo optime es China con 30 medalias de auro, Russia con 18 medalias de auro e Corea del Sud con 11 medalias de auro. Etiam equipas continental competeva: Europa ha victe in equitation, scherma e triathlon, America in athletica e de pueros e de pueras.

DE EUROPA DEL NORD-WEST
— Le 30me de augusto 2010: Europa comencia tractar se de immigrantes non-europee. Thilo Sarrazin, un politico german, ha publicate un libro "Germania Aboli Se" criticante immigrantes musulman. Francia evince immigrantes de conducto inacceptabile, principialmente tsiganos. Un viro in Bratislava ha fusilate un famiglia tsigan, que torturava le per un deprivation de somno.
Gabriel Svoboda
 
Messages public: 41
Membro desde: mer. mai 05, 2010 12:54 pm
Location: Chechia

Re: Alicun novas

Message publicper Gabriel Svoboda » sab. sep 18, 2010 10:17 pm

DE ASIA DEL EST
— Le 1me de septembre 2010: Un compania producente subvestimentos feminin in China ha disvelate un nove reclamo sub le slogan "senti la romance de personas regal britannic" presentante un nove serie de blau subvestimentos, portate per un modello parente equalmente como Diana, princessa de Galles, qui habeva morite in un accidente de su automobile in un tunnel in Paris exactemente ante 13 annos. Le Regno Unite habe restrictiones de uso de imagines de membros del famiglia royal a promover productos, ma illo es inefficace contra companias facente lo al estraniero.

DE EUROPA DEL NORD-WEST
— Le 5te de septembre 2010: Medicos in alicun contatos de Svedia central (Örebro, Värmland) e del nord (Västernorrland, Västerbotten, Jämtland) ha refusate facer circumcisiones de pueros, si iste operation habe ration non medical, ma per exemplo solmente cultural o religiose, a fin que iste operationes superflue non consume tempore e pecunia in loco de operationes vermente necessari.

DE ASIA DEL SUD-EST
— Le 6te de septembre 2010: Erwin Amanda, le redactor principal del nunc defuncte edition indonesian del magazine Playboy, ha refusate comenciar servir un imprisionamento de duo annos date a causa de indecentia. Ille argumenta, que Playboy Indonesia era multo differente de editiones de Playboy in altere paises, proque illo contineva nulle nuditate. "Nos debe esser objective e reguardar le magazine [...] per su contente, non per su nomine." Su advocato legal Todung Mulya Lubis dice, que le causa concerne non plus solmente Playboy, ma li tot libertate de pressa, un de libertates difficilemente acquisite in iste pais. Le Fronte de Defensores de Islam ha jam menaciate persequer Erwin Amanda usque al prision.

DE MUNDO NOVE
— Le 9ne de septembre 2010: Linguas del Prime Nationes (i. e. un nomine official del indianos canadian, al exclusion del eschimos) son al bordo de extinction in Nove Brunswick, Canada del est - dice Andrea Bear Nicholas, un experta del Prime Nationes. Un studio novemente publicate revela, que solmente un de cinque infantes vivente extra un reservation comprende su lingua aborigine. A casa 90% de los prefere parlar le anglese o le francese - un del duo linguas official de Nove Brunswick e del tote Canada. Le necessitate a reformar le lege de linguas official jam es un thema de discussiones frequente in iste provincia, ma on debatte quasi exclusivemente de anglophonos e francophonos.

DE STATOS UNITE DE AMERICA
— Le 11me de septembre 2010: Le Statos Unite de America ha commemorate le none anniversario del attacos terrorista del 11me de septembre 2001. Le commemorationes maxime ha evente in New York, SUA del nord-est, apud le Pentagon-Monumento in Washington D. C., SUA del sud, e in Shanksville, Pennsylvania, SUA del nord, ubi le Volo 93 de United Airlines habeva case. Theorias de complot del causa del demolition del Centro de Commercio Mundial in New York non cessa esser popular. Secundo un de los, le viro de affaires Larry Silverstein habeva empte le CCM solmente alicun dies ante le demolition e ille ha frescamente contracte un assecurantia contra terrorismo. Ergo le CCM non ha essite demolite per le terroristas, ma per Larry Silverstein e bombas de demolition. A causa del demolition del CCM e su assecurantia fresc, Larry Silverstein ha profitate circa cinque billion (5 * 10^9) de dollares — del massacro de tres milles victimas. Le demolition del CCM ha essite usate per su collega George W. Bush como un pretexto por invader Afghanistan e Iraq.

