Musica de strata

Musica de strata

Message publicper Svenni » mar. jun 30, 2009 11:50 am

Le citate svedese de Gothenburg prohibi musica de strata ab le 1 de julio (deman!). Le problema es que le gruppos de musicantes ha un repertoire multo limitate, que illos repete 872 vices cata die - multo enoiose, irritante etc. Le autoritates de Oslo observa le action del svedeses con interesse. Io spera que on va introducer le mesme prohibition in Bergen.

Como es le situation in altere citates?
Svenni
 
Messages public: 55
Membro desde: sab. jun 06, 2009 6:28 pm

Re: Musica de strata

Message publicper Eugene Paul » mer. jul 01, 2009 3:59 pm

Svenni scribeva:Le citate svedese de Gothenburg prohibi musica de strata ab le 1 de julio (deman!). Le problema es que le gruppos de musicantes ha un repertoire multo limitate, que illos repete 872 vices cata die - multo enoiose, irritante etc. Le autoritates de Oslo observa le action del svedeses con interesse. Io spera que on va introducer le mesme prohibition in Bergen.

Como es le situation in altere citates?


In San Francisco, California, il ha un soprano e un tenor qui canta arias familiar del operas popular in le strata Maiden Lane, que es situate in le centro del zona commercial e touristic del citate. Io crede que illes debe pagar le citate pro un licentia. Io les admira multo pro su corage que, infortunatemente, supera su talento.

Eugene Paul
Eugene Paul
 
Messages public: 21
Membro desde: jov. jun 11, 2009 2:46 am

Re: Musica de strata

Message publicper Laurentio » mer. jul 01, 2009 4:31 pm

Io non multo sovente ambula al stratas pro pedones de Copenhagen in le estate - il sole haber un turba de gente. Ma me place normalmente le musica de strata - il pote esser assatis charmante. Ma naturalmente il multo depende del habilitate del musicantes. In le passage del annos (??) io ha vidite sovente alicun musicantes irlandese que sonava alicun instrumentos estranie - lor musica me placiava. Ma alicun typo con un guitar cantante cantos de Beatles etc. non tanto.

Del resto, io probabilemente lo trovarea multo plus irritante incontrar musicantes de strata... foras del stratas. (P.ex. in stationes de metro, centro de compras, etc.
Ask not what you can do for your conlang - ask what your conlang can do for you
Laurentio
cmmiur
 
Messages public: 264
Membro desde: ven. jun 12, 2009 12:04 am

Re: Musica de strata

Message publicper Eugene Paul » mer. jul 01, 2009 4:38 pm

Svenni scribeva:Le citate svedese de Gothenburg prohibi musica de strata ab le 1 de julio (deman!).


Con le adjuta de Google Maps io pote vider le appartamento a Västanvindsgatan 10C in Gothenburg (Göteborg). Le nomine Västanvindsgatan, 'le strata del vento del west', me ha sempre semblate quasi magic.

Eugene Paul
Eugene Paul
 
Messages public: 21
Membro desde: jov. jun 11, 2009 2:46 am

Re: Musica de strata

Message publicper Svenni » jov. jul 02, 2009 6:52 pm

Eugene Paul scribeva: Le nomine Västanvindsgatan, 'le strata del vento del west', me ha sempre semblate quasi magic.



Västanvindsgatan, ... si, belle. Le nomines de alicun stratas ha plus de magico que alteres.
Svenni
 
Messages public: 55
Membro desde: sab. jun 06, 2009 6:28 pm

Re: Musica de strata

Message publicper Peter » mer. aug 03, 2011 2:44 pm

In Bulgaria (in julio 2011), durante le conferentia international de interlingua nos incontrava un musico "de strata" de facto: un cornamusista bulgare al entrata del secunde cavo que nos visitava in un del dies de excursiones.

Ille ha tres typos del cornamusa bulgare, duo typic pro ille region (le montania Rodope) de voce basse e un que on cognosce ubique como "le cornamusa bulgare"- de voce alte. Le duo de Rodope ha le mesme tono basic, ma durante que le classic "kaba gayda" ha solmente un pipa (extra le tubo del pipa basse, que es aparte), le "kaba gayda" duple (dvoyanka) ha duo in un tubo, con duo scalas parallel - assi sonante le melodia duplemente. Ille cornamusista ha a su classic cornamusa "kaba" un tal grande sacco de pelle que ille pote cantar un o forsan mesmo duo strophes del melodias sin imbuccar le cornamusa pro assecurar le constante sonoritate del instrumento.

