Sito de pronunciationes

Presentation e coordination de projectos

Sito de pronunciationes

Message publicper McDutchie » lun. mar 15, 2010 10:48 pm

Car co-foreros,

Pro audir pronunciationes de multe parolas in interlingua, il existe ora iste sito:

http://www.forvo.com/languages/ia/

Le objectivo de Forvo es de colliger pronunciationes de "tote le parolas in le mundo", dunque le gerentes reageva positivemente quando io proponeva de adder interlingua como un nove categoria linguistic in iste sito. Pro le personas nove a interlingua, le sito es ja hodie un ressource utile pro audir como sona interlingua pronunciate in voce.

Ora existe 1149 parolas pronunciate in interlingua, addite principalmente per Gabriele Maranca de Argentina e per me personalmente. Omne altere persona pote registrar se e adder pronunciationes; le processo es multo simple. Le sol requisitos es un microphono e un bon cognoscentia del pronunciation de interlingua.

Dunque, vos omnes es cordialmente invitate de adder nove pronunciationes! Il esserea bon si varie voces e accentos es representate.

(Nota, nonobstante, que nos tende a sequer le regulas de pronunciation standard de IALA.)

- Martijn
McDutchie
 
Messages public: 69
Membro desde: sab. jul 04, 2009 10:59 pm

Retro a(l) Projectos de interlingua

Qui es in linea

Usatores qui lege iste foro: Nulle usatores registrate e 1 visitante

cron