Alicun novas — 2011

Alicun novas — 2011

Message publicper Gabriel Svoboda » sab. jan 22, 2011 1:10 pm

Imagine

DE EUROPA DEL WEST E CANADA
— Le 3tie de januario 2011: Un incendio ha destructe un hotel ancian constructe in le anno 1888 e recognite como un edificio de hereditage in le strata Yonge in Toronto, Ontario, Canada del est. Illo ha debite essite inscripte pro un demolition. A causa del incendio on debeva clauder provisorimente le universitate Ryerson e scholas vicin.

DE ASIA DEL EST
— Le 6te de januario 2011: Le Commission National de Jures Human de Indonesia ha submisse al presidente Susilo Bambang Yudhoyono un reporto de investigationes de un tortura del papuas per soldatos, exhortante le ager contra violationes de jures human per fortias de securitate in iste provincia autonome de Indonesia del est.

DE STATOS UNITE DE AMERICA
— Le 8ve de januario 2011: Il ha essite revelate, que le Statos Unite de America ha requisite sub pena, que Twitter, un servicio de microbloges, provide informationes personal de homines connexe a WikiLeaks, que publica depeches secrete de diplomates statunitense. Inter le homines, cuje intimitate on voleva infringer, esseva le fundator Julian Assange e le origine suspecte de le revelationes Bradley Manning.

DE CHINA
— Le 9ne de januario 2011: Le ministro de defensa statunitense Robert Gates ha volate in China pro un visita de quatro dies. Ille habeva expresse anxietates, que China "clarmente habe un potential a impericular nostre capabilitates militar nonnulle" e le SUA debe "prestar attention de les" e "responder appropriatemente per nostre proprie programmas".

DE AMERICA LATIN E OCEANIA
— Le 11me de januario 2011: Le inundationes in Queensland, Australia del est, continua pejorar se. Dece homines ha essite confirmate como morte. Effortios de cerca e salvation continua locar decenas de homines mancate. Le fluvio Brisbane ha effuse se ex su ripas in Brisbane, le capital del stato.

DE EUROPA DEL NORD-WEST E ASIA CENTRAL
— Le 15te de januario 2011: Un circulo de spiones del Regno Unite operante clandestinmente in le tote Europa ha essite revelate. Mark Kennedy, un functionario policiari del Regno Unite, habeva infiltrate movimentos de protesto in le tote Europa, includente plures in le Republica de Irlanda. Michael Daniel Higgins, le presidente de le Camera de Representantes de le Republica de Irlanda, ha scripte un littera de lo al ministerio de justitia de le republica.

DE ASIA DEL SUD-WEST
— Le 15te de januario 2011: Un gruppo de diplomates international ha comenciate un tour de duo dies date per Iran como un gesto de bon voler e transparentia, i. e. como un responsa a anxietates estranie de su programma nucleari. Le Union Europee, le Republica Popular de China e Russia ha refusate le invitation. Iran ha disvelate al diplomates international compositos de deuterio producte per lo.

DE EUROPA DEL SUD E AFRICA
— Le 15te de januario 2011: Tunisianos protesta contra disoccupation, alimento costose, corruption, censura e paupertate. Le expresidente tunisian Zine el-Abidine Ben Ali ha fugite con su famiglia a Arabia Saudita, post que ille habeva essite rejectate per Francia. Arabia Saudita ha confirmate, que illo da le benvenita al presidente expulse.
Gabriel Svoboda
 
Messages public: 41
Membro desde: mer. mai 05, 2010 12:54 pm
Location: Chechia

Re: Alicun novas — 2011

Message publicper Gabriel Svoboda » lun. feb 07, 2011 7:05 pm

DE AMERICA LATIN E OCEANIA
— Le 19ne de januario 2011: Jean-Claude Duvalier, un de presidentos haitian anterior, ha essite accusate a causa de corruption e furto.

