Pagina 1 de 1

Verification orthographic pro OpenOffice.org disponibile

Message publicPublicate: ven. nov 13, 2009 2:52 am
per McDutchie
Car omnes,

Pro le software libere de officio OpenOffice.org, version 3 o plus recente, existe un dictionario pro verification orthographic in nostre belle interlingua.

Discarga le extension de http://extensions.services.openoffice.org/node/2215, aperi lo in OO.o pro installar lo, alora defini interlingua como le lingua del documento in le menu "Formato" > "Characteres" — o mesmo melio, defini interlingua como le lingua predefinite pro tote le nove documentos in le Preferentias.

Un tal dictionario orthographic es essential pro facilitar le scriptura de documentos, libros, etc. in interlingua. Io non cognosce le compilator, Artek Dzialek, ma io vole regratiar le pro facer iste labor importante.

- Martijn

Re: Verification orthographic pro OpenOffice.org disponibile

Message publicPublicate: dom. nov 15, 2009 9:47 pm
per Peter
Salute, Martijn!

Gratias pro le information.

Olim io ha usate OO 1, que habeva le corrector orthographic de interlingua assi, que on debeva determinar lo como "italiano" o ulle altere lingua, proque alora "interlingua" non appareva in OO como lingua seligibile pro le documentos.

Postea io ha usate - ja ab multe annos - OO 2.0, que contine interlingua como lingua seligibile, ma le corrector orthographic non functiona sub le nomine "interlingua" (ben que "interlingua" appare como lingua), ma de novo como "italiano" (a me, a alteres "svedese", etc. lo que illes determinava per alicun cambios necessari pro illo). Assi io lo usa continuemente como corrector del lingua italian.

Mi question: esque il es possibile usar le correctiones orthographic de interlingua sub le nomine interlingua ja in le version 3tie de OpenOffice? E in alicun maniera tamben a versiones previe (como le mie, 2.0) sub le nomine interlingua (e non "italiano", etc.)? O debe on actualisar le version nonobstante a lo de 3?

Re: Verification orthographic pro OpenOffice.org disponibile

Message publicPublicate: jov. nov 19, 2009 8:04 pm
per McDutchie
@Peter: Pro usar iste nove extension de dictionario orthographic, es necessari actualisar le installation de OpenOffice.org a version 3.0 o plus recente (recommendate es naturalmente le ultime version, 3.1.1 in iste momento). In iste version interlingua es finalmente seligibile del modo normal, sub le nomine "interlingua".

Isto es bon novas pro nostre movimento, nonne? Lo que resta a facer es assecurar que le autores de textos in interlingua de facto usa iste facilitate...

Re: Verification orthographic pro OpenOffice.org disponibile

Message publicPublicate: jov. nov 19, 2009 9:33 pm
per Josu Lavin
Car amicos,

On pote attinger le lista de parolas usate in iste ultime version?

Imbracios amical

Re: Verification orthographic pro OpenOffice.org disponibile

Message publicPublicate: ven. nov 20, 2009 8:17 am
per Peter
McDutchie:

Si, io ha installate Open Office Writer 3.1.1. e in illo quando io selige interlingua, como lingua del documento, vermente le controllator orthographic comencia laborar e suggerer parolas de interlingua quando io mistipa qualcosa. Naturalmente on debe discargar le controllator de interlingua apartemente pro isto (del "extensiones", post installar OO 3.0. mesme - o plus recente).

Josu:

Io non sape, si le lista mesme es attingibile, ma on pote saper le fontes: IED, le lista de parolas supplementari de Cleij... Nulle fonte extra, que nos non cognosce, ha essite usate.

Re: Verification orthographic pro OpenOffice.org disponibile

Message publicPublicate: ven. nov 20, 2009 11:29 pm
per McDutchie
@Josu: Le autor del extension indica in le mesme pagina http://extensions.services.openoffice.org/node/2215 le origines de su lista de parolas. Si tu vole haber su lista complete in forma de texto simple, es possibile que le autor te lo inviara si tu le contacta per medio del ligamine "Contact extension owner" in iste pagina.

Re: Verification orthographic pro OpenOffice.org disponibile

Message publicPublicate: ven. nov 20, 2009 11:42 pm
per Josu Lavin
Car Martijn,

Gratias de tote formas. Ora ío vide que le lista coinciderea con le entratas del Grande Dictionario LAVIN de Interlingua.

Amicalmente

Re: Verification orthographic pro OpenOffice.org disponibile

Message publicPublicate: ven. dec 13, 2013 3:25 pm
per esra
Lege anque apud Corrector orthographic de 2.500 parolas

Amicalmente,