DE EUROPA DEL SUD-EST
— Le 13tie de septembre 2010: Agentes anterior del Agentia Central de Information (CIA) statunitense ha confirmate, que iste agentia torturava terroristas suspecte in un centro de detention apud Szczytno (olim Ortelsburg), Polonia del nord-est. In decembre 2002, un agente pretensemente fingeva perforar le capite de un prisionero Abd al-Rahim al-Nashiri per un forator, durante que le prisionero era nude, solmente con un cappucio. Aleksander Kwaśniewski, presidente de Polonia de ille tempore, consistentemente nega le existentia de prisiones secret sur le territorio de Polonia.

DE ASIA DEL SUD-WEST E AFRICA
— Le 15te de septembre 2010: Ayman al-Zawahiri, un de chefes prominente de al-Qaida, ha publicate un nove video a occasion del anniversario del attacos terrorista del 11me de septembre 2010. Ille ha dicte, que Pakistan meritava le inundationes recente, que illo tolerava bibition de vino, drogas, nuditate, exposition de beltate feminin, jocos de hasardo, usura e perversion. Ille ha criticate omne musulmanes, qui quererea negotiation e coexistentia con le non-credentes. Ille ha anc condemnate tal attacos terroristic, que occide plus de musulmanes que non-musulmanes. Apparentemente non solmente occidentales sia anxie de facer nove inimicos per occider civiles.
Gabriel Svoboda
 
Messages public: 41
Membro desde: mer. mai 05, 2010 12:54 pm
Location: Chechia

Re: Alicun novas

Message publicper Gabriel Svoboda » sab. oct 02, 2010 8:00 pm

DE ASIA DEL SUD-EST
— Le 16te de septembre 2010: Le Cameras Extraordinari in le Cortes de Cambodgia ha accusate quatro chefes del Khmeres Rubie de genocide, crimines de guerra e crimines contra le humanitate a causa de lor rolo in le regime in le annos 1970me, includente Nuon Chea, deputato de Pol Pot, e Ieng Sary, ministro anterior de affaires estranie.

DE ASIA DEL SUD-WEST E AFRICA
— Le 18ve de septembre 2010: Electores in Afghanistan participava in un election parlamentari, bravante menacias del Taliban. Le participation es calculate circa quaranta per cento. Centros de votation non ha aperte se a tempore in Nuristan, Afghanistan del est, a causa de anxietates de securitate. Al minus 14 homines ha morite a causa de violentia post le comenciamento del election. Un attacco per un rocchetta contra le centro de OTAN ha essite facte in Kabul. Duo britannos ha essite occise. Attaccos per militantes del Taliban, includente dimissiones de rocchettas, ha vulnerate 16 homines.

DE EUROPA DEL NORD-WEST
— Le 18ve de septembre 2010: Le papa Benedict XVI ha excusate se al victimas del abuso sexual intra le Ecclesia Catholic Roman durante su visita in le Regno Unite. Milles de homines demonstrava protestante contra le opiniones del papa de uso de condomes, homosexualitate, education, ordination de feminas e le causa de abuso de impuberes.

DE STATOS UNITE DE AMERICA
— Le 23tie de septembre 2010: Delegationes del Statos Unite de America e altere paises occidental, includente le Regno Unite, Espania, Australia, Belgica, Svedia e Uruguay, ha quitate le sala del Assemblea General del Nationes Unite, post que le presidente de Iran Mahmud Ahmadinejad habeva asserte, que un majoritate del populo statunitense e anque un majoritate de nationes e politicos in li tote mundo dice, que le attaccos terroristic del 11me de septembre 2001 era le labor del governamento del Statos Unite de America tentante proteger Israel.