DE ASIA DEL SUD-WEST
— Le 21me de januario 2011: Le secretario general de le Nationes Unite Ban Ki-moon criticava le refusa per Israel a cessar le edification illegal de colonias sur le terra palestin. Ille ha dicte a le Assemblea General de le Nationes Unite, que ille es multo anxie a causa de le carentia de un progresso verso un pace e que le demolition recente del Hotel Shepherd in Jerusalem del Est ha intensificate le tensiones.

DE STATOS UNITE DE AMERICA
— Le 23tie de januario 2011: Un computator spionante ha essite trovate in un officio vicin a lo de Birgitta Jónsdóttir, un parlamentaria de Islanda, qui — como un defenstrice del sito web WikiLeaks, que publica depeches secrete de diplomates statunitense — ha essite un objectivo de un effortio per le ministerio de justitia statunitense a obtener su datos private de Twitter.

DE ASIA DEL EST
— Le 24te de januario 2011: Medios in Corea del Sud ha reportate, que duo citatanos de Corea del Nord ha essite executate avante cinque centos spectatores, a causa de haber maneate folios de propaganda volante ab Corea del Sud.

DE CHINA
— Le 24te de januario 2011: Vinti homines ha essite lese in le provincia Sichuan, China del west, post un conflicto con le policia a causa de un central chimic proposite.

DE EUROPA DEL NORD-WEST E ASIA CENTRAL
— Le 26te de januario 2011: Duo dies post un attacco terrorista suicidal in le Aeroporto International de Moscou-Domodedovo, le presidento Dmitri Medvedev ha dimisse empleatos principal de securitate del aeroporto.

DE EUROPA DEL WEST E CANADA
— Le 28ve de januario 2011: Le FSK (Autoregoluation Voluntari del Film) in Germania ha permisse le film turc "Valle del Lupos: Palestina", que es reportate como antiisraelita e antisemitic.

DE EUROPA DEL SUD E AFRICA
— Le 30me de januario 2011: Le Revolution del Jasmin (etiam appellate Intifada de Sidi Bouzid - secundo un urbe in le centro del pais, ubi le revolution habeva comenciate) ha effuse se de Tunisia a altere paises. On compara le actual "Revolutiones de Twitter" in Africa del nord e Asia del west con le Anno Miraculose 1989 in Europa del est; on tamen non sape, esque le revolutiones resultara in un regime plus democratic o un regime plus islamic. Manifestationes contra le governamento in Egypto, sub le nomine Revolution de Die de le Ira o Revoution del Juvenes, continua se; plus que 150 homines ha essite occise e plus que 4000 ha essite lese. Le ministro de informationes de Egypto ha annullate licentias e accreditationes de un personal laborante pro le television al-Jazeera. Un bureau de iste television in le Cairo essera clause per le governamento de Egypto.
Gabriel Svoboda
 
Messages public: 41
Membro desde: mer. mai 05, 2010 12:54 pm
Location: Chechia

Re: Alicun novas — 2011

Message publicper Gabriel Svoboda » dom. feb 20, 2011 10:55 am

DE STATOS UNITE DE AMERICA
— Le 1me de februario 2011: Le Servicio Meteorologic National del SUA ha emisse un advertimento de un tempesta de nive, si-nominate blizzard. Iste "Tempesto del Die de le Marmota" ha affecte Canada del est e trenta statos in le est del SUA.

DE CHINA
— Le 1me de februario 2011: Hackers de le Republica Popular de China ha essite revelate attaccar retes de computatores de companias de petroleo.

DE EUROPA DEL SUD E AFRICA
— Le 2nde de februario 2011: Le Revolution del 25te de Januario o le Revolution de Rage continuava se in Egypto. Illo es nominate tamben le Revolution del Juvenes, le Revolution del Nilo o le Revolution Blanc.

