Pagina 1 de 1

Le belle musica classic de Ludovico Einaudi

Message publicPublicate: mer. jun 17, 2009 5:52 pm
per Eugene Paul
On dice que le musica de Ludovico Einaudi es del genere classic. Possibilemente. Il es, sin dubita, musica bellissime. Il es musica contemporanee r e l a x a n t e.

On dice equalmente que Ludovico Einaudi reside in un vinia in Pedemonte. (Un cosino mie reside in un plantation de caffe in Hawaii, ma, tristemente, ille non es un compositor de musica belle.)

Es iste musica un initio de un renascentia cutural?

Tosto o tarde, un renascentia advenira. Intertanto vos pote ascoltar le musica de Einaudi in le sito de 'youtube.com'. Scribe 'ludovico einaudi' in le finestra al latere de 'Search'. Io propone que vos ascolta prime le composition 'Primavera'.

Eugene Paul

Re: Le belle musica classic de Ludovico Einaudi

Message publicPublicate: mer. jun 17, 2009 6:49 pm
per scaramouche
Multo belle musica. Io es pianista amateur, e ama tal musica. Pro me, illo es simile al stilo elegante de Michael Nyman (Le Piano) o Yann Tiersen (Amélie Poulain).

Gratias pro le discoperta!

Paul

Re: Le belle musica classic de Ludovico Einaudi

Message publicPublicate: jov. jun 18, 2009 12:05 am
per Laurentio
Gratias, Eugene - me place le musica.

Il es interessante lo que tu scribe super un renascentia. Io mesme ha scribite multe musica in le genere "classic", que io nunquam ha sonate a alteres o mesmo registrate. Io ha sempre timite que si io jammais lo face, le expertos de musica va disdignar lo, proque illo non es assatis incomprensibile e disharmonic. (Ben, illes probabilemente non va phrasar lo assi.)

Es triste que tu cosino non es compositor de musica belle, ma al minus io spera que ille te forni sempre con caffe fresc. :)

Re: Le belle musica classic de Ludovico Einaudi

Message publicPublicate: jov. jun 18, 2009 4:00 pm
per Eugene Paul
Laurentio scribeva: Il es interessante lo que tu scribe super un renascentia. Io mesme ha scribite multe musica in le genere "classic", que io nunquam ha sonate a alteres o mesmo registrate. Io ha sempre timite que si io jammais lo face, le expertos de musica va disdignar lo, proque illo non es assatis incomprensibile e disharmonic. (Ben, illes probabilemente non va phrasar lo assi.)


Non esque le expertos es nihilistas? Non esque le nihilistas es destructive? Non esque nos ha nunc un cultura suicidal? A basso le nihilismo! Que vive romanticismo! Que vive le musica belle!

Es triste que tu cosino non es compositor de musica belle, ma al minus io spera que ille te forni sempre con caffe fresc. :)


Ancora no, ma si il es ver que mi cosino non me ha (ancora) inviate caffe de su plantation, il es ver anque que Ludovico Einaudi non me ha (ancora) inviate vino de su vinia.

Eugene Paul