Pagina 1 de 1

Io ancora vive!

Message publicPublicate: dom. feb 21, 2010 8:25 pm
per Laurentio
Car membros de Interforo.

Mi excusas pro haber essite inactive durante le ultime menses!

Un fato cruel me ha fortiate a continuar mi studios universitari, e isto ha occupate multe tempore mie.

Desde ora, io promitte de (tentar de) scriber plus regularmente.

In general, le activitate hic non ha essite tanto alte como on poterea desirar. Ma io ancora pensa que Interforo offere un multo bon medio de communicar in interlingua. In le listas de e-posta il anque ha multo poc activitate, excepte in le un gruppo ubi quasi tote discussiones tracta themas etymologic.

Plure membros ha lamentate que on non pote reciper e scriber messages de Interforo per e-posta. Io es certe que un tal functionalitate poterea augmentar le activitate e facer multes adjunger se a nos, qui prefere listas de e-posta.

Le problema es que un tal functionalitate non existe pro phpBB. Illo existe al altere latere pro vBulletin, un programma de foros commercial. Le problemas con cambiar a iste programma sera: 1) io deberea pagar pro illo, e 2) mi traductiones del interfacie de phpBB serea perdite - pro haber un interfacie in interlingua on deberea traducer tote le interfacie de vBulletin ab ovo, e io non ha tempore pro isto in le menses veniente. Isto significarea que, al minus durante alicun menses, le interfacie serea in anglese.

Que pensa vos? Esque vos volerea que on poterea facer le foros de Interforo functionar como listas de e-posta, assi que on recipe le messages del foros que interessa uno per e-posta? E es isto plus importante que haber un interfacie in interlingua?

A rescriber! :)

Re: Io ancora vive!

Message publicPublicate: dom. feb 21, 2010 10:28 pm
per Svenni
Me gaude multissime que tu ha retornate inter le vivientes! (Mesmo duo vices.)

Concernente le Interforo, io pensa que un de su major fortias es justemente que illo non es un lista de e-posta. Io pensa que le foro pote haber un renascimento, sin grande pagamentos e sin multe labor de programmation. On simplemente debe usar lo! (Isto naturalmente es un instigation anque a me mesme ...)

Del resto, tote le mundo se occupa con le Jocos Olympic, ma finalmente io anque comprende lo que face le daneses durante le hiberno ... ! :-)