DE EUROPA DEL NORD-EST E ASIA CENTRAL
— Le 5te de februario 2011: Cinque soldatos russe ha essite occise e sex vulnerate in conflictos con militantes in Chechenia, Russia del sud.

DE EUROPA DEL WEST E CANADA
— Le 5te de februario 2011: Le ex-presidente del Statos Unite de America George W. Bush ha revocate su visita de Suissa, proque ille poterea esser arrestate ibi.

DE AMERICA LATIN E OCEANIA
— Le 6te de februario 2011: Milles de homines in Victoria, Australia del sud-est, ha essite fortiate evacuar se a causa de inundationes. Sydney, le capital de Nove Galles del Sud, habeva experientia de jornos e noctes recordalmente calide.

DE ASIA DEL EST
— Le 9ne de februario 2011: Corea del Nord ha refusate a excusar se del bombardamento del insula Yeonpyeong in le nord-west de Corea del Sud.

DE ASIA DEL SUD-WEST
— Le 13tie de februario 2011: Le effecto de domino tunisian ha causate si-nominate revolutiones de Twitter in altere paises arabe. Chefes de opposition in Iran ha appellate pro manifestationes contra le governamento in le tote pais pro lunedi.
Gabriel Svoboda
 
Messages public: 41
Membro desde: mer. mai 05, 2010 12:54 pm
Location: Chechia

Re: Alicun novas — 2011

Message publicper Gabriel Svoboda » sab. mar 12, 2011 4:45 pm

DE CHINA
— Le 17me de februario 2011: Hackers del Republica Popular de China ha essite revelate attaccar computatores del ministerio financiari canadian.

DE ASIA DEL SUD-WEST
— Le 18ve de februario 2011: Le armea de Bahrain patrulia in Manama. Un prohibition de reuniones public ha essite annunciate. Manifestatores pro democratia ha essite massacrate in nocte. Su Majestate Rege Hamad bin Isa ha laudate iste acto.

DE EUROPA DEL WEST E CANADA
— Le 20me de februario 2011: Duo jornalistas de Germania imprisionate a causa de spionage in Iran ha essite liberate e reddite a Germania.

DE EUROPA DEL SUD E AFRICA
— Le 21me de februario 2011: Le Fortias de Aere Libyan ha comenciate a attaccar assembleas de manifestatores. Plure pilotas libyan, habente essite commandate a bombardar le manifestatores, ha demandate un asylo politic in Malta.

DE AMERICA LATIN E OCEANIA
— Le 22nde de februario 2011: Un seismo de fortia 6.3 ha affecte Canterbury in Nove Zelanda del sud, rumpente vias. Le aeroporto ha essite clause e le cathedral ha essite damnificate in Christchurch.

DE ASIA DEL EST
— Le 24te de februario 2011: Restos de un helicoptero de Corea del Sud ha essite trovate apud Jeju. Un officiero es morte e alicunos alteres son absente.

DE EUROPA DEL NORD-EST E ASIA CENTRAL
— Le 26te de februario 2011: Le Parentela Gaelic e le Partito de Labor ha ganiate e le Partito Republican ha perdite le election in le Republica de Irlanda. Le Partito Republican, habente governate usque a nunc, ha essite punite assi per le votantes a causa del crise financiari.

DE STATOS UNITE DE AMERICA
— Le 27me de februario 2011: Le successo optime de Oscars ha essite ganiate per filmes danese "In un mundo melior" e britannic "Le discurso del rege".
Gabriel Svoboda
 
Messages public: 41
Membro desde: mer. mai 05, 2010 12:54 pm
Location: Chechia

Re: Alicun novas — 2011

Message publicper Gabriel Svoboda » mar. mar 29, 2011 1:30 pm

DE EUROPA DEL WEST E CANADA
— Le 2nde de martio 2011: Duo soldatos statunitense ha essite occise per un terrorista in le aeroporto de Frankfurt, Hesse, Germania del west. Duo altere ha essite vulnerate. Le kosovaro, qui ha hattacate un autobus portante le victimas, ha presto essite arrestate. Le presidente statunitense Barack Obama ha dicte esser attristate e ultragiate, appellante pro justitia.

