Presentation de un amator de linguas

Per favor scribe alicun parolas super te mesme

Presentation de un amator de linguas

Message publicper maeslor » ven. dec 30, 2016 10:10 pm

Salute!

Mi nomine real es Matheus, sed io usa le supernomine maeslor in Internet. Io habita in Brasil e io ama studiar plure linguas, desde le nationales, como le anglese, le francese, le espaniol e le germano, usque le construites. Io ha apprendite a leger per le alphabetos grec e russe, sed io non persisteva in le studio de iste linguas a causa de lor difficultate. Io me oblida ora quando exactemente io discoperiva interlingua, ma il esseva probabilemente quando io usava esperanto activemente, inter 2005 e 2006. Depost que io me disinteressava de esperanto, io apprendeva toki pona simplemente proque me placia poter parlar per tan pauc parolas e proque es un lingua usate quasi exclusivemente pro diversion. Plus recentemente io comenciava a studiar lojban proque multo me interessa le habilitate de poter pensar in un maniera sin ambiguitates e anque poter apprender un grammatica radicalmente non-occidental. Finalmente, io ha rediscoperite interlingua ha duo annos, sed io solmente comenciava a studiar lo ben a dos o tres menses antea. Io me surprendeva como io ha apprendite interlingua rapidemente gratias a le cognoscimentos anterior, e como mi amicos pote comprender me quando io parla in interlingua con illes.

A revider!
maeslor
 
Messages public: 3
Membro desde: mer. nov 30, 2016 4:57 pm

Retro a(l) Presentation del usatores

Qui es in linea

Usatores qui lege iste foro: Nulle usatores registrate e 1 visitante