Neolatino - nove projecto linguistic

[Scriptor]

Sed ben que io ama interlingua, io non dicerea que illo es "(quasi) comprensibile a prime vista" per tote le mundo. Multe romanophonos, e multe anglophonos qui ha alicun cognoscentia de un lingua romanic o latino ipse, pote comprender un portion de un texto interlinguese sin studio, sed alteres? probabilemente non, sin studio.

Io pensa que tu es troppo pessimistic in iste respecto. Le comprensibilitate de interlingua pro romanophonos es assatis ben documentate; io ha audite/legite contos numerose de como on ha communicate effectivemente con illes in interlingua. Io mesme lo ha testate in un foro italian, ubi on me assecurava que on comprendeva toto que io scribeva, e que mesmo un puero de 12 annos lo comprenderea.

Le conto le plus notabile es probabilemente illo de Martijn Dekker (McDutchie), qui faceva un discurso/presentation in interlingua pro un publico portugese qui habeva nulle saper/experientia special con linguas, e totevia esseva ben comprendite. (Quasi tote le sala levava lor mano, quando ille diceva "leva vostre mano si vos me comprende sin grande problemas" (o simile), e nemo quando ille diceva "raise your hands if you want English".)

Certo, on vermente pote communicar con parlatores de italiano e linguas ibero-romanic in interlingua. Isto es phantastic!
Con parlatores de altere lingua isto functiona minus ben o non del toto.
Interlingua es anque utile como un introduction al linguas romance e le vocabulario international. Pro isto illo a me vale
apprender e usar. In plus, io ama scriber poesia in Interlingua. Secundo me, Interlingua es multo apte pro recitation de poemas.

Forsan illo es un bon alternativa pro homines qui vole trovar un balancia inter lestructura schematic de Esperanto e naturalistic de Interlingua?

Forsan, sed a mi aviso il perderea le tempore supportar un lingua habente parve probabilitate de successo.

Ben, si illes se amusa quando illes lo face, lor tempore non vermente ha essite perdite.

De accordo! Io prefererea apprender Ido ante jocar con cartas o solver sudokus
Io jam cognosce Interlingua e Esperanto, ergo io lo ancora ben comprende, ma un cognoscentia active de su grammatica
e su formas del parolas es besoniate pro comenciar usar lo activemente sin errores. Le grande problema es non miscer lo
con le duo altere linguas...

*) Con le parvissime reservation que il poterea occurrer si le UE comenciava interessar se pro un lingua europee (lo que anque es multo improbabile in le futuro previsibile, io pensa), ma in iste caso io dubita que on usarea un projecto "oblidate" como nostre interlingua. On comenciarea plus tosto un nove projecto, ma isto forsan similarea a interlingua.

Certo, si illos seligerea le hereditage de parolas latino-grec. Como alcuno diceva ante me: Interlingua non es construite, illo
es extrahite ex le linguas romance. Illo es lor skeleto commun. Illo ha existite latentemente durante longe tempore, e ora illo
anque existe activemente.

/Scriptor

[bartlett]

Salute!

Laurentio, nos es de accordo de multe principios in re comprensibilitate "a prime vista" de personas de fundos linguistic varie.

Nonobstante,

Io solmente non pensa que il es realistic que le UE adoptarea interlingua como lingua commun. Un lingua commun del UE serea le lingua de plus de un medie milliardo de personas. Le decision de usar lo serea le objecto de fortissime interesses politic/national. Io non pote imaginar que on prenderea un lingua auxiliar que esseva publicate plus de 60 annos retro, que nemo cognosce, cuje principios de formation de parolas es describite in un maniera assatis vage e confundente, cuje dictionario principal non contine etymologia o informationes de como on ha arrivate al vocabulos diverse e in plus es 60 annos vetule, e cuje dictionarios plus nove es compilate per personas sin education formal in linguistica o simile campos, e lo presentarea como le nove lingua official.

Vermente, io non es europeo, e forsan mi avisos non son pertinente de totalitate. Totevia, io es confundite in re al minus alicunos de tu remarcas. Si, le "Interlingua English Dictionary" ha plus de sexanta annos, e le "Interlingua Grammar" (2nde ed.) ha quasi sexanta annos, sed esperanto ha plus de 125 annos(!), e multe personas lo promove. Io non pensa que le vetulessa de un lingua auxiliar es le sol factor de su qualitate, validitate, utilitate, e fortia/poter.

Hodie il ha libros, periodicos (alicunos interretal), discussiones, e "podcastes" (interretal) componite per interlingua. Illo es un lingua vivente. Si le esperantistas promove lor lingua antique plus de un seculo, interlingua pote viver e esser considerate como candidato de lingua auxiliar international.

