Guida de BBCode

Introduction

Que es BBCode?
BBCode es un implementation special de HTML, que offere grande controlo del formato de partes de tu messages. Le administrator debe haber activate le uso de BBCode ante que tu pote usar lo. Tu pote anque optar contra le uso de illo quando tu scribe tu messages. BBCode simila multo a HTML, ma le etiquettas/tags es clausurate in parentheses quadrate [ e ], e non in le < e > de HTML. BBCode da plus controlo super le contento del message e como illo appare. Dependente del stilo (template) usate il pote haber un interfacie cliccabile super le campo de scriber in le formulario de composition de messages. Iste interfacie es multo facile a usar, ma ancora tu poterea trovar iste guida utile. Nota que le majoritate del etiquettas consiste de un etiquetta initiante [...] e un etiquetta finiente [/...] - memora le linea oblique in le etiquettas finiente! Inter istes on scribe le texto que on vole haber modificate/formattate, etc. Un altere cosa importante a memorar es que on non debe "cruciar" le etiquettas. Si on vole combinar duo etiquettas, como p.ex. [b][/b] e [u][/u] (pro producer un texto grasse e sublineate - vide plus in basso), le un etiquetta debe esser ponite intra le altere - illos non debe "imbricar se". Dunque [b] [u] le texto [/u] [/b] es correcte. Ma [b] [u] le texto [/b][/u] non lo es!
Initio del pagina

Formatos de texto

Como scriber texto grasse, italic e sublineate?
BBCode include etiquettas que permitte le cambiamento rapide del stylo de tu texto. Isto es complite in le manieras sequente.:
  • Pro facer le texto grasse, clausura lo in [b][/b], p.ex.

    [b]Salute[/b]

    va devenir Salute
  • Pro sublinear, usa [u][/u], p.ex.:

    [u]Bon Matino[/u]

    deveni Bon Matino
  • Pro poner le texto in italic, usa [i][/i], p.ex.

    Isto es [i]Grande![/i]

    darea Isto es Grande!
Initio del pagina

Como cambiar le color o grandor del texto?
Pro cambiar le color or grandor de tu texto, tu pote usar le etiquettas sequente. Memora que le apparentia final va depender del navigator e systema del usator:
  • Le color del texto pote esser cambiate per clausurar lo in [color=][/color]. Tu pote specificar o un nomine de color in anglese (p.ex. red (rubie), blue (blau), yellow (jalne), brown (brun), black (nigre), white (blanc) grey (gris), turquoise (turchese), pink (rosate), etc.) o le alternative hexadecimal, p.ex. #FFFFFF, #000000. Pro exemplo pro crear texto rubie, tu poterea usar:

    [color=red]Salute![/color]

    o

    [color=#FF0000]Salute![/color]

    Ambes va producer Salute!
  • Le grandor del texto pote esser cambiate in un simile maniera, usante [size=][/size]. Iste etiquetta depende del stylo (template) que le usator ha seligite, ma le formato recommendate es un valor numeric representante le grandor del texto in pro centos; comenciante a 20 (multo parve) usque a 200 (multo grande) como standard. Pro exemplo:

    [size=30]PARVE[/size]

    normalmente es PARVE

    durante que:

    [size=200]ENORME![/size]

    es ENORME!
Initio del pagina

Esque io pote combinar plure etiquettas de formato?
Si, naturalmente, pro exemplo pro haber le attention de alicuno tu pote scriber:

[size=200][color=red][b]REGUARDA ME![/b][/color][/size]

isto se monstrarea como REGUARDA ME!

Ma nos non recommenda que tu formatta multe texto in iste maniera! Memora que tu, le publicator, debe assecurar que tote le etiquettas es correctemente claudite. Pro exemplo (como explicate sub "Que es BBCode?") lo sequente es incorrecte:

[b][u]Isto es false[/b][/u]
Initio del pagina

Como citar e scriber texto con largor fixate

Como citar texto in responsas
Il ha duo manieras de citar texto: con o sin un referentia a qui scribeva lo citate.
  • Quando tu usa le function "Citar" pro responder a un message public, tu va notar que le texto de ille message es addite al campo de scriber clausurate in un bloco [quote=""][/quote]. Iste methodo te permitte de citar con un referentia al persona o qualcunque altere cosa al qual tu vole referer! Pro exemplo: Pro citar un pecia de texto scribite per Sr. Ursophante tu deberea scriber:

    [quote="Sr. Ursophante"]Le texto de Sr. Ursophante va apparer hic[/quote]

    Le message publicate va como resultato comenciar con "Sr Ursophante scribeva:" ante le texto que ille scribeva. Memora que tu debe includer the signos de citation "" circum le nomine que tu cita, illos non es optional.
  • Le secunde methodo va citar le texto scribite sin referentia a su autor. Pro facer isto, clausura le texto in codices [quote][/quote]. In le message publicate le texto citate va apparer in un bloco de citation.
Initio del pagina

Como scriber codice o datos de largor fixe.
Si tu vole scriber un pecia de codice o un altere cosa que require un largor fixe, p.ex. le fonte de scriber Courier, tu debe clausurar le texto in etiquettas [code][/code], p.ex.