Su "marketing" es assatis bon: ille assi vende su proprie quatro DCs (discos compacte), sonante le instrumentos, que son pendite pro demonstration sur le pariete al tempore de non sonar los; ille ha duo parve papiros in colores: le un presenta se mesme - con adresses de contacto - e le altere presenta le unic instrumento "dvoyanka kaba gayda".

Io le diceva (nos poteva parlar in anglese), que anque io es un sonator de cornamusa - del typo hungare. Assi io probava sonar duo de su instrumentos - con successo, naturalmente - como il se vide sur iste duo photos:

https://picasaweb.google.com/csoreto/Bulgaria11?authuser=0&authkey=Gv1sRgCO6P48Pvk_mOkAE&feat=directlink#5636957547190255170 e https://picasaweb.google.com/csoreto/Bulgaria11?authuser=0&authkey=Gv1sRgCO6P48Pvk_mOkAE&feat=directlink#5636957547190255170

Ille me narrava, que le septimana sequente il essera in le citate vicin Smolyan (si io ben memora) un festival de cornamusistas, con multissime de participantes de - io pensa - tote le Bulgaria.

Ille sona flautas tamben; io videva le ordinari flauta pastoral bulgare, la caval bulgare e un flaute duple, que es simile anque a hungaros. Ille los sonava tamben pro me. Al flauta ordinari ille sonava un melodia de dansa (in rhythmo de 7/8), que io immediatemente recognosceva, proque illo es un variante de un melodia de dansa folkloric de Moldova (parte de Romania), cuje musica folkloric le musicos folkloristic hungare ben cognosce, proque in ille region vive anque hungaros (conservante ancian tractos in lor folklore). Alora io sonava iste version moldovan del mesme melodia que ille sonava, explicante le affaire a ille. Ben que le scala non es lo mesme, que al flautas pastoral hungare, assi io non poteva sonar lo totalmente adequatemente; ille totevia recognosceva, que il se tracta del mesme melodia.
Le ultime vice modificate per Peter al sab. aug 06, 2011 8:20 am, modificate 4 vices in total.
Peter
 
Messages public: 72
Membro desde: mer. jun 10, 2009 10:39 pm
Location: Hungaria

Re: Musica de strata

Message publicper carlos soreto » mer. aug 03, 2011 4:19 pm

Io ha alicubi un o duo photos de un famose musicante hungare :), sonante le cornamusa de ille cornamusista bulgare, que io intra breve tempore va publicar in 'picasa'.

Esque alcuno faceva un video de ille unic momento?

cs
carlos soreto
 
Messages public: 81
Membro desde: jov. aug 06, 2009 1:26 pm
Location: Portugal

Re: Musica de strata

Message publicper Peter » mer. oct 26, 2011 3:43 pm

Esque alcuno faceva un video de ille unic momento?


Thomas Breinstrup faceva un tal, o plus precisemente: ille voleva facer; proque toto ha essite in ordine, ille laborava con le camera - adjustava le foco, etc. - con le exception de micressime importantia, que ille habeva oblidate premer le button pro comenciar le registration... :-)

Péter
Peter
 
Messages public: 72
Membro desde: mer. jun 10, 2009 10:39 pm
Location: Hungaria

Re: Musica de strata

Message publicper Laurentio » mer. oct 26, 2011 4:02 pm

Io ha 28 secundas con le hungaro estimate e circa duo minutas con le bulgaro. (Io arrivava tardemente al scena, alteremente io haberea prendite plus con le hungaro.) :)

Ambe films es in lo que io appellarea 'patatavision'...!
Ask not what you can do for your conlang - ask what your conlang can do for you
Laurentio
cmmiur
 
Messages public: 264
Membro desde: ven. jun 12, 2009 12:04 am

Re: Musica de strata

Message publicper Peter » mer. oct 26, 2011 8:59 pm

Como a comprender "patatavision"?
Peter
 
Messages public: 72
Membro desde: mer. jun 10, 2009 10:39 pm
Location: Hungaria

Proxime

Retro a(l) Musica

Qui es in linea

Usatores qui lege iste foro: Nulle usatores registrate e 1 visitante

cron