DE EUROPA DEL SUD E AFRICA
— Le 3tie de martio 2011: Membros de famiglias de dissidentes libyan ha expresse su anxietate de un rapto eventual per le regime actual. Le porto Briga, Libya del est, ha de nove essite bombardate per fortias del chef libyan Muammar al-Gaddafi. Barack Obama ha dicte, que colonello Gaddafi debe dimitter se e que qualcunque option militar es possibile.

DE EUROPA DEL NORD-EST E ASIA CENTRAL
— Le 4te de martio 2011: Le Assemblea Gallese ha obtente un potentia legislative post un referendum in Galles in le sud-west del Regno Unite.

DE CHINA
— Le 5te de martio 2011: Le prime ministro de le Republica Popular de China Wen Jiabao ha date un reporto del labor del governamento.

DE STATOS UNITE DE AMERICA
— Le 6te de martio 2011: Le jornal Washington Post ha reportate le delator Bradley Manning esser humiliate in le prision.

DE AMERICA LATIN E OCEANIA
— Le 13tie de martio 2011: Un tertio de edificios in Christchurch, Nove Zelanda del sud, ancora debe esser demolite post le seismo.

DE ASIA DEL SUD-WEST
— Le 14te de martio 2011: Bahrain ha essite invase per Arabia Saudita e altere statos; le governamento de Bahrain ipse habeva invitate los pro reprimer protestos pro libertate plus grande e liberation de prisioneros politic. Iste "adjuta" es simile a invasion de Checoslovachia per le Union Sovietic in le anno 1968.

DE ASIA DEL EST
— Le 15te de martio 2011: Le fortia del seismo, que habeva affecte Japon del nord ante quatro dies, ha essite revise a 9.0. Le seismo e le tsunami subsequente ha occise circa vinti milles homines e vulnerate circa tres milles. Un tertie explosion in quatro dies ha evente in le central electric nucleari Fukushima I damnificate per le seismo.
Gabriel Svoboda
 
Messages public: 41
Membro desde: mer. mai 05, 2010 12:54 pm
Location: Chechia

Re: Alicun novas — 2011

Message publicper Gabriel Svoboda » dom. apr 03, 2011 8:40 am

DE ASIA DEL EST
— Le 17me de martio 2011: Helicopteros lassa aqua cader a sur le central electric Fukushima I in Japon del nord pro frigidar le virgas de combustibile troppo calefacte. Le Republica Popular de China ha suspense nove centrales electric nucleari. Le cancellera Angela Merkel ha annunciate un fin gradual de un energia nucleari in Germania.

DE EUROPA DEL SUD E AFRICA
— Le 19ne de martio 2011: Le intervention militar in Libya, approbate per le Consilio de Securitate del Nationes Unite, ha comenciate hodie. Le Statos Unite de America, le Regno Unite, Francia, Africa del Sud, Colombia, Nigeria, Portugal, Libano, Bosnia e Herzegovina e Gabon ha votate pro le resolution. China, Russia, India, Germania e Brasil ha abstente se de le votation. Nemo ha votate contra lo.

DE ASIA DEL SUD-WEST
— Le 19ne de martio 2011: Plus que cinquanta granatas ex un morter ha essite lanceate ex le Banda de Gaza a Negev, Israel del sud. Duo civiles israelita ha essite vulnerate. Isto era un responsa a attaccos aeree per Israel plus tosto in iste septimana. Illo ipse era un responsa a un attacco palestin plus antique ex un morter ex le Banda de Gaza.

DE STATOS UNITE DE AMERICA
— Le 20me de martio 2011: Un manifestation contra un tractamento "humiliante" de Bradley Manning ha evente in Quantico, Virginia, SUA del sud-est.

