Pagina 1 de 1

Determinar le tempore con adjuta de un camelo

Message publicPublicate: sab. oct 10, 2009 12:46 pm
per torrente
Un tourista qui viagiava in Africa un die arrivava al mercato de un urbe. Ille non habeva un horologio e pro saper le tempore ille demandava un beduin qui jaceva e dormiva legiermente in le umbra sub su camelo. Le beduin se sedeva, levava le grande scroto del camelo e respondeva sin hesitation: ”Duo horas e medie.” Le tourista stupefacite postea incontrava un persona qui habeva un horologio ma ille dava le mesme responsa. Ille nunc credeva que iste populo nomade habeva cognoscentias miraculose ma incognite pro europeos.
Le die sequente le tourista de novo videva le mesme beduin. Ille nunc habeva portate su proprie horologio ma decideva testar le exactitude de iste maniera determinar le tempore e demandava: “Que hora es?”
De novo le beduin levava le scroto del camelo lentemente e prudentemente e respondeva: “Tres horas e un quarto.”
Le tourista qui nunc sapeva que isto esseva correcte desirava saper como le beduin poteva determinar le tempore per iste maniera miraculose. Dunque ille le demandava como isto esseva possibile per levar le scroto. Alora le beduin respondeva: “Alteremente io non pote vider le horologio in le turre del domo municipal.” :lol:

Re: Determinar le tempore con adjuta de un camelo

Message publicPublicate: jov. oct 15, 2009 9:33 pm
per Josu Lavin
hahahahahahahahahahahaah

Multe gratias, Erik, multe gratias!!!!

Imbracios amical

JL