DE EUROPA DEL SUD-EST
— Le 29ne de septembre 2010: Deces de milles de travaliatores in le tote Europa protestava contra medios de sparnio adoptate per lor governamentos. Manifestationes habeva loco in Francia, Italia, Polonia, Romania, Chechia (lege Tchekia), Portugal, Irlanda, Serbia, Lituania, Lettonia e Cypro. Un betoniera ha essite jectate in le porta del parlamento de Irlanda per un viro protestante contra le costo de prestar caution pro le Anglo Irish Bank. Travaliatores in Espania participava in le prime exopero general depost le anno 2002. Le transporto era sub nivello normal, transmission de television e emission de jornales era reducte e le protestantes livrava brochures a officios in Madrid explicante lor opiniones. Milles de homines ha convergite extra le centro del governamento in Varsavia infra le slogan "Non a sparnios, si a disveloppamento". Circa cento milles homines marchava trans Bruseles como un parte de un appello pro un exopero pan-europee date per le Confederation Europee de Syndicatos.

DE MUNDO NOVE
— Le 30me de septembre 2010: Un state de emergentia ha essite declarate in Ecuador, post que le armea habeva expugnate le aeroporto international e le policia habeva expugnate le edificio del parlamento. Le governamento ha declarate lo como un tentativa de un colpo de stato.

DE ASIA DEL EST
— Le 30me de septembre 2010: Le Republica Popular de China e le Statos Unite de America ha officialmente recomenciate su relationes militar, post que le Statos Unite de America habeva vendite armas a Taiwan.
Gabriel Svoboda
 
Messages public: 41
Membro desde: mer. mai 05, 2010 12:54 pm
Location: Chechia

Re: Alicun novas

Message publicper Gabriel Svoboda » sab. oct 23, 2010 8:52 pm

DE ASIA DEL SUD-EST
— Le 2nde de octobre 2010: Kwa Geok Choo, le uxor del prime ministro prime singapuran Lee Kuan Yew e le matre del prime ministro singapuran actual Lee Hsien Loong, ha morite.

DE ASIA DEL SUD-WEST E AFRICA
— Le 4te de octobre 2010: Tres soldatos del Fortias International de Assistentia pro le Securitate ducte per le OTAN ha essite occise per attaccos separate in regiones restive de Afghanistan del sud e est.

DE MUNDO NOVE
— Le 4te de octobre 2010: Paul Henry, un presentator de un programma matinal del Television Nove Zelanda, ha devente controverse, quando ille habeva demandate le prime ministro neozelandese John Key de lo, an Anand Satyanand, le governator general neozelandese de origine indian, fijian e anglese, es propriemente un neozelanese.

DE EUROPA DEL SUD-EST
— Le 8ve de octobre 2010: Ancora duo cadaveres de victimas del accidente del fabrica de aluminium in Ajka, Hungaria del west, ha essite discoperte; le summa total de victimas nunc es septe.

DE EUROPA DEL NORD-WEST
— Le 9ne de octobre 2010: Policia e su canes ha violentemente collise protestatores in Anglaterra.

DE ASIA DEL EST
— Le 10me de octobre 2010: Vinti homines ha essite imprisionate in le Republica Popular de China, post que Liu Xiaobo, le imprisionate activista de jures human, habeva obtente le Premio Nobel del Pace 2010.

DE STATOS UNITE DE AMERICA
— Le 14te de octobre 2010: Le presidente statunitense Barack Obama ha promisse, que le politica "non inquire, non dice" de homosexualitate in le armea finira.