DE EUROPA DEL NORD-EST E ASIA CENTRAL
— Le 22nde de martio 2011: Robert Cooper, un diplomate de le Union Europee, ha justificate le oppression cruel de le manifestationes in Bahrain. Ille es un consiliero a le baronessa Catherine Ashton, le alte representante de le Union Europee pro affaires estranie e politica de securitate. Ille es de iste opinion in despecto de un anxietate seriose de un violentia cec expresse per Ban Ki-moon.

DE EUROPA DEL WEST E CANADA
— Le 25te de martio 2011: Le Union Europee ha negotiate de le crise in Portugal, le Pacto pro Euro, e centrales electric nucleari.

DE AMERICA LATIN E OCEANIA
— Le 30me de martio 2011: Quaranta-cinque milles artefactos incaic prense per le universitate Yale ex Machu Picchu ha essite restitute a Peru.

DE CHINA
— Le 31me de martio 2011: Un ministro statunitense Timothy Geithner in Nankin, China del est, ha indirectemente criticate le politica monetari de yuan.
Gabriel Svoboda
 
Messages public: 41
Membro desde: mer. mai 05, 2010 12:54 pm
Location: Chechia

Re: Alicun novas — 2011

Message publicper Gabriel Svoboda » sab. apr 16, 2011 9:15 pm

DE CHINA
— Le 3tie de april 2011: Ai Weiwei, un activista de derectos human in le Republica Popular de China, ha essite detente in Pekin.

DE EUROPA DEL SUD E AFRICA
— Le 4te de april 2011: Italia ha recognite le Consilio National de Transition in Bengasi como le governamento legitime de Libya. Illo ha ja essite recognite assi per Francia, Qatar e le Maldives. Etiam le Liga Arabe supporta le Consilio.

DE STATOS UNITE DE AMERICA
— Le 4te de april 2011: Un record de numero de tornados reportate intra 24 horas ha essite attacte, principalmente in le sud. Tempestas ha occise octo homines in Tennessee, un in Mississippi e un in Tennessee. Alicun damno ha essite in Louisiana.

DE AMERICA LATIN E OCEANIA
— Le 4te de april 2011: Le presidente de Chile Sebastián Piñera ha appellate, que Bolivia sia respectante le conventiones valide de frontieras. Bolivia sin litore habeva dicte, que illo demandara le costa de Chile del nord ante le Corte International de Justitia.

DE ASIA DEL EST
— Le 5te de april 2011: Japon excusava un discargation de aqua pauco radioactive ex un reservoir necesse pro aqua multo radioactive.

DE ASIA DEL SUD-WEST
— Le 7me de april 2011: Militantes de Hamas ha lanceate un missile antitank contra un autobus scholar in Israel, criticalmente vulnerante un puero e un guidator. Postea illes ha lanceate 45 morteres e tri missiles contra urbes de Israel del sud.

DE EUROPA DEL WEST E CANADA
— Le 8ve de april 2011: Octo homines ha essite occise a causa de un accidente de automobiles presso Rostock, Mecklemburgo — Pomerania del west, Germania del nord.

DE EUROPA DEL NORD-EST E ASIA CENTRAL
— Le 11me de april 2011: Dece-tres homines ha essite occise a causa de un explosion de un clavo-bomba terrorista in le metro de Minsk.
Gabriel Svoboda
 
Messages public: 41
Membro desde: mer. mai 05, 2010 12:54 pm
Location: Chechia

Re: Alicun novas — 2011

Message publicper Gabriel Svoboda » sab. mai 07, 2011 9:11 pm

DE EUROPA DEL NORD-EST E ASIA CENTRAL
— Le 17me de april 2011: Le Ver Finnos ha devente le tertie partito politic le plus grande post un election in Finlandia.

