Dansa e symmetria

Dansa e symmetria

Message publicper DelPonte » sab. jun 15, 2013 7:30 pm

Prof. Dr. Manfred Spitzer: "Vom Sinn des Lebens", capitulo 10.

(Excercitio en traduction; critica es benvenite...)

A vices occurre que on se sorprende non pro le responsa del
scientistas, sed pro lor formulationes de lor demandas: "De que
maniera es possibile imaginar un tal demanda?" on considera
dum le lectura de varie operas, un pensata que nos non plus
vole lassar. Tunc es ben haber un laboro que compelle a annotar
cosas. On scribe tunc le demanda pro iste demanda por disfacer se
de lo e con isto on se trova in le plus bon tradition german: Martin
Heidegger lo ha facite e anque plure altere philosophos. Totevia in
le continuation il non se tracta de tal problemas profundes como le
cerca del veritate, libertate o le causa, sed de cosa tanto simple
como: "Que vero signifa le dansa?"

"Dansar es se diverter", unes dicera, "dansar es perdita de tempore"
le alteres. Dansatores occasionales como io sta circa in le medietate
inter illes - como probabilmente le majoritate del homines in iste
pais. Intertanto, dansa como phenomeno vermente es surprendente:
Un ramo economic total, del musica pop usque le industria del
restaurantes con su discothecas e locales de ballo se alimenta
del dansa. Milliones de adolescentes considera musica "stupide",
ante toto como disciplina in le schola, sed viagia 30 km por ir in
discotheca por non se tanto disgratiar ante gente familiar. Anque le
adolescente con su attitude "anti-toto" demonstra in iste maniera,
sin observar lo, que in se ipse ille porta le germine del burgesia -
ab le competition usque le formation stilistic esthetic del besonio
primordial a mover se. In altere locos, forsan in Africa, isto es
differente: On dansa tanto como on pote, on lo pote multe plus ben
e on se complace pro isto.

Sed retro al opera, in le qual se tracta del demanda, porque
on dansa. Ex le vista evolutionari e comparante biologic, dansa
occurre ubique - ab le homines Neandertalic usque le dansantes in
le discothecas hodie. Non lontano de hic on ha trovate le picturas
le plus ancian que monstra un homine qui preca o dansa - su etate
es circa 35000 annos. Anque apes e le spinarellos (gasterosteus
aculeatus) dansa. Sed le homine pote dansar particularmente ben, nam
su corpore ha un serie de tractos que le directemente predestina a
dansar: le curvatura del pedes e le tendine de Achille accumula le
energia necessari por saltos. Nostre - in comparation con altere
species e in relation al altitude - gambas longe, pedes tenues e
digitos breves del pedes, ha le mesme effecto. Nostre articulos
del genus ha un superficie plus grande (qui pensa a isto in le
discotheca?) e ante toto nostre podice (on compara iste con le qual
del chimpanze) e specialisate a correr e saltar: le gran musculo
gluteus maximus, que ante toto forma le podice tene le trunco recte
anque dum saltos fortes e impedi que le torso cade al ante. Anque
nostre cinctura longe e spatulas large nos adjuta a causas physic a
saltar e dansar. Nulle meravilia, que les habitantes de villages in
Grecia diceva dum dansa commun, que le dansa illes faceva "legier,
calme e allegre". Non es altere cosa al populos de boschimanes
(Khoisan) in Kalahari: "Le presentia in le dansa face nostre cordes
felice". Le ver causa proque dansar nos gaude, non es que ille
da nos allegressa, si nos considera le psychologia evolutionari,
ille solmente es le causa evidente e superficial. Dansar debe
haber un senso evolutionari. Mesme Darwin ha considerate isto e
comprendeva le dansa como producto de selection sexual: on monstra
su fitness. Isto non significa, que on transpira en le discotheca
por demonstrar le fructos del excercitation del musculos. Non,
ex puncto de vista evolutionari se tracta de fitness o habilitate
a reproduction - ita le probabilitate, que le genes proprie essera
representate in generationes futur. Naturalmente non es escludite,
que fitness corporal e fitness reproductive es connectite, sed le
musculos emanantes, o profilantes sub camisas e pantalones stricte,
nullemente es le sol (e probabilmente anque non le plus bon)
indicios de qualitates genetic usabile.

