Pagina 1 de 1

Qual foros debe il haber hic?

Message publicPublicate: mer. jun 10, 2009 10:13 pm
per admin
Como vos pote vider, il ha ora 5 foros distribuite in tres categorias in Interforo.org: Un categoria con duo foros pro discussion super le sito mesme, un categoria pro discussion in interlingua in general consistente de un foro pro discussion de interlingua e altere linguas, e un foro pro discussion de tote altere themas! E finalmente un categoria pro le novicios (n00bs) :), ubi illes pote demandar questiones super interlingua in altere linguas.

Iste foros e categorias solmente es provisori!

Con le tempore, quando nos es plus numerose, nos pote extender le systema e haber tante categorias e foros como le usatores desira.

E jam al data de inauguration (le 21 de junio) il serea bon haber plus foros. Dunque nos vos invita de scriber hic vostre propositiones de nove foros.

Pro exemplo nos poterea haber:


    * Un categoria pro le discussion de interlingua, que potera consister de 1) un foro de como promover interlingua, 2) un foro pro le recerca de nove parolas, 3) un foro pro le discussion fundamental/del principios de interlingua, 4) un foro pro le discussion 'troppo vivace' de iste themas (serrate e non-visibile pro le publico) :), 5) un foro pro coordinar nostre labor/cercar collaboratores pro nostre projectos diverse, etc.

    * Un categoria pro le discussion de altere linguas.

    * Un categoria pro le discussion non-linguistic. Solmente le imagination limita qual foros nos potera haber in illo. Que pensa vos? Si vos non debeva discuter linguas, qual themas vos placerea? :-)

Vostre ideas e commentarios es benvenitissime!

Re: Qual foros debe il haber hic?

Message publicPublicate: jov. jun 11, 2009 8:12 am
per torrente
Io non crede que troppo multe cathegorias de foros es apte in le initio. Alora plus tempore es besoniate pro supervisar lo que eveni in omne foros, e al minus io intende essayar supervisar toto.

Re: Qual foros debe il haber hic?

Message publicPublicate: jov. jun 11, 2009 1:18 pm
per scaramouche
Salute,

Io amarea un categoria ubi le novicios (como me :D) e veteranos poter se presentar.

Amicalmente. . .

Re: Qual foros debe il haber hic?

Message publicPublicate: jov. jun 11, 2009 2:01 pm
per admin
Benvenite a hic, Torrente e Scaramouche!

Un idea excellente, Scaramouche! Io va immediatemente crear un tal foro. :)

Torrente, tu ha ration que nos debe avantiar lentemente in le initio. Con le tempore, quando il va (sperabilemente) haber plus participantes in plus foros, il va forsan esser difficile manualmente supervisar toto que occurre in tote foros. Ma alora on pote ya sempre concentrar se al foros que ha le interesse de uno, e ignorar le resto.

On pote anque usar le functionalitate de "subscription"/"surveliation" automatic del sito pro esser informante de nove activitate in le foros/topicos, que on trova interessante.

Dice me si tu rememora alicun thema que merita su proprie foro, per favor. :)

Re: Qual foros debe il haber hic?

Message publicPublicate: sab. jun 13, 2009 6:08 pm
per Cavallero
Que pensa le membros de crear un subforo por le artes gastronomic? Iste poterea esser un bon subforo por nostre proprie interlinguista, Paul LeCorde.

Io non expecta iste thema esser multo popular initialmente ma con le sperantia de plus adherentes, multe dies post le die de fundamento official (21 de junio), iste subjecto sera possibilemente plus popular.

Discussiones pote esser initiate super methodos culinari, listas de receptas, gustos personal e international, e anque suggestiones de preparar Baked Beans on Toast o in mi caso... como arder pan tostate!

Cordialmente vostre
Daniel

Re: Qual foros debe il haber hic?

Message publicPublicate: mar. jun 23, 2009 4:46 pm
per Laurentio
Create.

Si io memora ben, tu anque sole poner gelato al pan ardite, nonne? :)

Re: Qual foros debe il haber hic?

Message publicPublicate: mar. jul 14, 2009 2:20 am
per Cavallero
Create.


Gratias mille, Laurentio.

Si io memora ben, tu anque sole poner gelato al pan ardite, nonne?


O si! isto es un de mi multe creationes Frankenstein. Plus specificamente, Viennetta (le nomine del producto e un sorta de gelato) de mentha con toast. Deliciose!

Un altere un de mie es bira clar (ale in anglese) con melle (illo es mi version rapide del wassail (bira o cidra aromatisate) del Anglo-Saxones). Es multo bibibile. Le disavantage es le surrisos de derision de mi amicos a causa de poner melle in le bira.

Ma io debe facer mi excusas por iste diaboleria in le cocina a totes que adora lor cocina. Io es anglese... mal cocina es in le sanguine. ;)

No, seriosemente. Le Anglaterra ha multo bon plattos. Iste vespere, por le cena io preparava salsicias lincolnshire con purée ben-condite de patatas e succo de carne. Le salsicias lincolnshire son un salsicia regional de Lincolnshire - un contato in le est del pais. Illes son facite con salvia e son multo gustose. Le problema con le cocina anglese es que illo ha un mal opinion public e multe personas non coce iste dies - con vitas preoccupate multes simplemente caleface repastos in le furno o le microunda. Le rationamento del Prime Guerra Mundial stropiava le dieta national tamben. Totevia, il ha ancora delectabiles esser trovate hodie ma forsan un poco de recerca es necessari a vices. Ancora, ora le cocina anglese ha nunquam essite vibrante.

Culinarimente tue