Io parlava con Mardy super isto in persona, ma hodie, legente in le pressa del couchsurfer violate, io memorava que io intendeva tamben responder hic:
Io solmente cognosceva Couchsurfing de entratas blog o simile per Mardy ipse, ma alicun annos retro io me jungeva a un simile organisation appellate
Servas. Illo es un organisation assatis vetule e idealistic - "per viver con personas de altere culturas un contribue a intercomprension global e pace inter le populos, etc., etc...".
On debe ir a un intervista con le secretario national pro esser acceptate in le organisation (in mi caso un dama de 89 annos). Esque il ha simile proceduras/mesuras in Courhsurfing, Mardy, o toto occurre via le internet?
In effecto io non jammais ha essite albergate per ulle servaistas, ni albergate ulles. Il serea assatis stressante pro me viver in le casa de personas estranie...