Un indicio multo fidel de fitness genetic es, al contrario, le
symmetria del corpore, nam un corpore symmetric es un corpore
san. Iste regula fundamental non solo vale por le homine, sed
anque por le animales. Le causa por isto es simple: Infectiones,
parasitos, developpamento defective e altere alterationes morbose
normalmente non tocca ambe bracios, gambas, oculos o aures in
modo equal. Maladia, non importa que, ita face asymmetric. A iste
vista le estimation del symmetria es como le equivalente esthetic
del celeritate de sedimentation sanguinal: Si le assymmetria (o
le sedimentation) es alte, on ya non sape que maladia es, sed es
evidente que alicun non es bon. Ambe variabiles es inspecific,
sed ambe es practic a excluder un maladia. Ita le homine ha un
preferentia por facies e corpores symmetric. On non necessita
reflecter o recercar longemente. Si le companion es symmetric,
ille es san. Ita appare clarmente, que homines ha developpate
un preferentia por symmetria, por que isto qui entra in relation
con alicuno, habera infantes plus san e un adjutante plus bon in
le elevamento - e isto augmenta le possibilitate que le genes de
iste personas, que prefere symmetria, continua a exister anque in
le generationes futur. Ancora un vice in altere modo: Quandocunque
un mechanismo in le perception surge que nos causa amar symmetria,
ita illo se affirmara evolutionarimente.

Dum le ultime 10 a 15 annos se ha verificate, que homines in
le evaluation del attractivitate de altere homines observa lor
symmetria (sin remarcar lo conscientemente!). Un corpore symmetric es pro le rationes
mencionate, que illo es un corpore san, anque un corpore belle.

Sed como dansa e symmetria es associate? Un serie de explorationes
suggere un conjunction multo simple: Vertebratos symmetric se move
plus ben. Isto es verificate a lacertas, gallinas, vespertiliones,
mures, pisces, cavallos de carriera e homines. Si on per exemplo
cultiva mures in consideration a currer plus rapidemente, ita illes
developpara gambas posterior plus symmetric.

Malgrado:
1. le idea, que dansar, a vista evolutionari, monstra fitness
reproductive, ha plus que 100 annos,
2. datos super symmetria como indicio de fitness reproductive existe
3. symmetria e movemento es connectite

usque hodie nemo poteva imaginar que examinar isto conjunction
systematicamente.

Con le publication del anthropologo William Brown e sus
collaboratores isto se alora ha cambiate. (E nunc, quando le demanda
es clar, nos pote applicar nos al methodos e resultatos).

Le autores utilisava le technologia de mensuration de movimentos,
como illo anque es applicate in le physiologia sportive. Illes
fixava reflectores de infrarubie al torso e al membros de dansantes,
lassava illes dansar, e filmava toto con 8 cameras. Ex istes datos
on computava videoclips de dansantes virtual, in modo que on non
poteva vider ni le facie, ni le aspecto general del dansantes.

Tote le studio esseva effectuate como parte de plus grande studio
longitudinal (de in toto 285 participantes, que jam esseva registrate
dum le infantia) super symmetria del corpore in Jamaica con 183
(!) dansatores de etate de 14 usque 19 annos. Tote dansava sol
e a le mesmo musica. A tote on faceva mensurationes precise in 2
terminos (in le annos 1996 e 2002) del dextre e leve partes del
corpore sequentes: carpo, cubito, tertie, quarte e quinte digito,
aures, genus, articulationes del pede, e pede. Ex isto on computava
un valor medie de assymmetria. Le dansas de istes dansatores, qui
dum ambe tempos de mensuration esseva in le tertie parte superior,
o in le tertie parte inferior (cata vice 20), esseva selectionate por
examination ulterior. Illes esseva presentate al 153 dansatores ex
Jamaica in toto (le mesme personas qui jam participava in le studio),
per que illes per questionario debeva evaluer como ben le dansator
dansa. Le evaluationes monstrava un conformitate surprendente.

Le resultatos esseva evidente: Dansatores con proportiones symmetric
(que non esseva visibile in le videoclips) esseva evaluate como
plus bon in comparation con les dansatores assymmetric. Le effecto
esseva plus grande in viros que in feminas, sed esseva independente
de etate e del stato de alimentation (mensurate como BMI, Body Mass
Index) del dansatores.

