Futuro

Futuro

Message publicper Gabriel Svoboda » sab. oct 16, 2010 11:23 pm

Fonte: http://www.futuretimeline.net/

2011 post Christo / 1432 post Hegira / 4708 post Huang Di
— LE PRIME SPATIOPORTO COMMERCIAL DEL MUNDO: Un nove capitulo in exploration de spatio comenciava, quando Spaceport America era aperte — le prime spatioporto in le mundo tenacemente constructe como commercial. Illo offereva volos sub-orbital a spatio al publico pagante. Le spatioporto costava 225 milliones de dollares e illo era constructe sur septanta kilometros quadrate de deserto possesse per le stato apud Upham, un parte non habitate de Nove Mexico, alora in le Statos Unite de America del sud-west. Inter le companias varie involute era Virgin Galactic de Richard Branson. Le vehiculo spatial poteva mover se per 4 200 km/h e portar sex passageros a un altitude de circa 110 kilometros, usante un singule rocheta-motor hybrida. Quando altitude maxime era attacte, le motores era extincte e le passageros poteva haber experientia de sex minutas de absentia de peso, reguardante a basso al Terra. Le vehiculos usava un systema de re-entrata coperte per plumas, practicabile a causa del parve velocitate de re-entrata, e illos era designate pro re-entrar le atmosphera sub qualcunque angulo - pro securitate maxime. In le decennio sequente, un nove generation de vehiculos era disveloppate, capabile a attinger orbitas multo plus alte. Post alicun annos additional, excursiones circa le Luna deveniva possibile. Initialmente, le volos era multo costose (circa duo centos milles dollares pro un). Nonobstante plus tarde in iste seculo, concurrentia inter le companias involute multo reduceva costos, faciente le expensa tolerabile pro le majoritate de homines.
— USB 3.0 ERA INVENTATE. Apparatos digital usante iste genere de connexion habeva un velocitate de transferentia quasi 5 Gbit/s. Pro comparation, USB 2.0 habeva habite 480 Mbit/s; USB 1.0 habava habite 1.5 Mbit/s.

circa 2020–2035 post Christo / circa 1440–1455 post Hegira / circa 4715–4730 post Huang Di
— CRISE ENERGIC DEL MUNDO: Per iste periodo, le mundo era in tumulto, proque demanda pro petroleo grandemente excedeva stock — stropiante multe economias e causante disordine social general. Il era grande conflictos in le tote Asia del west e central. Le plus significante de iste guerras pro ressources requireva le uso singule de un arma nucleari tactic. Le crise permaneva durante quasi duo decennios e illo era gradualmente resolute per un transition a energia renovable e technologias de combustibiles alternative — ma le transition era nullemente lisie. In le fin del crise, le carta geopolitic de Asia del west era quasi irrecognoscibile in comparation con le situation ante vinti annos.

2028 post Christo / 1450 post Hegira / 4725 post Huang Di
— POPULATION DE AL-BIRITANIYA GRANDE E AL-AYIRLANDA DEL NORD ATTINGEVA 70 MILLIONES. Al-Biritaniya Grande e al-Ayirlanda del Nord era proxime a devenir le region le plus populose in al-Urubba, surprendente e al-Alemand e al-Firanja. Isto era principalmente a causa de numeros vaste de immigrantes. In combination de un population laborante contrahente se, isto enormemente deformava servicios public — specialmente in al-Landan, que era le plus onerate per iste accrescimento. Al-Istind era transformate durante iste annos, deveniente quasi un nove citate intra al-Landan e comenciante esser un rival de al-Wistind. Areas vaste de terra era re-disveloppate per centos de nove residentias, grattacelos, magazines, locos verde e spatios public — toto constructe secundo le standardes ecologic le plus alte.

Fonte: http://www.futuretimeline.net/
Gabriel Svoboda
 
Messages public: 41
Membro desde: mer. mai 05, 2010 12:54 pm
Location: Chechia

Re: Futuro

Message publicper Gabriel Svoboda » dom. jan 02, 2011 6:24 am

Fonte: http://www.futuretimeline.net/

2011 post Christo / 1432 post Hegira / 4708 post Huang Di
— CHIPS DE 22 NANOMETROS IN PRODUCTION: Le successor de los de 32 nanometros, iste generation ultime de chips continuava le tendentia de lege de Moore. Plus tarde illos era successe per chips de 16 nanometros — proxime al limites de miniaturisation pro circuitos integrate.

