Pagina 1 de 1

Salutes de Brasil

Message publicPublicate: mer. apr 13, 2016 2:58 am
per rodmguerra
Salute a totos,

Mi nomine es Rodrigo Guerra, io es brasilian de Rio de Janeiro, sed io habita in São Paulo, ubi io labora como auditor de tributos municipal. Io es graduate in ingenieria de computation.

Io es obsedite per le cognoscentia e io ha multe interesses differente: linguistica, politica, historia de brasil e de mundo, etc. Recentemente io esseva meraviliate in cognoscer interlingua, sed triste in constatar que il ha pauc parlantes ab un lingua tanto ben projectate e facile a apprender.

Io pensa que anglese es anque un lingua facile a apprender (non tanto facile como interlingua), totevia illo ha problemas. Su vocabulario non es multe simile al de linguas romanic e illo ha qualque peculiaritates, como “phrasal verbs” e le aspecto verbal “continuous”, que es difficile pro parlantes de altere linguas. Io crede que actualmente illo es usate como lingua auxiliar international, totevia iste position de anglese pote ser temporari como esseva francese antea.

Io crede que interlingua debe se preparar pro assumer le position de lingua international de facto. Il es importante que nos labora pro isto. Nos debe lo diffunder. Wikipedia in interlingua e le articulos super illo in wikipedia anglophone es grande initiativas. Nos besonia plus parlantes. Le avantages grammatical nos jam ha, nos besonia gente.

Io ha un projecto personal que io tosto publicara e divulgara hic in interforo, e io es disposite in adjutar in le projectos de communitate, quando il es necessari.

Anque me placerea facer amicos interlinguista e poter practicar plus iste belle lingua!

Salutes cordial!
Rodrigo

Re: Salutes de Brasil

Message publicPublicate: ven. apr 15, 2016 10:08 pm
per Rene
Salute.

Es un facto que Anglese es le lingua international le plus usate.
Multe homines pensa que pro illo un lingua auxilliar non es necessari.
Isto nonobstante io pensa que le idea de un lingua neutral cuje fato non es ligate con un nation o pauc nationes es importante.

Re: Salutes de Brasil

Message publicPublicate: sab. apr 30, 2016 5:45 pm
per bartlett
De accordo. :)

Re: Salutes de Brasil

Message publicPublicate: dom. mai 01, 2016 10:37 pm
per bangiolo20
Rene scribeva:Isto nonobstante io pensa que le idea de un lingua neutral cuje fato non es ligate con un nation o pauc nationes es importante.
Esperanto ?