Salute a totos

[Paco]

Salute!

Io es Paco. Io es de Granada, in le Sud de Espania, un pais ubi io crede non ha multe affection pro Interlingua. Ma io face a pena 2 annos que io discoperiva Interlingua. Io me gustava multo le nove lingua descoperite. Io comprendeva immediatemente! E io comenciava a leger in Interlingua. Post, io cercava un dictionario espaniol-interlingua e interlingua-espaniol in internet. E assi il es que ora io parla un pauco de Interlingua. Toto le dies io apprende alique nove, io lege alicun pagina scripte in Interlingua...

Nonobstante, malgrado de jam saper scriber plus o minus in interlingua io non me ausava a presentar me per si io committeva alicun error de orthographia...

Io vole render gratias al creator o creatores de iste foro, tunc gratias a iste "invention" nos, toto le interlinguistas de toto le Mundo pote parlar trans un mesme lingua: Un lingua commun a tote le Humanitate. Il es incredibile...

[Laurentio]

Benvenite a hic, Paco!

Como tu discoperiva interlingua?

Io es Paco. Io es de Granada, in le Sud de Espania, un pais ubi io crede non ha multe affection pro Interlingua

Ben, in tote paises interlingua non es multo cognoscite, e tamben in Espania il ha plure interlinguistas habile e active.

Sape tu que justo le Universitate de Granada sole tener cursos de interlingua in connection con le studio de interlinguistica?

Nonobstante, malgrado de jam saper scriber plus o minus in interlingua io non me ausava a presentar me per si io committeva alicun error de orthographia...

Anque io lassava passar duo annos desde que io comenciava de studiar interlingua (non multo intensivemente) ante que io comenciava de usar lo activemente. E tu scribe multo ben. Non te preoccupa super errores de orthographia - il es prohibite corriger personas hic, a minus que illes mesme ha petite de esser corrigite.

Ma naturalmente on va apprender plus rapidemente si on permitte correctiones. (Vide le ligamine in mi signatura pro info super como inserer un petition de correctiones in le signatura de uno.)

Io vole render gratias al creator o creatores de iste foro

De nihil, e gratias pro le gratias.

tunc gratias a iste "invention" nos, toto le interlinguistas de toto le Mundo pote parlar trans un mesme lingua: Un lingua commun a tote le Humanitate. Il es incredibile...

Io suppone que tu hic parla super le lingua, e non le foro.

Il es un interessante question si interlingua es pro tote le mundo, o solmente le mundo 'occidental'. Alexander Gode soleva scriber que le parolas del technica e scientia (que forma le nucleo de interlingua) ha essite adoptate per tote le mundo, ma io non sape si isto es ver (hodie). (Io non pote imaginar me que in China o le Medie Oriente on usa 'nostre' terminos a un tanto alte grado que il es realistic proponer interlingua como lingua auxiliar a illes?)

A rescriber.

[Paco]

Salute, Laurentio.

Io cognosceva interlingua per un foro ubi io es inscribite il face 2 o 3 annos: http://iberistas.com/foro/ In iste foro le iberistas (espanioles e portugeses) proba unificar Espania e Portugal in un unic stato. Parlante del lingua que esserea official in le nove stato, alicuno, un vice proponeva interlingua. Io non sapeva nihil de interlingua. Il esseva le prime vice que io legeva alique super interlingua. Io cercava in le pagina de wikipedia le significato del parola "interligua" e alora io discoperiva, per le ligamine que il ha in le pagina, le UMI; e iste esseva le momento de mi discoperta de interlingua.

E quando io ha dicite que in Espania non ha multe affection pro interlingua il es proque in Svedia, per exemplo, il ha le "Societate Svedese pro Interlingua". E in Finlandia, e Cuba, e Brasil, e in altere paises... E hic non. Il es per isso que io lo pensa...

Altere cosa: Io regratia a qui me corrige. Io non me irasce; al contrari... Il es bon que totos apprenda a scriber ben!

E pro finir, dicer que io anque pensa que interlingua es un lingua plus occidental. Ma il es multe importante lassar le porta aperte a toto le mundo...

Un imbraciamento.

[McDutchie]

Salute Paco, un cordial benvenita tamben de me. Es ver que non existe a iste momento un societate espaniol pro interlingua, ma io cognosce plure interessatos de tu pais; al universitate de Granada il ha mesmo un curso de interlingua (organisate, remarcabilemente, al facultate de Theologia).

Il esserea bon si un societate espaniol pro interlingua es create. Si tu te uni con altere interessatos de Espania, tu poterea devenir membro fundator de un nove organisation.

[Josu Lavin]

Car Paco,

Benvenite a interlingua!

Io ha visitate le sito http://iberistas.com/foro/ ma io non ha potite trovar ulle mention de interlingua.

Amicalmente ab le Pais Basc, Josu Lavin

[Paco]

Le prime cosa: Multe gratias per omne le benvenites. Le alteres:

Car McDutchie: Il es ver que io ha legite que in le Universitate de Granada ha cursos de Interlingua. Sed, infortunatemente, il non es motivo de que Interlingua esserea multe cognoscite. Io ha parlate con le companiones de travalio, con mi amicos, con mi familia e nemo cognosceva le international lingua auxiliar. Ad in su loco quasi totos cognosceva le existentia del Esperanto... Il es un disgratia que le Esperanto, que es un lingua multe difficile de apprender (e repulsive per me) es un lingua, al minus, cognoscite como lingua international; e Interlingua non!

Io etiam ha pensate in cognoscer altere espanioles pro probar a facer hic un societate pro Interlingua, ma anque io ha de apprender a parlar melior Interlingua Il face duo annos que io apprende e io non sape toto le lingua! Multe vices io necessita adjuta del dictionario...

E car Josu: Un placer salutar te per hic, tunc io habita in Granada, ma io es de Donosti de nascentia e de corde. Con respecto al foro de http://iberistas.com/foro/ dicer te que aquelle conversation esseva in 2.007. Le iberistas parla cata die multe cosas e le themas on reimplacia per alteres... Il es le motivo que tu non potes trovar le conversation. Sed vermente le foro iberista esseva le cammino de mi discoperta de Interlingua.

Un salute a totos!