Radio Interlingua

Discussion de litteratura, sia belletristic sia technic, original o traducite, in papiro o electronic

Radio Interlingua

Message publicper Peter » dom. jul 12, 2009 9:40 pm

Radio Interlingua vole presentar le interlingua parlate, assi provante per su existentia mesme, que interlingua es un lingua toto parlabile, mesmo belle e melodiose, un instrumento practic del communication mesmo oral. Un lingua es vermente vive, si illo es parlate. Radio Interlingua vole presentar le pronunciation(es) normative de interlingua, que assecura le internationalitate e intercomprensibilitate le plus.

In ultra le novas de interlingua il appare novas general in interlingua, exemplos del litteratura in interlingua, interviews, musica, etc.

Le spatio primari de Radio Interlingua es http://www.interlingua.com/radio

ubi on pote ascoltar le files directemente o discargar los; poner commentos scripte.
Peter
 
Messages public: 72
Membro desde: mer. jun 10, 2009 10:39 pm
Location: Hungaria

Re: Radio Interlingua

Message publicper Peter » dom. jul 12, 2009 9:41 pm

Car ascoltatores / lectores

Io es un musico del musica folkloristic hungare e in april iste anno un de
mi gruppos musical habeva un tour in plure citates de Svedia. Assi io ha
essite ja le tertie vice in ille pais, ma iste vice non in connexion con
interlingua. Totevia io ha re-incontrate tres interlingua-istas
personalmente ibi, le quales io cognosce personalmente de antea: Nils Kangas
in Göteborg, Mats Fredemark in Stockholm e le danese Thomas Breinstrup in
Lund, cuje domicilio in Danmark non es distante de Lund. Io ha facite
interviews con iste duo recente.

In le 11me (dece-prime) podcast de Radio Interlingua (junio 2009 - duo
milles novem) vos pote audir le interview con Mats Fredemark, tresorero del
Societate Svedese pro Interlingua, que io ha facite con ille durante nostre
incontro personal in Stockholm, in april (2009).

Le interviewato del emission precedente, Martijn Dekker ha un altere
projecto intra Wikipedia, que non era mentionate. Le Wikipedia parlante. I.
e.: ille lege alicun articulos in interlingua del encyclopedia libere de
internet e iste files es ascoltabile e discargabile. On spera, que ille non
va abandonar iste su projecto e va registrar ancora multe articulos
interlinguaphone de Wikipedia in audio. Iste vice vos pote ascoltar Martijn
Dekker legente un articulo (super le concepto del "populo") de Wikipedia, le
encyclopedia libere in interlingua.

Intertanto e al fin del emission io presenta mi proprie musicamento, viste
que in le emission il se tracta del tour de un gruppo musical in le qual io
anque sona - in ultra de altere gruppos. Le prime es un registration local
de nostre concerto in Halmstad, le secunde es un pecia de nostre CD.

Tote le ligamines in connexion con iste emission vos pote leger in le pagina
web del podcast 11., de ubi vos pote ascoltar directemente, o discargar le file:

http://www.interlingua.com/node/627

Bon amusamento!

redactor Péter Kovács
Peter
 
Messages public: 72
Membro desde: mer. jun 10, 2009 10:39 pm
Location: Hungaria

Re: Radio Interlingua

Message publicper Peter » dom. jan 03, 2010 10:17 am

Io ha create un "club de fans" de Radio Interlingua in Facebook.

Cata uno pote adjunger se a iste club, qui ha conto in le rete social Facebook.

Tu pote invitar altere usatores de Facebook (qui son numerose) pro esser "fans" de iste club in Facebook e cata tu cognoscito in Facebook va vider le information, que tu te ha adjungite a iste club.

Mesmo post cliccamentos adequate tu amicos in Facebook va vider tamben, que "te place" le facto, si alicuno altere deveniva "fan" de Radio Interlingua (in Facebook).

Assi, qui se ha adjungite a iste gruppo, potera vider le messages del Radio Interlingua - includente le aviso automatic super cata nove emission apparente in le blog de Interlingua.com, marcate per le categoria "radio" - e mesme scriber messages - opiniones, consilios, etc. - al pariete de messages de iste "club". Iste messages va apparer - o al minus le information super le facto de scriber? Io non sape isto exactemente - in le pariete de messages commun con tu cognoscitos.

Io pensa, iste functiones de Facebook assecura un bon reclamo pro Radio Interlingua, pro le Incontro Nordic e per illos pro interlingua mesme.

Si tu es interessate super le lista del "fans" de Radio Interlingua in Facebook, adjunge te a Facebook per tu conto!

Le ligamine directe al club es http://www.facebook.com/pages/Radio-Int ... 914?ref=mf

Si tu non ha un conto in Facebook, il vale crear un!
Peter
 
Messages public: 72
Membro desde: mer. jun 10, 2009 10:39 pm
Location: Hungaria


Retro a(l) Litteratura in interlingua

Qui es in linea

Usatores qui lege iste foro: Nulle usatores registrate e 1 visitante

cron