DE STATOS UNITE DE AMERICA
— Le 25te de april 2011: WikiLeaks publica depeches de interrogationes practicate per le SUA in le campo de detention de Guantánamo. Afghanos e pakistanis, infantes, veteres e mentalmente malades esseva imprisionate ibi e postea liberate sin un accusation. Le SUA considerava un horologio Casio F91W internationalmente comprabile como un proba de un adhesion al al-Qaida.

DE CHINA
— Le 25te de april 2011: Al minus 17 homines ha morite a causa de un incendio de un edificio de quatro etages in Daxing, un suburbio de Pekin.

DE EUROPA DEL WEST E CANADA
— Le 26te de april 2011: Nicolas Sarkozy e Silvio Berlusconi ha reunite se pro discuter le Accordo de Schengen a causa del immigrantes.

DE AMERICA LATIN E OCEANIA
— Le 27me de april 2011: Un photographo argentin Alejandro Chaskielberg ha devente le Sony-photopraho mundial del anno.

DE ASIA DEL SUD-WEST
— Le 28ve de april 2011: Fortias armate bahraini tirava munition real contra civiles manifestante contra le regime in Sitra. Britannos manifestava contra Khalifa Bin Ali al-Khalifa, un torturator bahraini, presente in Londres. Iste sheik esseva ibi a causa de le nuptias del prince Guillelmo gallese e Catherina Middleton.

DE ASIA DEL EST
— Le 28ve de april 2011: Jimmy Carter ha accusate le SUA e Corea del Sud a causa de affamar e infringer le jures human del populo nord-corean. Le ex-presidente statunitese ha etiam dicte, que Kim Jong-il es ben disposite a negotiar inconditialmente con Corea del sud. Secundo officiales statunitese, le visita de Corea del Nord per Jimmy Carter esseva strictemente private.

DE EUROPA DEL SUD E AFRICA
— Le 30me de april 2011: Le chefe libyan Muammar al-Gaddafi ha dicte per le television statal, que ille es preparate a un cessa-le-foco, si illo essera bilateral. Le governamento de Gaddafi ha provate blocar Misurata, Libya del west. Saif al-Arab al-Gaddafi, le filio le plus juvene de Gaddafi, ha essite occise per un attacco de aere per le OTAN.
Gabriel Svoboda
 
Messages public: 41
Membro desde: mer. mai 05, 2010 12:54 pm
Location: Chechia

Re: Alicun novas — 2011

Message publicper Gabriel Svoboda » mar. mai 24, 2011 1:00 pm

DE STATOS UNITE DE AMERICA
— Le 2nde de maio 2011: Milles de homines ha congregate se por celebrar le captura e le assassinato del supreme terrorista Osama bin Laden, annunciate per Barack Obama. Osama habeva celate se in Abbottabad, Khyber Pakhtunkhwa, Pakistan del nord-west. Le armea ha inmarat su corpore a fin que on pote venerar nulle tumba como lo del guerrero sancte.

DE AMERICA LATIN E OCEANIA
— Le 2nde de maio 2011: Le supreme corte guatemaltec ha decise, que le election general sera in le 11me de septembre.

DE CHINA
— Le 3tie de maio 2011: Le parlamento tibetan in exilio ha demandate un succurso a liberar tres monachos tibetan detente per le Republica Popular de China.

DE EUROPA DEL NORD-EST E ASIA CENTRAL
— Le 5te de maio 2011: Electores in le Regno Unite ha refusate un votation alternative vice le systema de majoritate relative.

DE ASIA DEL EST
— Le 5te de maio 2011: Soldatos de Vietnam ha conflicte con milles de les Hmong christian demandante un libertate de religion.

DE ASIA DEL SUD-WEST
— Le 15te de maio 2011: Un camion ha arate per circulation e pedones in Tel Aviv, occidente un e vulnerante dece-sex homines. Iste attacco ha evente in le die de Nakba, i. e. in le anniversario de le independentia de Israel. Dece homines provant entrar Israel del nord ex Libano del sud trans un barriera de le frontiera ha essite occise per un fusilation.

