Que filmes recommende tu pro visionar?

[Gogolino]

Que filmes recommende tu pro visionar? (un subjecto de foro pro cambiar impressiones de filmes que tu place)

[Laurentio]

"Le retorno del tomates homicidal"!

No, seriosemente... es un bon question, ma naturalmente anque multo large... Io ha vidite multe films que me placeva, ma il ya depende de con qui on parla si on vole recommendar los o non - a alicunos place un genre, a alicunos un altere, etc...

Recentemente io videva 'Le vita del alteres'. Un film de un agente de STASI in le Rebuplica German "Democratic". Illo me placeva multo.

Io va scriber super alicun altere films plus tarde. (Nota que io non dice *quanto* plus tarde).

Qual films ha placiate a te mesme? Qual generes prefere tu?

Amicalmente,

[Quankam]

Anque me place le film "Le vita del alteres". Illo monstra un imagine multo differentiate del personas agente, specialmente del officiero del securitate de stato. Isto non es un cosa natural. Le imagine del Republica Democratic German in le publicate es sovente multo distorquete - o "nigre-blanc" o grottesc. In iste film on pote vider Ulrich Mühe como officiero del securitate de stato in un de su rolos le melior. Infelicemente il ha morite intertanto.

Un altere film interessante que demanda le relation inter culpabiles e victimas es "Le lector". In iste film Kate Winslet joca un ex-guardiana de un campo de concentration del national-socialistes german. Multo interessante anque pro le presentation de un relation de amor inter un adolescente e un femina matur.

- Gerhard -