UN ADVERTIMENTO EXTRAORDINARI
Imagine
Anna Janatková, un puera chec habente 9 annos, ha disparite sin un tracia in le 13tie de octobre 2010, in le strata Pod Písečnou, Praga. Si illa ha essite abducte, illa nunc pote esser ubique in le mundo, mesmo in vostre strata. Illa ha pilos blonde longe e illa es alte circa 120 centimetros. Ecce modificationes possibile de su facie (sectura, colorationes): http://www.facebook.com/pages/Pohresovana-Anna-Janatkova-Prosim-Pomozte-JI-Najit/103532296379563?v=photos Illa sia trovate tosto e vivente!
Gabriel Svoboda
 
Messages public: 41
Membro desde: mer. mai 05, 2010 12:54 pm
Location: Chechia

Re: Alicun novas

Message publicper Gabriel Svoboda » sab. nov 06, 2010 9:45 pm

DE EUROPA DEL NORD-WEST
— Le 19ne de octobre 2010: Francia exopera contra un reforma de pensiones. Le governamento exploita reservas de necessitate pro compensar un carentia de gasolina; plus que quatro milles de stationes care gasolina.

NOVAS INTERNATIONAL
— Le 17me de octobre 2010: Le papa Benedicto le 16te ha canonisate Mary MacKillop, le prime sancta australian, avante cinquanta milles de homines in le Placia de Sancte Petro in Vaticano.
— Le 21me de octobre 2010: Un analyse del datos detecte per le Orbitator de Recognoscentia Lunar e le Satellite de Discoperta e Observation de Crateres Lunar ha trovate un presentia de monoxido de carbon in le Crater Cabeus conjunctemente con circa 155 kilogrammas de glacie e vapor de aqua, plus que initialmente estimate.

DE MUNDO NOVE
— Le 21me de octobre 2010: Russell Williams, un colonello del Fortias de Aere Canadian, ha essite punite per duo imprisionamentos perpetue a causa de duo homicidios e plure assaltos sexual.

DE STATOS UNITE DE AMERICA
— Le 22nde de octobre 2010: WikiLeaks ha publicate Diarios del Guerra de Iraq, registros militar statunitense secrete, que revela nove informationes, includente que commandantes statunitense permitteva torturas e executiones a occurrer sin un investigation.

DE ASIA DEL SUD-WEST E AFRICA
— Le 23tie de octobre 2010: Richard Falk, un reporter del Nationes Unite de jures human, ha publicate un reporto al Assemblea General del Nationes Unite, que dice, que le construction continuate de colonias facerea le occupation del terra palestin per Israel irreversibile e que le Nationes Unite, le Statos Unite de America e Israel non ha supportate le jures de palestinos. Episcopos del tote Asia del west ha appelate Israel, que illo fini su occupation del territorias palestin.

DE EUROPA DEL SUD-EST
— Le 23tie de octobre 2010: Le opposition socialdemocratic in Chechia (lege [Tchekia]) ha ganiate un majoritate in le senato, dunque le occasion opponer se a tentativas del guvernamento conservative reducer le salarios de empleatos. Le socialdemocrates etiam vole impedir un expedition de soldatos plus multe a Afghanistan e facer le reformas del guvernamento plus socialmente tolerabile.

DE ASIA DEL EST
— Le 23tie de octobre 2010: Le guvernamento del Republica Popular de China ha annunciate, que illo considerara de novo un politica linguistic, que facerea le lingua chinese le sol lingua de instruction universitari.

DE ASIA DEL SUD-EST
— Le 26te de octobre 2010: Indonesia ha essite affecte per un seismo in Sumatra, un tsunami e un eruption del vulcano Merapi. Habente recepte commandos del presidente indonesian Susilo Bambang Yudhoyono, qui nunc visita China e Vietnam, le ministro de assistentia public indonesian Agung Laksono ha declarate un stato de urgentia. Le numero de mortes post le tsunami ha levate se a 23.
Gabriel Svoboda
 
Messages public: 41
Membro desde: mer. mai 05, 2010 12:54 pm
Location: Chechia

PrevieProxime

Retro a(l) Novas e politica

Qui es in linea

Usatores qui lege iste foro: Nulle usatores registrate e 1 visitante