Pagina 1 de 1

Incontro nordic: 28 jul - 1 aug 2010, Kalmar, Svedia

Message publicPublicate: ven. nov 13, 2009 12:12 am
per McDutchie
Car amicos,

Le data e loco del Incontro Nordic de interlingua de 2010 ha essite officialmente annunciate: Kalmar, Svedia, le 28 de julio al 1 de augusto 2010. Reserva ja ora iste cinque dies in vostre agendas. Tote le nationalitates es benvenite!

Como sempre, le conferentia include un curso intensive pro comenciantes e un pro avantiatos: le optime modo de apprender e practicar interlingua.

Le annuncio official del UMI se trova a: http://www.interlingua.com/novas/2009-11-07-incontronordic

- Martijn

Re: Incontro nordic: 28 jul - 1 aug 2010, Kalmar, Svedia

Message publicPublicate: mer. dec 30, 2009 8:22 pm
per Sven
Car Martijn, car amicos,

Io venira a Kalmar con mi filio Leo, qui habera tres annos in le estate e qui parla e comprende interlingua assi ben que germano. Io parlava hodie con Ingvar Stenström un den organisatores del incontro super le possibilitate de motivat plus personas externe de interessar se pro interlingua durante le incontro. Mi ideas va in duo directiones:

1.) Un campionate linguistic pro juvenes de Svedia, Norvegia, Finlandia, Danmark etc. Le idea es, que un gruppo de maximal cinque alumnos venira a Kalmar, participa in und curso de interlingua e post le cinque dies, illes face un examine in interlingua. Le gruppo con le resultatos melior ganiara. Le precio es un certificate del UMi e le invitation al proxime conferentia o incontro.

2.) Discursos super themas special. Io pensava de un discurso super autismo (presentate per Martijn ;)) e un discurso super le advantages de hypnose medical in le hospitales europee. Forsan Lennart o Inge qui es medicos tamben pote dar discursos medical e nos pote inviar le hospitales e universitates a isto.

Memora, mesme si nemo vernira iste reclamo e le invitationes al scholas, hospitales e universitates causa, que interlingua deveni plus interessante, proque il ha un evento international con programma attractive. Si nos repete invitationes a un lista de scholas, hospitales e universitates in Europa io es secur, que le regognoscentia de interlingua cresce.

Si vos ha ideas supportive, scribe les hic. Si vos es critic o pensa que isto non functionara, per favor NON scribe - si io desira demotivation io pote telefonar Ingvar ;)

Salutes a vos omnes

Sven

Re: Incontro nordic: 28 jul - 1 aug 2010, Kalmar, Svedia

Message publicPublicate: dom. jan 03, 2010 9:28 am
per Peter
Io ha initiate un si nomine "evento" in le rete social Facebook pro le Incontro Nordic veniente.

In illo on pote invitar su cognoscitos in Facebook pro declarar, si on

1) participara

2) forsan participara o

3) non participara in le evento.

Le ligamine al evento in Facebook es isto:

http://www.facebook.com/event.php?eid=2 ... 686&ref=nf

Si vos es curiose al lista de personas, qui "va esser presente", qui "non" e qui "forsan" in Kalmar, adjunge vos a Facebook!

(Si vos non ha conto a Facebook, il vale crear un!)

Invita alteres, qui ha conto a Facebook pro declarar, si illa/illa "va participar", "non" o "forsan" in iste evento!

Re: Incontro nordic: 28 jul - 1 aug 2010, Kalmar, Svedia

Message publicPublicate: sab. mai 08, 2010 10:10 pm
per torrente
Car amicos!

Nunc remane solmente tre septimanas pro inscription al Incontro Nordic e il ancora ha cameras e spatio pro plus participantes. Plure personas ha annuciate in foros in Facebook que illes intende paricipar ma io vole sublinear que isto non suffice. Il es absolutemente necessari tamben inviar un "Scheda de inscription" a Lennart Åberg, Kalmar. Omne informationes es trovabile in http://www.interlingua.nu (in svedese) o http://www.interlingua.com (in interlingua) ubi on pote trovar le scheda de inscription in formato pdf que post impression debe esser plenate con informationes e desiros personal. Invia lo postea, ma ante le 30 de maio, a Åberg. Le ultime die pro pagamento tamben es le 30 de maio.
Sia multo benvenite a Högalid e Kalmar!
Erik Enfors, vice-secretario SSI

Re: Incontro nordic: 28 jul - 1 aug 2010, Kalmar, Svedia

Message publicPublicate: sab. mai 08, 2010 11:06 pm
per Peter
Le emission de april 2010 de Radio Interlingua anque parla re lo que Erik scribe ci.