DE EUROPA DEL SUD E AFRICA
— Le 15te de maio 2011: Le redemption de Grecia e Portugal es in periculo, se le nove director del Fundo Monetari International ne sera un europeo. Le director actual Dominique Strauss-Kahn ha essite accusate a causa un stupro. Usque a nunc le director del FMI usualmente era un europeo e le director de le Banca Mundial era un statunitense.

DE EUROPA DEL WEST E CANADA
— Le 15te de maio 2011: Plure locos nordamerican ha essite affecte per inundationes, principalmente secundo Mississippi in le SUA del sud. On ha intentionalmente effuse le riviera Assiniboine apud Portage la Prairie in Manitoba, Canada central, lassante le aqua effunder se sur solo agricole, a fin que illo non effunde se alibi.
Gabriel Svoboda
 
Messages public: 41
Membro desde: mer. mai 05, 2010 12:54 pm
Location: Chechia

Re: Alicun novas — 2011

Message publicper Gabriel Svoboda » mar. jul 12, 2011 9:40 am

DE AMERICA LATIN E OCEANIA
— Le 18ve de maio 2011 (le 2 455 700me die Julian): Guatemala ha detente le homicida Hugo Álvaro Gómez Vásquez, un ex chefes del cartel de le droga Los Zetas.

DE ASIA DEL EST
— Le 21me de maio 2011: Centos de les Hmong christian es fortiate a celar se in Vietnam del nord-west, post que policieros ha disperse milles de les expectante le secunde venita de Jesus Christo. Le radiodiffusor statunitese Harold Camping habeva previse le elevation de omne christianos a 18 horas de cata respective fuso horari.

DE EUROPA DEL SUD E AFRICA
— Le 21me de maio 2011: In Egypto, conflictos in le corte e clamores "Macellario!" ha ajornate le processo contra Habib el-Adli. Ille con sex alteres ha essite accusate a causa de haber massacrate homines manifestante contra le regime de Hosni Mubarak. Usque a le cadita de iste regime durante le revolution, Habib el-Adli habeva essite un ministro de affaires interior.

DE EUROPA DEL NORD-EST E ASIA CENTRAL
— Le 21me de maio 2011: Georgianos sub le chefessa de le opposition Nino Burdjanadze ha manifestate contra le presidente Saakashvili.

DE STATOS UNITE DE AMERICA
— Le 22nde de maio 2011: Tornados ha colpate Minneapolis, Minnesota, SUA del nord, e Joplin, Missouri, SUA del sud. In Minneapolis illo ha occise al minus un homine. A causa de spolias e tiros on ha prohibite esser extra le casa. Plus que cento homines ha morite in Joplin. Un stato de urgentia ha essite declarate in le tote stato.

DE ASIA DEL SUD-WEST
— Le 31me de maio 2011: Un armistitio inter le presidente yemenita Ali Abdullah Saleh e tribos opponente collabeva. Plus que cinquanta homines ha recentemente essite occise e centos de alteres ha essite vulnerate a causa de un attacco per le regime contra civiles in Ta'izz, Yemen del sud. Le probabilitate de un guerra civil cresce. Italia ha interim clause su ambassada.

DE CHINA
— Le 31me de maio 2011: Deces de mongoles manifestante in le Region Autonome de Mongolia Interior, China del nord, ha essite arrestate.

DE EUROPA DEL WEST E CANADA
— Le 31me de maio 2011: Quasi vinti habitantes o visitatores de Germania ha morite pro un mutation del bacterio Escherichia coli.
Gabriel Svoboda
 
Messages public: 41
Membro desde: mer. mai 05, 2010 12:54 pm
Location: Chechia

Proxime

Retro a(l) Novas e politica

Qui es in linea

Usatores qui lege iste foro: Nulle usatores registrate e 1 visitante