Amicalmente ad omnes
Paul

[bartlett]

Certo, on vermente pote communicar con parlatores de italiano e linguas ibero-romanic in interlingua. Isto es phantastic!Con parlatores de altere lingua isto functiona minus ben o non del toto.
Interlingua es anque utile como un introduction al linguas romance e le vocabulario international. Pro isto illo a me vale
apprender e usar. In plus, io ama scriber poesia in Interlingua. Secundo me, Interlingua es multo apte pro recitation de poemas.

Salute ad omnes!

Io ipse non cerca Etiam Un Altere Lingua Romanic! Al minus, io cerca un lingua auxiliar pan-europee, e preferabilemente global. Vermente, illes del linguas non-europee non comprendera interlingua "a prime vista," sed nonobstante, interlingua es simplicissime de comparation al anglese, le lingua auxiliar actual le plus diffuse. (E io dice como angloparolator natal!) Que nos diffunde un lingua facile e potente!

Amicalmente ad omnes
Paul

[Laurentio]

Vermente, io non es europeo, e forsan mi avisos non son pertinente de totalitate. Totevia, io es confundite in re al minus alicunos de tu remarcas. Si, le "Interlingua English Dictionary" ha plus de sexanta annos, e le "Interlingua Grammar" (2nde ed.) ha quasi sexanta annos, sed esperanto ha plus de 125 annos(!), e multe personas lo promove. Io non pensa que le vetulessa de un lingua auxiliar es le sol factor de su qualitate, validitate, utilitate, e fortia/poter.

Hodie il ha libros, periodicos (alicunos interretal), discussiones, e "podcastes" (interretal) componite per interlingua. Illo es un lingua vivente. Si le esperantistas promove lor lingua antique plus de un seculo, interlingua pote viver e esser considerate como candidato de lingua auxiliar international.

Io pensa que nos discute duo cosas differente al mesme tempore.

Certo io pensa que interlingua es un candidato tanto seriose como esperanto pro esser un lingua auxiliar international. Io anque dicerea que illo es un melior candidato, inter altere cosas proque illo reflecte le vocabulario europee/romanic a un multo plus alte grado que esperanto, e le parolas ha un forma neutral, contrari al parolas aleatorimente seligite per Z de linguas diverse con formas diverse.

Mi remarcas tractava specificamente le possibilitate que interlingua serea adoptate per le UE. Io listava argumentos que io pensa lo facerea difficile esser un candidato viabile.

In general io non pensa que le etate rende un lingua auxiliar minus utile. de minus alte qualitate, etc.

Ben que, il ha un problema potential con le etate, a saper que on risca que le vocabulario non es actualisate. Isto probabilemente non es un tanto grande problema pro esperanto. Ma interlingua ha como parte de su ration de esser, que illo es un reflexion del vocabulario international, plus specificamente anglo-romanic. Quando iste linguas cambia (lo que es natural), interlingua perde le risco de esser minus practic, si iste cambios non anque es reflectite in su vocabulario. Io pensa que, p.ex. multe del parolas e expressiones de francese, que se trova in le IED, non plus es usate internationalmente, proque le importantia de francese ha diminuite tanto in le ultime 50 annos.

Io non scribe isto como un argumento contra interlingua. Solmente il me veniva in mente viste que nos discute le signification del tempore. Le problema certo non (ancora) es multo grande.

[Laurentio]

Io solmente non pensa que il es realistic que le UE adoptarea interlingua como lingua commun. Un lingua commun del UE serea le lingua de plus de un medie milliardo de personas. Le decision de usar lo serea le objecto de fortissime interesses politic/national. Io non pote imaginar que on prenderea un lingua auxiliar que esseva publicate plus de 60 annos retro, que nemo cognosce, cuje principios de formation de parolas es describite in un maniera assatis vage e confundente, cuje dictionario principal non contine etymologia o informationes de como on ha arrivate al vocabulos diverse e in plus es 60 annos vetule, e cuje dictionarios plus nove es compilate per personas sin education formal in linguistica o simile campos, e lo presentarea como le nove lingua official.

Le facto que iste personas non ha un education formal in tal campos, naturalmente non significa que lor labor es sin merito! Io es secur que le majoritate de dictionarios de interlingua es de multo alte qualitate!

Io mentionava solmente iste facto proque le deciditores (pardona le bushismo) probabilemente lo listarea como un argumento contra, si illes debeva jammais considerar interlingua como lingua del UE o altere organisationes de simile importantia.