creatitivate

Presentation e coordination de projectos

creatitivate

Message publicper carlos soreto » mar. nov 06, 2012 5:52 pm

Car usatores de iste foro,

Como vos sape, le proxime die 15 de januario 2013 interlingua commemora 62 annos. Pro evocar un tanto importante data io vole publicar un parve revista, ma besonia collaboration (textos, illustrationes, photos).

Esque tu ha materiales que pote inviar me e, assi, tu pote ganiar un exemplar del revista in papiro? Da un oculata hic. Participa!

Salutationes,
cs
carlos soreto
 
Messages public: 85
Membro desde: jov. aug 06, 2009 1:26 pm
Location: Portugal

Re: creatitivate

Message publicper Scriptor » mar. nov 06, 2012 10:37 pm

Un multo bon idea, Carlos!

Io offere alcun de mi poemas al revista. Io jam ha publicate 178 poemas in mi blog, e anque ha un par decenas non ancora publicate. Ergo, on ha un varietate de themas inter le quales un apte selection pote esser facite.

Io anque ha elaborate tres photographias a promover Interlingua, que inter alia pote esser usate como tapises de schermo.
Io pote elaborar plure photographias in un stilo similar, pro esser usate como illustrationes, si isto sera desirate.
http://maluviam.deviantart.com/#/d4p0utu
http://maluviam.deviantart.com/#/d4p0u2y
http://maluviam.deviantart.com/#/d4p0tlp

Tanto longe como nos vivera,
vivera anque Interlingua!

/Marcus Scriptor
Scriptor
 
Messages public: 82
Membro desde: sab. sep 17, 2011 8:18 pm

Re: creatitivate

Message publicper Scriptor » dom. dec 30, 2012 10:28 am

Salute Carlos!

Como progrede le labor con le revista?

Si tu volerea includer un o un par de mi poemas, hic es alicun suggestiones:

http://poemasepensatas.blogspot.se/2012/07/distante-femina.html

http://poemasepensatas.blogspot.se/2012/08/kalena.html

http://poemasepensatas.blogspot.se/2012/07/interlingua.html

http://poemasepensatas.blogspot.se/2011/10/le-tempore-del-anima.html

Io ha publicate 201 poemas in mi blog usque nunc. Tu ha libere manos de seliger
qualcunque de illos.

Bon successo con le publication,

M. Scriptor
Scriptor
 
Messages public: 82
Membro desde: sab. sep 17, 2011 8:18 pm

Re: creatitivate

Message publicper carlos soreto » dom. dec 30, 2012 9:53 pm

Gratias, Marcus, ma infelicemente il non va haber revista pro commemorar le proxime anniversario de interlingua. Il pare que il non ha creativitate inter nos (tu es un exception rar, e io te regratia pro tu disponibilitate) e forsan le Ā«solutionĀ» sera io coordinar sol le revista pro le die de interlingua in 2014. Il ha multe materiales, ben que io voleva ORIGINALITATE, monstrar le pulsar vivente de un communitate active! On va vider!

Salutationes,
cs
carlos soreto
 
Messages public: 85
Membro desde: jov. aug 06, 2009 1:26 pm
Location: Portugal

Re: creatitivate

Message publicper Scriptor » mar. jan 01, 2013 10:58 pm

Forsan le realitate es tal:
-De cento linguistas forsan un scribe obras litterari
-De cento linguistas scribente forsan un scribe a un tal nivello
que multe homines vole leger su obras
-De cento tal scriptores talentose solo un attinge le nivello
que face su obras meritar le titulo "classicos"

Si isto es ver, de un perspectiva statistic le facto es que
quanto plus grande un lingua, tanto plus grande le numero
de scriptores talentose o mesmo genial, como Cervantes,
Dante o Shakespeare.
Si un lingua es multo parve anque su chances de producer
obras valorose es multo parve. Ma illo anque pote haber
bon fortuna. Suffice solo un scriptor genial pro donar a un
lingua obras immortal.
Ma omne scriptores son besoniate. Anque tal con talento
medie como io. Cata voce es unic.

Nos pote comparar Interlingua con Esperanto in iste maniera.
Quante interlinguistas active ha il? 200? 300?
Isto darea duo o tres scriptores.
Quante esperantistas active ha il? 10.000? 20.000?
Isto darea 100 o 200 scriptores.

Ma nos omnes ha talentos differente. Cata un pote adjutar
Interlingua in su proprie maniera. Per scriber, traducer,
organisar incontros, disseminar information, usar le lingua
commercialmente etc.
Le plus importante es que le lingua debe crescer. Quando illo
attingera un massa critic, le crescentia va accelerar.

Io publica peciettas de mi poemas e "Le parola del die" in Twitter.
https://twitter.com/MarcusScriptor
Assi io spera que io va attraher personas que ha un potential
de interessar se pro Interlingua, mais ancora non lo ha discoperite.
Io vole demonstrar le potential litterari de Interlingua
e attraher altere scriptores a nostre lingua.
Plure personas regularmente re-tweeta mi entratas a
su proprie sequitores, ex le quales un grande parte non
ancora ha apprendite Interlingua, ma totevia lo comprende...
Scriptor
 
Messages public: 82
Membro desde: sab. sep 17, 2011 8:18 pm


Retro a(l) Projectos de interlingua

Qui es in linea

Usatores qui lege iste foro: Nulle usatores registrate e 1 visitante

cron