Wikipedia

[torrente]

Car amicos!
Io debe admitte que io quasi habeva oblidate iste foro ma nunc io intende activar me. Tamen io non ha essite passive concernente interlingua ma io p.ex. ha scribite articulos in Wikipedia.
Regrettabilemente nove articulo ibi appare troppo rarmente e io spera que plus de vos comencia scriber ibi. Cata persona ha cognoscentias que conveni a tal articulos e io es un poco embarassate que Ido, con su poc membros, ha un numero de articulos que es quatro vices plus alte. Dunque comencia scriber in http://ia.wikipedia.org/wiki/Wikipedia:Frontispicio !

In plus io ha adjutate Ingvar Stenström con edition de traductiones de su manual, “Instrumento moderne de communication international”. Ecce le numeros de requisition ab le interprisa Lulu:
Anglese http://www.lulu.com/content/7890234
Espaniol http://www.lulu.com/content/8098521
Germano http://www.lulu.com/content/9425835
Norvegiano http://www.lulu.com/content/9642428

Erik Enfors

[McDutchie]

Car Erik,

Io me ha occupate tanto del traduction de software a translatewiki.net que io quasi oblidava que Wikipedia ha besonio de nove articulos. Gratias pro rememorar me de iste facto; io me effortiara a scriber un curte articulo per die e io spera que alteres face le mesme cosa!

Pro qui non sape que scriber, le "Traduction del Septimana" es un excellente puncto de initio: http://ia.wikipedia.org/wiki/Wikipedia: ... _septimana

- Martijn

[Chabi]

Io volerea peter adjuta proque io es le unic persona que lavora actualmente in Wikipedia in Interlingua.

Io crede que Wikipedia es un instrumento basic e de multe adjuta pro le disveloppamento del lingua.

[Chabi]

Io volerea peter adjuta con Wikipedia.

Io es le unic que lavora in iste projecto e io crede que illo es multe importante pro haber information super tote le cosas possibile.

[Chabi]

Io volerea peter adjuta in Wikipedia. Io es le sol scriptor que ha actualmente e io non parle multe bene interlingua.

Io crede que haber information in Interlingua es multe importante pro le disveloppamento del lingua e proque sia plus cognoscite.

[Chabi]

On besonia adjuta in Wikipedia in interlingua! Io es sole facte tote le articulos.

[Chabi]

Wikipedia ha un nove articulo eminente: le Pais Basse. On vole facer plus articulos re le Union Europee. Alicun vole adjutar?

[Peter]

Car interlinguaphilos!

In le Wikipedia interlinguaphone appareva un articulo super le instrumento musical cornamusa, con le possibilitate de adder plus de capitulos super le differente typos de cornamusas. Io ja scribeva un capitulo super le cornamusa hungare e plana adder plus de tal descriptiones super le altere versiones del cornamusa; augmentante le articulo con plus de photos o imagines explicative. Il vale leger le integre pagina, io vos lo recommenda.

Io spera, que le articulo es linguisticamente correcte. Illo se trova ci: http://ia.wikipedia.org/wiki/Cornamusa

Péter Kovács

[Chabi]

Nos besonia plus interlinguistes adjutante in iste projecto.

[Chabi]

Il ha nove paginas in Wikipedia, articulos plus complete.

Con vostre adjuta on pote meliorar le information in interlingua e que multe personas lege in iste lingua.