Presentation de Laurentio

Per favor scribe alicun parolas super te mesme

Presentation de Laurentio

Message publicper Laurentio » ven. jun 12, 2009 12:34 am

Salute,

Io es Lars/Laurentio de Danmark (ma in le nocte io a vices bibe un potion magic e me transforma a 'admin'.) ;)

Io comenciava a interessar me a interlingua in 2002, e in 2004 io me jungeva a Interlng, le plus vetule lista de e-posta de interlingua, e comenciava a (apprender a) usar le lingua activemente.

Ben que io ha usate interlingua regularmente durante quasi 5 annos, io ancora sovente trova cosas in le lingua super le quales io es incerte. Ma pro non troppo espaventar le novicios, io pote narrar que io rapidemente arrivava a un nivello ubi io poteva usar le lingua satisfactorimente. Post poc menses de studio io participava in mi prime conferentia de interlingua in 2005 e poteva communicar ben con le altere participantes.

Il me gaude vider tante facies nove hic, que io non jam cognosce del listas de e-posta, blogs, etc. Io attende con impatientia a facer melio vostre cognoscentia - e a continuar le communication con le personas que io jam cognosce. :)
Ask not what you can do for your conlang - ask what your conlang can do for you
Laurentio
cmmiur
 
Messages public: 264
Membro desde: ven. jun 12, 2009 12:04 am

Re: Presentation de Laurentio

Message publicper scaramouche » ven. jun 12, 2009 8:42 am

Salute Lars!

Il me place multo de facer tu cognoscentia.

Io es novo interlinguista ma tote linguas es interessante. Mi lingua maternal es le anglese, sed io ha usate le francese durante 30 annos e esperanto durante 25 annos. Con interlingua, io nunc studia le italiano e volerea studiar le german, le occitan, le nederlandese e mesmo altere linguas auxiliar in le futuro.

Multe gratias pro iste foro belle!

Amicalmente,
Paul
le omne philosophista
Corrige mi messages in "Adjuta con interlingua". Scribe mi nomine de usator in le subjecto. Non corrige errores de typamento e simile bagatellas.
scaramouche
 
Messages public: 16
Membro desde: jov. jun 11, 2009 7:08 am
Location: Francia

Re: Presentation de Laurentio

Message publicper Laurentio » sab. jun 13, 2009 2:02 am

Salute, Paul!

scaramouche scribeva:Salute Lars!

Il me place multo de facer tu cognoscentia.

Equalmente!

Io es novo interlinguista ma tote linguas es interessante. Mi lingua maternal es le anglese, sed io ha usate le francese durante 30 annos e esperanto durante 25 annos.


Ah, qual longe tempore!

Con tu experientia con anglese, francese e esperanto, interlingua debe esser assatis facile pro te a apprender. Quando tu comenciava studiar interlingua?

Multe personas studia primo esperanto, e post alicun tempore illes audi de interlingua e comencia a studiar illo tamben. Personalmente io ha prendite le via opposite e comenciate a apprender esperanto post que io habeva apprendite interlingua. Ambe linguas ha lor fortias.

Con interlingua, io nunc studia le italiano e volerea studiar le german, le occitan, le nederlandese e mesmo altere linguas auxiliar in le futuro.


Sona interessante. E interlingua certo va poter adjutar con le studio de italiano e occitan. Ma io poterea imaginar me que il pote esser confundente studiar los al mesme tempore?

Io cognosce ben iste desiro de apprender multe linguas. Personalmente io non sole arrivar a un alte nivello ante perder le inclination/determination. Ma al minus io me amusa quando que io los studia.

Io anque cognosce ben le sito al qual tu liga in tu signatura. Esque tu es un co-gerente de illo? (Io demanda proque io pensava que le proprietor era un Francois alique...)

Multe gratias pro iste foro belle!


De nihil, e gratias pro tu participation. :)

Amicalmente,
Lars
Ask not what you can do for your conlang - ask what your conlang can do for you
Laurentio
cmmiur
 
Messages public: 264
Membro desde: ven. jun 12, 2009 12:04 am

Re: Presentation de Laurentio

Message publicper scaramouche » sab. jun 13, 2009 8:29 pm

Salute Lars !
Con tu experientia con anglese, francese e esperanto, interlingua debe esser assatis facile pro te a apprender. Quando tu comenciava studiar interlingua?


Si. Interlingua es multo facile. Io comenciava lo studiar ante 2 septimanas. Esperanto es le prime lingua auxiliar que io trovava e io multo lo usa. Totevia, io non es in le movimento esperantist. Troppo politic. Io ama le lingua proque illo es belle e practic.

Io trovava interlingua per hasardo e immediatemente le lingua esseva multo interssante proque su facilitate "a prime vista". Illo non es regular como esperanto, ma interlingua ha su charme. Io multo ama le linguas romance, dunque interlingua es jam familiar pro me. Como tu dice, ambe linguas ha lor fortias.

E interlingua certo va poter adjutar con le studio de italiano e occitan. Ma io poterea imaginar me que il pote esser confundente studiar los al mesme tempore?


Io comencava italiano ante 1 anno, dunque io non illos confunde. Occitan kaj le altere linguas essera pro le futuro. Io solmente 'gusta' los por le momento. Io non crede poter arrivar a un alter nivello in italiano o altere linguas. Illo non es problemo. Io volerea parlar italiano a un nivello conversational e leger jornals, ascoltar le radio. Le altere linguas io studiara como dilettante :D.

Io anque cognosce ben le sito al qual tu liga in tu signatura. Esque tu es un co-gerente de illo? (Io demanda proque io pensava que le proprietor era un Francois alique...)


Su nomine es Fran├žois Micheloud. Io es solmente utilisatore del sito. Illo es phantastic!


Amicalmente,
Paul
le omne philosophista
Corrige mi messages in "Adjuta con interlingua". Scribe mi nomine de usator in le subjecto. Non corrige errores de typamento e simile bagatellas.
scaramouche
 
Messages public: 16
Membro desde: jov. jun 11, 2009 7:08 am
Location: Francia


Retro a(l) Presentation del usatores

Qui es in linea

Usatores qui lege iste foro: Nulle usatores registrate e 1 visitante

cron