In vista del differentia inter le evaluationes se monstrava anque,
que judicatores feminin habeva plus forte preferentia por dansas
symmetric e que iste preferentia esseva plus accentuate in vista
de dansatores masculin.

Que nos dice tote isto super dansa, symmetria, evolution e
gusto? Nos comencia con le esthetica. On non pote discutar gusto,
ancian proverbio dice. Con isto on vole dicer que gusto es un cosa
totalmente personal, que se funda sur experientia, mentalitate e
criterias de evaluation, e que es totalmente idiosyncratic in cata
homine, secunde il pricipio: "Io mangia gelato de fraga". "Io plus
tosto mangia gelato de frambese". Fin del discussion. A vista de
theoria del evolution resulta que on non pote conservar iste opinion.
Nostre preferentias esthetic ha un senso plus profunde. Analoge a
nostre emotiones illes nos adjuta arrangiar nos in le vita. Non toto
debe esser complite in modo algorithmic (per reflectiones longe),
si routines innate existe, habile a apprender, que se appropria de
functiones essential in le evaluation (que es bon e que non es bon).

Quando le studente le proxime vice visita le discotheca, ille
debe comprender, que le viros forsan plus tosto sta al margine del
pista de ballo e observa le damas juvene dansante, sed a vista del
selection de un companion del vita e le valor del dansa (consentite
desde Darwin) vero es le feminas que observa precisemente. Le
dansa practicate per viros desdel congresso de Vienna (1815), le
"schuhplatteln" nos da indicationes: "Su inventores esseva gente
simple como paisanos, chassatores e taglialignos. [...] On se debe
revocar al memoria, que le paisanos juvene del seculos passate ni
poteva leger ni scriber e lor maniera de exprimer se sovente esseva
bastante rustic e goffe. Sed illes disponeva de fortia muscular
superior al mediate [...] Que esserea plus proximo que probar a
impressionar le contadinessas per un dansa audace e exuberante de
fortia. In iste modo le dansa "schuhplatteln" esseva ab inito un
dansa de cortesamento, per qual le paisano juvene probava conquirer
le benevolentia del contadinessa. [...] Ille lo face, inter alia,
per solodansas, que include colpos sur le femores e le soleas del
scarpas." Le cortesamento non-verbal entra in action ante toto quando
le verbal se bloca, como suggere le annotation plus basso in le texto
citate: "Quanto lontan in le montania on se trova, tanto vivide
le dansa." Le examination de symmetria corporal inter dansatores
"schuhplattler" como factor independente in vista del qualitate
del dansa e le quantitate del progenie esserea un desiderio futur
de effortios de reserca interdisciplinari.

Non es clar, in base a que variabiles le observatores feminin evalua
le dansa estheticamente por estimar le fitness reproductive del
dansator. "Dansas attractive pote esser plus difficile a dansar,
plus rhythmic, plus briose o efficiente energetic (economic), o
alicun combination de iste factores", le autores remarca ad isto
e intende analysar le datos (le dansas permane in forma digital)
con reguardo a iste demandas. Con anticipation placente on pote
expectar anque resultatos de un studio longitudinal intendite,
que debe deteger, si dansatores bon e mal vero se diversifica in
vista del quantitate del progenie. On totevia debe expectar alicun
tempo. Usque tunc on pote consiliar le adolescentes masculin de
perfectionar se in cursos de dansa. De vista evolutionari illes
besonia isto plus que le pueras.
DelPonte
 
Messages public: 20
Membro desde: mer. mai 22, 2013 9:01 pm

Re: Dansa e symmetria

Message publicper Laurentio » mar. jun 18, 2013 10:10 am

Salute, DelPonte,

Io ha comenciate a scriber alcun critica in iste topico:

viewtopic.php?f=15&t=26151
Ask not what you can do for your conlang - ask what your conlang can do for you
Laurentio
cmmiur
 
Messages public: 264
Membro desde: ven. jun 12, 2009 12:04 am


Retro a(l) Discussion general

Qui es in linea

Usatores qui lege iste foro: Nulle usatores registrate e 1 visitante

cron