2030 post Christo / 1452 post Hegira / 4727 post Huang Di
— POPULATION GLOBAL ATTINGEVA PUNCTO DE CRISE. Crescimento explosive de population — insimul a industralisation continuate de economias emergente — habeva un impacto catastrophic pro provisiones de alimento, aqua e energia. Ante trenta annos, il habeva essite sex billiones (6*10^9) de homines sur le Terra. Post le trenta annos, il era duo billiones additional, un majoritate de les in paises paupere. Impression ecologic de humanitate era tante, que illo requireva le equivalente de duo tote Terras pro sustener se. Terreno a cultivar, aqua dulce e ressources natural deveniva plus rar. Le un tertio supernumerari de homines sur le planeta significava, que requirimentos de energia montava — in un epocha, quando provisiones de combustibiles fossile decadeva. Un tote serie de conflictos displicava se in Asia e al-Ifriqiya, menaciante effunder se a al-Urubba. America era involute tamben e dunque le mondo equilibrava se sur le orlo de un grande guerra global. Il era le altere problema de cambiamento de climate; nivellos de dioxido de carbon attingeva 450 partes per million. Il era indicios, que un puncto de extremitate habeva esite attacte, que manifestava se in le forma de degradation rapide del ambiente. Ecosystemas natural comenciava collaber tante, quante rarmente testimoniate in le historia de Terra. Le grandor accelerante se de iste problemas guidava a un transition rapide de combustibiles fossile a energia renovable. Progressos in nanotechnologia resultava in energia solar vastemente meliorate. Isto rendeva materiales photovoltaic capace a esser addite a quasi cata edificio nove. Energia eolic (i. e. energia de vento) per levitation magnetic comenciava reimplaciar generatores eolic traditional, tenente conto de capacitate multe plus grande in un plus parve impression ecologic. Provisiones de energia generalmente deveniva plus localisate e independente, durante que standardes de conservation de energia habeva surrecte. Carbon munde era un option additional disponibile. Intertanto le quarte generation de energia nucleari era proxime a esser perfectionate e energia de fusion vadeva esser disponibile in solmente un o duo decennios. Ben que humanitate credeva esser paupere de combustibiles fossile, illos remaneva le fonte principal de energia — dante conto de quasi un mediatate de omne production de energia. Altere problema, que governamentos debeva contender, era le population inveterante: le numero de personas pensionate habeva essite duplate in le trenta annos. Homines viveva vitas plus longe e san. Augmentationes enorme de budgetes esseva facte pro pensiones de stato, ma le pecunia esseva distribute inter tante grande numero de homines, que le effecto general era un recepta diminute pro le senior medie. Etates de retiro cresceva: in America, Asia e al-Urubba, multe empleatos era fortiate a laborar usque a haber septanta o mesmo plus annos.

Fonte: http://www.futuretimeline.net/
Gabriel Svoboda
 
Messages public: 41
Membro desde: mer. mai 05, 2010 12:54 pm
Location: Chechia

Re: Futuro

Message publicper Gabriel Svoboda » sab. dec 31, 2011 8:40 pm

Circa le 2 456 100me die julian / 2012 post Christo / 1433 post Hegira / 4709 post Huang Di
— Le Station Spatial International era complete. Experimentos de homines, medicina spatial, biologia, physica, astronomia e meteorologia era le primari campos de recerca in le station.
— Le maxime parco eolic marin in le mundo, producente un gigawatt de energia del vento, era constructe apud le costa de Anglaterra del sud-est.
— Londres teneva le jocos olympic pro le tertie vice in su historia; illo era le sol citate, que habeva facte lo pro tante vices. Le jocos durava duo septimanas e illos habeva loco in medio de operation de securitate extraordinarimente grande in un Europa pacific. Londres era transformate per multe nove grande edificios.
— Le Laboratorio Scientific Martian explorava le climate del planeta rubie e determinava, an vita habeva unquam essite nascite sur Marte.
— Multitudes de homines in le tote mundo succumbeva un hysteria, quando le calendario maya attingeva le fin de su cyclo actual. In le panico, alicun homines emeva alimentos, clavava le fenestras o construeva barricadas circa su casas. Naturalmente, pro le grandissime majoritate de homines rational, le data passava sin un accidente — e le vita continuava se como habitualmente in le prime die del 14te baktun del calendario maya.
— Windows 8 era lanceate. Iste systema de operation presentava un boot multo plus rapide, un recomenciamento plus rapide ex le modo de vigilantia, un magazin de applicationes, applicationes web integrate e un compatibilitate meliorate con video de alte definition, video tridimensional, USB 3.0 e Bluetooth 3.0.

Circa le 2 456 500me die julian / 2013 post Christo / 1434 post Hegira / 4710 post Huang Di
— Chips de 14 nanometros era in production. Pro un comparation, un atomo de carbon es 0.34 nanometros grande. Le barriera de 4 gigahertzes era finalmente passate, gratia a le performance e efficientia energetic de iste nove chips. Iste nove generation de technologia de microprocessores era disveloppate per Intel.

Circa le 2 457 200me die julian / 2015 post Christo / 1436 post Hegira / 4712 post Huang Di
— Le Fortias Armate Britannic, que habeva jocate un rolo substantial in le guerra, retirava se de Afghanistan.

(Fonte: http://www.futuretimeline.net/ )
Gabriel Svoboda
 
Messages public: 41
Membro desde: mer. mai 05, 2010 12:54 pm
Location: Chechia

Re: Futuro

Message publicper Scriptor » mar. jan 24, 2012 3:35 pm

Gratias pro le traductiones del sito multo interessante.
Le futuro es sempre fascinante. A me gusta le historias
de fiction scientific, particularmente Star Trek.

Qual es le futuro de Interlingua, vos pensa?

/Marcus
Scriptor
 
Messages public: 82
Membro desde: sab. sep 17, 2011 8:18 pm


Retro a(l) Discussion general

Qui es in linea

Usatores qui lege iste foro: Nulle usatores registrate e 2 visitantes

cron