Que tu ha legite recentemente in interlingua?

[Peter]

Le qui vole leger in interlingua, ha opportunitates varie:

In Internet il ha multissime paginas e sitos - obras litterari, blogs, messages in listas de discussiones, etc.

On pote ordinar libros imprimite del Servicio de Libros de UMI o del casa editorial Lulu.

Ordinar e leger regularmente le revista Panorama es anque un bon idea a les qui vole leger regularmente in interlingua.

Del toto, leger in un lingua estranier es un multo bon practica pro augmentar le vocabulario de uno e meliorar le correctessa linguistic e grammatic.

Io volerea leger reportos de vos super qualcunque thema interessante - articulo in Panorama, un postage in un blog, etc. -, que vos legeva recentemente in interlingua. Vamos discuter iste evenimentos, themas insimul!

On pote anque informar le alteres tamben super su recente experientia de leger un libro in interlingua: qual libro isto es, de que illo tracta, etc.

Io attende le postages interessante!

[Laurentio]

Un multo bon thema!

Io es subscribite a varie listas de e-posta, lege le blogs, e recipe tamben Panorama. Como tu sape, io anque participa in plure chats de interlingua.

Le ultime libro que io legeva in interlingua era TROLL per Osmund Aukland. Illo es publicate per le casa editorial norvegian Kolofon, que imprime libros on-demand (secundo le demanda), similemente a Lulu.com.

Ante illo, io legeva Interlingua e su promotion durante 50 annos per Ingvar Stenström, que se vende in Lulu.com.

In le autumno/hiberno passate io anque ordinava plure libros del Servicio de Libros - tote le libros (librettos) que illes habeva per Alexander Gode.

(Forsan il ha alicunos hic qui non sape que Alexander Gode era le ultime gerente de IALA, le organisation qui creava/trovava interlingua - ille scribeva multo ben.)

Deman/plus tarde io va scriber plus super le libros.

[Peter]

Como tu sape, io anque participa in plure chats de interlingua.

Si, io non ha mentionate le diverse chats de interlingua, como fonte pro leger in interlingua...

Deman/plus tarde io va scriber plus super le libros.

Ben. On expecta tu impressiones, etc. super illos.

[Cavallero]

Io legeva le plus recentemente in le rete in Wikipedia un articulo super le grande homine de stato, Simón Bolívar.

E non in linea, le ultime que io ha legite es Citationes e Aphorismos per Brian Sexton del SBI (non le version le plus recente.)
Ci son alcun bon citationes e un scripto amusante... ideal por un poco de divertimento quando viagiante a traino al travalio.

[Laurentio]

Como tu sape, io anque participa in plure chats de interlingua.

Si, io non ha mentionate le diverse chats de interlingua, como fonte pro leger in interlingua...

Ben, in un chat on e scribe e lege, nonne? Ma io comprende tu position...

Deman/plus tarde io va scriber plus super le libros.

Ben. On expecta tu impressiones, etc. super illos.

Io regretta que io ha essite tanto occupate in le ultime dies que io non ha habite tempore a scriber plus. Anque ora io solmente pote scriber alicun lineas.

TROLL es un libro multo extraordinari, ma anque interessante (quasi un poco "zen"). Vos pote leger un poco super illo hic e hic .

Cavallero, tu signatura me pare familiar.

[Cavallero]

Cavallero, tu signatura me pare familiar.

Realmente? Io debe haber lo piliate de alcuno... hmm... qui era?
alright
Ben, io spera que il es acceptabile, justo tu phrase es sufficientemente apte.

[scaramouche]

Io lege un curso de interlingua de Harleigh Kyson e blogs diverse como "Omniscientia pro ignorantes", "Le Omne Philosphista", "Interlingua in Roma", "Falcatorrossa 2", etc.

[Peter]

Io lege un curso de interlingua de Harleigh Kyson

Isto es bon, anque le curso per le qual on apprende interlingua per leger textos e anque le curso de conversation, que adjuta uno in apprender parolas quotidian. Ma io spera, que tu non apprende del version original, ma del version revisionate e corrigite per alteres; clicca a ci: http://www.angelfire.com/on/vberg/Conversation_Interlingua-OO.pdf o a ci: http://www.interlingua.nu/elibros/Conversation_interlingua.pdf

e blogs diverse como "Omniscientia pro ignorantes", "Le Omne Philosphista", "Interlingua in Roma", "Falcatorrossa 2", etc.

Io osa demandar: esque tu lege le blog de Péter Kovács tamben...?

[Svenni]

Le plus recente cosa que io ha legite in interlingua es un entrata in le blog de Mardy, con photos de su couchsurfer russe.

http://www.mardy.it/2009/06/un-altere-session-de-photos.html

In le passate recente io ha studiate le nove libro de Osmund Aukland: Troll. Un libro que es recommendate a totes.

Ordinar e leger regularmente le revista Panorama es anque un bon idea a les qui vole leger regularmente in interlingua.

Si, Panorama es publicate regularmente, io lo pensa, ma non tanto sovente.

[Paco]

Io legeva http://septimanas.blogspot.com/ . Ma le scriptor, Gerson R. Franco, que ille mesme dice: "Cata lunedi il appare un nove capitulo de iste novella serial...", tunc ab le 20/09/09 non ha scripte nihil! E io non pote dormir sin saper le fin del novella...! Alicuno sape ubi es le scriptor? Le novella es multo interessante...