Pagina 1 de 1

Un passo grande pro le humanitate?

Message publicPublicate: sab. jul 18, 2009 3:21 pm
per Quankam
Il ha un anniversario a rememorar. 40 annos ante ora - le 20 de julio 1969 - le prime homine mitteva su pede sur luna. Le plus vetules inter nos certemente se memora le emotiones ad ille tempore. Ma le programma lunar del SUA durava solmente tres annos. Il deveniva clar que le conquesta de luna ha solmente pauc beneficio. Ma le fortia motor del interprisa super toto esseva ideologic: triumphar super le russos in le spatio.

On ha totevia in vista retornar sur luna durante le annos veniente. Esque le situation ha cambiate? On non expecta nove cognoscentias establirante un station permanente sur luna. Le scopo es a disvellopar e experimentar le technica pro inviar homines a marte. Esque le expensas utile pro isto?

Secundo mi opinion le humanitate o su representantes technic colonisara altere planetas in futuro distante. Il non es false commenciar ora disveloppar le technica necessari. Ma nos non oblida que il ha ancora multe labores incomplete sur terra.

- Gerhard -

Re: Un passo grande pro le humanitate?

Message publicPublicate: dom. jul 19, 2009 10:23 pm
per Laurentio
Quankam scribeva:Il ha un anniversario a rememorar. 40 annos ante ora - le 20 de julio 1969 - le prime homine mitteva su pede sur luna. Le plus vetules inter nos certemente se memora le emotiones ad ille tempore.


Io non habeva nascite alora, ma quando le SUA comenciava lor programma de shuttles spatial, io pensa que io remaneva in caso (ben que io deberea haber essite in le schola) pro vider lo. Il era Columbia que illes lanceava principalmente. (Le shuttle que explodeva alicun annos retro.)

On ha totevia in vista retornar sur luna durante le annos veniente. Esque le situation ha cambiate? On non expecta nove cognoscentias establirante un station permanente sur luna. Le scopo es a disvellopar e experimentar le technica pro inviar homines a marte. Esque le expensas utile pro isto?

Secundo mi opinion le humanitate o su representantes technic colonisara altere planetas in futuro distante. Il non es false commenciar ora disveloppar le technica necessari. Ma nos non oblida que il ha ancora multe labores incomplete sur terra.


Io te comprende, ma io lo trova a vices stupefacente le summas incredibile que nos usa pro tal cosas.

Il me pare que Martin Andersen Nexø faceva alicun sententia como "Le vergonia del vetule tempore era que le homines poteva mensurar perfectemente le stellas plus distante, ma non le pan pro le buccas affamate". Naturalmente il es un poco troppo plen de pathos pro nostre dies, ma il ha alicun veritate in illo. (Io non pote trovar le citation exacte.)

Ma io suppone que nostre natura nos dicta de sempre conquirer nove cosas, etc. E naturalmente le aviation spatial es multo interessante. (P.ex. le naves de Burt Rutan.)

In plus il essera bon si nos pote trovar alicun altere plantes al quales nos pote mover, quando nos (tosto) ha destruite le Terra. ;)

Re: Un passo grande pro le humanitate?

Message publicPublicate: lun. jul 20, 2009 5:56 pm
per Quankam
Tu ha ration. Il ha cosas plus importante a facer sur nos planeta:

Cata die plus que 20000 homines mori de fame. Isto *es* un vergonia.
Le destruction del environmento menacia le existentia de multe milliones de homines.
Guerras non solmente significa pena pro le afficites, ma etiam es un menacia pro le tote humanitate.

Ma io pense que il non es realista a credar que nos pote simplemente sparniar le medios pro le disveloppamento technologic e usa los pro le elimination del problemas indicata.
Le cosas es complicate. Nos debe esser flexible nam nos non sape que nos forsan besonia por nostre superviventia in le futuro.
Io non sape le altitude del expensas pro invia homines a marte. Le progamma lunar "Apollo" costava 25 milliardo dollars (e occupava circa 400000 homines).
Compara: Le expensas del SUA solmente in anno 2008 pro "defensa" esseva plus que 600 milliardos. - Toto es un question del relation. - Ma io suppone que on non pote separar le programma spatial del sector de defensa.
Le facie del progresso sur terra troppo sovente non es belle. :-(

- Gerhard -

Re: Un passo grande pro le humanitate?

Message publicPublicate: mer. jul 22, 2009 10:39 am
per Novparl
Bonan tagon.

Andar al Luna essava un perto de tempo. Io memora que al epoca un negro american escribeva un poema "Whitey on the moon." (Le blanco super la luna). :lol:

Omnes correctio de mi Interling es le benvenito.

Re: Un passo grande pro le humanitate?

Message publicPublicate: mer. jul 22, 2009 10:35 pm
per Svenni
Si, le Luna era visitate per 12 homines blanc. Poste on lo abandonava, e le presidente debeva quitar le Casa Blanc. Isto naturalmente sona como un mal conspiration, ma probabilemente non lo es.

Ma, totevia, forsan Novparl ha ration. Del resto, benvenite a interforo!

Re: Un passo grande pro le humanitate?

Message publicPublicate: mar. jul 28, 2009 2:51 pm
per Laurentio
Benvenite, Novvi. :D