Esque le smart fortwo es un auto periculose?

Esque le smart fortwo es un auto periculose?

Message publicper Eugene Paul » lun. aug 10, 2009 3:39 pm

In le Statos Unite on dice que un parve auto como un smart fortwo es specialmente periculose -- multe plus periculose que un auto grande como un Mercedes Benz. Le ration -- on me dice -- es que in un collision inter un fortwo e un Mercedes, il es multe plus secur esser in le Mercedes que in le fortwo. Apparentemente il esserea melior si nos totes esseva in autos grande.

Ma per le mesme logica, in un collision inter un Mercedes e un camion enorme, il es multe plus secur esser in le camion, e pro isto il esserea melior si nos totes esseva in camiones enorme.

In mi humile opinion, un camion enorme es plus periculose que un Mercedes, e un Mercedes es plus periculose que un fortwo -- exactamente como un petra grosse, un lapide, e un calculo.

Pro isto io ha decidite que il esserea melior si nos totes esseva in autos parve -- como le smart fortwo!


Eugene Paul
Eugene Paul
 
Messages public: 21
Membro desde: jov. jun 11, 2009 2:46 am

Re: Esque le smart fortwo es un auto periculose?

Message publicper Laurentio » mar. aug 11, 2009 9:33 pm

Tu ha ration. Ma si io viveva in le SUA, io non sape si io osarea usar un tal, super toto si io viveva in un area campestre ubi tote le mundo ha SUVs. :)

Esque tu considera comprar un Smart? Io ha legite recentemente que le Toyota Aygo e su duo autos soror ha recipite relativemente bon notas in tests de securitate (crash tests).
Ask not what you can do for your conlang - ask what your conlang can do for you
Laurentio
cmmiur
 
Messages public: 264
Membro desde: ven. jun 12, 2009 12:04 am

Re: Esque le smart fortwo es un auto periculose?

Message publicper Eugene Paul » mer. aug 12, 2009 4:38 pm

Laurentio scribeva:Tu ha ration. Ma si io viveva in le SUA, io non sape si io osarea usar un tal, super toto si io viveva in un area campestre ubi tote le mundo ha SUVs. :)

Si, le SUVs es un menacia e un incommoditate infernal. Ma illos non es nunc in le areas campestre; omne le SUVs infernal es nunc in mi citate sur mi strata. Le chauffeures de SUVs non es vigilante proque illes parla constantemente in su telephonos portabile infernal.

Esque tu considera comprar un Smart?

Si si, sin hesitation. Io jam ha habite un 1957 Anglia 100E Estate, un 1962 VW 1200, un 1959 Fiat 600, e un 1979 VW Rabbit/Golf (diesel). Io es preparate, nonobstante le menacia del SUVs infernal. On debe esser vigilantissime in omne caso.

Io ha legite recentemente que le Toyota Aygo e su duo autos soror ha recipite relativemente bon notas in tests de securitate (crash tests).

Gratias pro le information. Illo es como un parve Toyota Vitz/Yaris. Io vide que illo ha le systema Start/Stop de Toyota. Io ha legite que in Britannia le smart fortwo ha un systema similar.

Eugene Paul
Eugene Paul
 
Messages public: 21
Membro desde: jov. jun 11, 2009 2:46 am


Retro a(l) Humor

Qui es in linea

Usatores qui lege iste foro: Nulle usatores registrate e 3 visitantes

cron