Danmark habera su prime prime ministro feminin

Danmark habera su prime prime ministro feminin

Message publicper Laurentio » sab. sep 17, 2011 5:01 am

Post le election de parlamento (Folketing) le jovedi passate, esseva clar que le nove prime ministro va esser sra. Helle Thorning-Schmidt, le presidente de Socialdemokraterne, le partito social-democratic.

Isto significa le fin de un regno decennal del coalition liberal-conservative. Anders Fogh Rasmussen esseva prime ministro de 2001 a 2009, e esseva succedite per Lars Løkke Rasmussen, ambes de Venstre, le partito liberal.

Paradoxemente, Venstre habeva un election excellente e es ora le major partito danese, durante que Socialdemokraterne habeva le pejor election in plus que 100 annos. Mais le coalition que les supporta ha un stricte majoritate in le parlamento.

Le partitos supportante es SF (Socialistisk Folkeparti, le partito socialista moderate), Enhedslisten (le partito socialista non tanto moderate), e Det Radikale Venstre (le partito social-liberal, cuje nomine significa "le sinistre radical", ben que es un partito dextere moderate).

Pro le prime vice SF va entrar in le governamento, e lor presidente Villy Søvndal es expectate a esser ministro de affaires extere. (Rememora me de narrar le historia de quando ille pensava que Fort Bragg esseva localisate 10 kilometros sub le calotte de glacie de Groenlandia.) :-)

Le nove prime ministro pote expectar un labor difficile con mantener le coalition de partitos multo diverse que la supporta. In le campo de economia, le punctos de vista del partito social-liberal es diametricamente opposite a illos del duo partitos socialista.

Iste tres partitos es solmente de accordo super un cosa: le politica de immigration, le qual illes pensa debe esser minus stricte. Mais iste opinion non es dividite per le social-democrates.

Il es interessante, que Det Radikale Venstre supporta le social-democrates, e non le liberales con qui illes pare esser multo plus de accordo. Similarmente, le "infame" Dansk Folkeparti es multo plus proxime al social-democrates in tote questiones, excepte illo de immigration. Mais illes totevia supporta le coalition liberal-conservative.

Il parerea plus logic si iste duo partitos cambiava placias ...
Ask not what you can do for your conlang - ask what your conlang can do for you
Laurentio
cmmiur
 
Messages public: 264
Membro desde: ven. jun 12, 2009 12:04 am

Re: Danmark habera su prime prime ministro feminin

Message publicper carlos soreto » dom. sep 18, 2011 9:42 am

Le matriarchato ja comencia a monstrar se, ben que ancora un poco timidemente...

Forsan que, finalmente, con feminas a ducer le destinos del mundo - proviste que illas non se 'masculinisa' (Hallo, Angela! :)) - il habera pace e fraternitate inter populos e gentes.

Le 'regno' masculin va haber su fin, inexorabilemente... ma attention, feminas: non committe le mesme errores que le si-nominate 'sexo forte' (injustitia, sete de moneta, tyrannia, etc., etc.).

Hasta lentemente!
carlos soreto
 
Messages public: 81
Membro desde: jov. aug 06, 2009 1:26 pm
Location: Portugal

Re: Danmark habera su prime prime ministro feminin

Message publicper Laurentio » ven. sep 23, 2011 5:30 pm

carlos soreto scribeva:Forsan que, finalmente, con feminas a ducer le destinos del mundo - proviste que illas non se 'masculinisa' (Hallo, Angela! ) - il habera pace e fraternitate inter populos e gentes.


Merkel? Obviemente tu non spectava le photos del conferentia G8 in Oslo. ;-)

Ben, tu ha un seriose puncto, e certo il va esser interessante sequer le assumption de poter del feminas. Mesmo inter le immigrantes medie-oriente (qual gruppo va esser in le majoritate in Europa quando le fortias demographic ha agite 30-40 annos) le feminas pare haber prendite effectivemente le 'teste' in le campo de education.

In le coalition que ganiava le election, tres del quatro partitos es gerite per un femina. (Del resto, illes ancora negotia le 'base de governamento' - non facile con partitos tanto differente.)
Ask not what you can do for your conlang - ask what your conlang can do for you
Laurentio
cmmiur
 
Messages public: 264
Membro desde: ven. jun 12, 2009 12:04 am

Re: Danmark habera su prime prime ministro feminin

Message publicper Laurentio » lun. oct 03, 2011 3:40 pm

Hodie le nove governamento finalmente esseva formate. *)

Como expectate le 'base de governamento' (un documento que describe le politicas del quales le coalition ha devenite de accordo) es alquanto liberal in le campo economic, debite al influentia forte del Radikales.

Alcun cosas a notar:

1. Danmark ha habite un prime ministro feminin pro le prime vice. (Helle Thorning-Schmidt.)

2. Le ministro de affaires extere es un homine qui apparentemente non ha grande experientias in su campo (io ancora attende que alcuno me demanda del historia de ille e Fort Bragg), e cuje mal maestria de anglese ha essite assatis ludificate.

3. Solmente duo ministros inter 23 ha experientia ministerial. (Le prime ministro es inter le 21 alteres.)

4. Le equipa es assatis juvene con plure ministros sub trenta annos de etate. (Le plus juvene es 26).

5. Pro le prime vice le ministro de equalitate inter le generes es un homine.

6. Pro le prime vice un immigrante ha devenite ministro. (Ille es originalmente de India.) Ille ha devenite ministro del ecclesia popular. **)

*) In Danmark le vetule governamento va continuar usque le nove es preste. Curiosemente, le formalitates, que pare datar del constitution de 1849, involve que le ministros, vetules e noves, vade al palatio pro consiliar le regina (monarcha) qui alora prende le decision formal.

** In Danmark, le ecclesia popular (Folkekirke) es fundate e gerite per le stato. Paradoxemente, le religion es (ha essite usque le immigration del Medie Oriente) quasi toto absente del vita public.
Ask not what you can do for your conlang - ask what your conlang can do for you
Laurentio
cmmiur
 
Messages public: 264
Membro desde: ven. jun 12, 2009 12:04 am

Re: Danmark habera su prime prime ministro feminin

Message publicper pne » mar. mar 03, 2015 10:59 am

Laurentio scribeva:(Rememora me de narrar le historia de quando ille pensava que Fort Bragg esseva localisate 10 kilometros sub le calotte de glacie de Groenlandia.) :-)


Narra, per favor, iste conto de Villy Søvndal!
Corrige mi messages in "Adjuta con interlingua". Scribe mi nomine de usator in le subjecto.
Moderatores pote anque corriger mi messages original, explicante le correctiones in un addendum.
pne
 
Messages public: 22
Membro desde: jov. feb 26, 2015 9:51 pm
Location: Hamburg, Germania


Retro a(l) Novas e politica

Qui es in linea

Usatores qui lege iste foro: Nulle usatores registrate e 1 visitante

cron