Prime incontro franco-german

Discussion de conferentias e incontros private passate e futur

Prime incontro franco-german

Message publicper Sven » sab. aug 07, 2010 12:01 am

Le prime incontro franco-german de interlingua habera loco le 15-17 de octobre in le urbe german Rastatt vicin al frontiera inter le duo paises.

Le nove Union German pro Interlingua (UGI) e le Union Interlinguista de Francia (UIF) in commun invita omnes a participar pro excambiar ideas de como collaborar pro promover interlingua ancora plus in le duo paises - e lor vicinos.

Le incontro comencia venerdi le 15 de octobre a 17 horas e fini dominica le 17 de octobre a 16 horas. Le location es St. Bernhard Bildungszentrum.

Le precio total pro incontro e repastos es 100 euros. Si on desira participare pernoctar in le centro, le precio es 150 euros, ma contacta le centro ipse pro reservar un camera in bon tempore.

»Le programma es conversation, conversation e conversation in interlingua pro augmentar le publicationes in interlingua in le paises Germania e Francia. Naturalmente participantes de altere paises es benvenite,« dice Sven Frank, presidente del UGI e secretario general del Union Mundial pro Interlingua.

On debe inscriber se si tosto como possibile ma absolutemente ante le 31 de julio. Post iste data on non pote garantir accomodation.

Inscription: Union German pro Interlingua, Sven Frank, Gartenstr. 13, D-76599 Weisenbach, Germania, o via e-posta.
Sven
 
Messages public: 13
Membro desde: lun. jul 27, 2009 6:16 am

Re: Prime incontro franco-german

Message publicper Valodnieks » mer. sep 01, 2010 9:14 pm

Salute!

Io certo participara in le incontro francogerman. Isto essera mi prime incontro de Interlingua e io me jam gauda!
Valodnieks
 
Messages public: 20
Membro desde: dom. aug 02, 2009 3:25 pm
Location: Germania

Re: Prime incontro franco-german

Message publicper Valodnieks » jov. sep 09, 2010 9:40 pm

Hic es le programma pro le prime incontro france-german de Interlingua:

Programma del Prime Incontro Franco-German pro Interlingua

Venerdi, 15. Octobre 2010
- 15.00 horas:Arrivata del participantes
15.00 - 16.00 horas: Apertura official, benvenite de Sven Frank e Alix Potet, le organisatores in chef del incontro
16.00 - 16.15 horas: Pausa de Caffee
16.15 - 19.00 horas: Curso de interlingua - Introduction e conversation super le familia (Professor: Sven Frank/ Alix Potet)
ab 19.00 horas: Tempore libere pro divertir se, parlar, haber discussiones, etc.

Sabbato, 16. Octobre 2010
9.00 - 12.00 horas: Curso de interlingua - Conversation in le citate e transporto public (Professor: Sven Frank/ Alix Potet)
12.00 - 13.30 horas: Lunch
13.30 - 16.00 horas: Excursion a Rastatt pro visitar le urbe
16.15 - 19.00 horas: Curso de interlingua - Conversation in hoteles e restaurantes (Professor: Sven Frank/ Alix Potet)
ab 19.00 horas: Tempore libere pro divertir se, parlar, haber discussiones, etc.

Domenica, 17. Octobre 2010
9.00 - 12.00 horas: Curso de interlingua - Ir a comprar cosas in le botecas e supermercatos (Professor: Sven Frank/ Alix Potet)
12.00 - 13.30 horas: Lunch
13.30 - 14.30 horas: Examine voluntari del participantes pro reciper le certificate a nivello A del Union German pro Interlingua
14.30 - 15.00 horas: Pausa de caffee, correction del examines
15.00 - 16.00 horas: Clausura del incontro, resolution franco-german, e bon viage al participantes

A revider in Rastatt!
Valodnieks
 
Messages public: 20
Membro desde: dom. aug 02, 2009 3:25 pm
Location: Germania

Re: Prime incontro franco-german

Message publicper Valodnieks » lun. oct 11, 2010 10:08 pm

Anque le presidenta del UMI Barbara Rubinstein particpara in le incontro. Le incontro comenciara in quatro dies!
Valodnieks
 
Messages public: 20
Membro desde: dom. aug 02, 2009 3:25 pm
Location: Germania


Retro a(l) Incontros de interlinguistas

Qui es in linea

Usatores qui lege iste foro: Nulle usatores registrate e 2 visitantes

cron