2000 phrases in interlingua in Tatoeba.org

Presentation e coordination de projectos

2000 phrases in interlingua in Tatoeba.org

Message publicper Scriptor » sab. oct 22, 2011 8:46 am

Salute a omnes!

In le sito tatoeba.org omne personas se pote registrar e post isto adder o traducer phrases de, e a, multe differente linguas.
Interlingua anque es presente. Nostre lingua recentemente ha attingite 2000 phrases:

http://tatoeba.org/eng/sentences/show_a ... ndifferent

In iste lista vos pote vider omne le linguas secundo lor numero de phrases:

http://tatoeba.org/eng/stats/sentences_by_language

Non es un surprisa que anglese es le plus grande lingua.
Sed un poco surprendente es que esperanto es le tertie lingua in grandor con, quando isto es scribite, 106.678 phrases!
Sembla que le sito es popular inter esperantistas. Io ha vidite que illos es multo active ibi!

Anque Klingon, le lingua fictional del extra-terrestres luctabile del serie televisual Star Trek es popular, con 3.391 phrases.
Lojban ha 2.490 e Ido 2.288.

Interlingua ha passate bokmål, le plus grande dialecto norvegian (1.928 phrases) e ora le scopo es passar ido!

Io va adder plus de phrases a tatoeba.org e anque invita vos a participar!
Se vos vide errores vos pote lassar commentarios (si vos deveni membros), e ille/illa qui ha addite le phrase pote corriger lo.
Se vos videra errores in mi phrases (io anque me appella Scriptor ibi) vos pote poner correctiones hic, in iste subjecto.

Io videva que anque Wimmer e McDutchie ha addite phrases. Gratias pro vostre contributiones!

Io pensa que tatoeba.org es un ben loco de activitate pro interlingua. Ci on ha personas interessate in linguas qui es pron
a esser interlinguistas futur.
Es interessante vider similaritates e differentias inter le linguas.
E in iste contexto, interlingua sovente es un ponte e elemento clarificante inter le altere linguas.

/Scriptor
Scriptor
 
Messages public: 82
Membro desde: sab. sep 17, 2011 8:18 pm

Retro a(l) Projectos de interlingua

Qui es in linea

Usatores qui lege iste foro: Nulle usatores registrate e 5 visitantes

cron