Interforo.org

Por favor : Quando utilizar 'isto' y quando utilizar 'lo' ?

"Lo" es le forma accusative de "illo".

"Illo es grande" mais "io lo vide", "io pote vider lo".

Compara: "Io es grande" mais "Tu me vide, tu pote vider me".

Se tu usa e "isto" e "illo", "isto" es por objectos proxime e "illo" por objectos remote.

Gracias !
Me interessa questiones in interlingua de tal tipo :
"Lo importante non es quanto libros tu leges, ma qual libros.", i.e. lo + adjectivo.

Apropos, que forma es de accusativo de "isto" ? "to" ?

bangiolo20 scribeva:Me interessa questiones in interlingua de tal tipo :
"Lo importante non es quanto libros tu leges, ma qual libros.", i.e. lo + adjectivo.

Isto es un forma del articulo "le"; quando on lo usa como pronomine, il ha non solmente le forma "le" sed anque un forma feminin "la" e un forma neutre "lo", usate specialmente in "lo que" (e.g. "lo que io pensa").

In tu phrase io pensa que es un uso pronominal del articulo: "lo importante" = "le importante cosa". "Importante" non pote modificar le substantivo "cosa" e pro isto modifica le forma pronominal del articulo.

bangiolo20 scribeva:Apropos, que forma es de accusativo de "isto" ? "to" ?

Io pensa que il non ha forma curte. Tu pote o usar "lo" o usar le forma complete e poner lo post le verbo - "Io non vide isto sed tu lo vide".

gracias por tua responsa ! iste construcción con "cosa" que tu proposas appare me multo utile.