Interforo.org

Alora, qui altere in iste foro ha assistite al 20me Conferentia International de Interlingua?

Ben que le organisation del programma lassava alique a desirar, io me ha divertite multo. Es tanto bon simplemene haber un opportunitate de parlar interlingua! E Julian Mendez ha "salvate le die" cata die con su capacitate de producer ad hoc, cata matino, un clar programma de activitate.

Io ha facite plure registrationes audio, incluse duo interviews in gruppo e musica del festa del ultime vespere, le quales io va combinar in un emission de Radio Interlingua, le prime producite per me. Io ha comenciate iste labor, ma illo va lentemente, perque io non ha experientia con isto.

Scribe con vostre experientias, per favor. Il esserea interessante pro le altere lectores audir como es nostre conferentias...

- Martijn

Un problema es, que nos, qui non son europeos, sovente non pote assiste al conferentias in europo, specialmente nos in le continentes american. Si on intende, que interlingua deveniva vermente un lingua auxiliar vermente international, illo NON debe esser solmente un phenomeno europee. Gratias.

Si vos vole haber un conferentia international in le continentes american, il es a vos nord- o sudamericanos de organisar lo... il es difficile pro nos in Europa facer lo!

In general, io non ha vidite grande interesse nord- o sudamerican in le aspecto parlate de interlingua. Vos sembla generalmente contente de tractar interlingua como un lingua scripte e theoric. Si il haberea un conferentia ibi, isto poterea forsan cambiar...