[code]echo "Isto es un pecia de codice";[/code]

Tote formatos usate intra le etiquettas [code][/code] es retenite in le version publicate. Si tu vole accentuar le syntaxo de PHP, tu pote scriber [code=php][/code]. Isto es recommendate si tu vole scriber codices de PHP pro facer le texto plus legibile.
Initio del pagina

Como crear listas?

Como crear un lista non ordinate?
BBCode supporta duo typos de listas, ordinate e non ordinate. Illos es essentialmente identic a lor equivalentes HTML. Un lista non ordinate monstra cata entrata in le lista un post le altere, con cata entrata marcate per un signo de puncto, asterisco o simile. Pro crear un lista non ordinate usa [list][/list] e define cata entrata del lista con un signo [*]. Pro exemplo pro listar tu colores favorite tu poterea usar::

[list]
[*]Rubie
[*]Blau
[*]Jalne
[/list]

Isto generarea le lista sequente:
  • Rubie
  • Blau
  • Jalne
Initio del pagina

Como crear un lista ordinate?
Le secunde typo de lista, le ordinate, te da controlo de lo que es scribite ante cata entrata. Pro crear un lista ordinate on usa: [list=1][/list] pro un lista numeric, o alternativemente [list=a][/list] pro un lista alphabetic. Como es le caso con listas non ordinate, entrates es specificate con [*]. Pro exemplo:

[list=1]
[*]Vade al boteca
[*]Compra un nove computator
[*]Crita al computator proque illo non functiona
[/list]

va generar lo sequente:
  1. Vade al boteca
  2. Compra un nove computator
  3. Crita al computator proque illo non functiona
Pro un lista alphabetic tu debe usar:

[list=a]
[*]Le prime responsa possibile
[*]Le secunde responsa possibile
[*]Le tertie responsa possibile
[/list]

con le resultato
  1. Le prime responsa possibile
  2. Le secunde responsa possibile
  3. Le tertie responsa possibile
Initio del pagina

Como crear ligamines?

Como crear un ligamine a un altere sito?
phpBB BBCode offere multe manieras differente de crear "URI"s (Uniform Resource Indicators), lo que es plus sovente appellate "URL"s - i.e. adresses de sitos web contenite in un ligamine cliccabile.

  • Le prime maniera es usar le etiquetta [url=][/url]. Con illo tu debe scriber e le adresse del sito alligate e le texto que debe esser monstrate in le ligamine. Lo que tu scribe post le signo = va ager como un URL, que on pote cliccar, e alora on va vader al sito indicate inter le etiquettas [url=][/url]. Pro exemplo pro facer un ligamine a phpBB.com tu pote usar:

    [url=http://www.phpbb.com/]Visita phpBB![/url]

    Isto va generar le ligamine sequente, Visita phpBB! Nota que le ligamine es aperite in le mesme fenestra, o in un nove, dependente del preferentias que tu ha indicate in tu nagivator.
  • Le secunde maniera es plus simple. Con illo tu scribe simplemente le adresse/URL inter le etiquettas [url] e [/url] (nota: sin un signo = ), e illo va devenir cliccabile. Pro exemplo:

    [url]http://www.phpbb.com/[/url]

    va generar le ligamine sequente, http://www.phpbb.com/
  • In effecto il non es necessari scriber iste ultime etiquetta, proque phpBB ha un functionalitate appellate Ligamines Magic, que transforma automaticamente qualcunque adresse web correcte (comenciante per www) a un URL cliccabile, sin que tu debe scriber ulle etiquettas o mesmo le "prefixo" http://. Pro exemplo si tu scribe "www.phpbb.com" (sin marcas de citation) in tu message, iste adresse va esser monstrate automaticamente como www.phpbb.com in le message publicate/inviate.
  • Le mesmo es le caso con adresses de e-posta; tu pote o mesme scriber le etiquettas de e-mail, pro exemplo:

    [email]nemo.deltoto@domain.adr[/email]

    con le resultato nemo.deltoto@domain.adr o tu pote simplemente scriber nemo.deltoto@domain.adr, e illo va esser automaticamente cambiate quando tu lege le message final.
Tu pote scriber altere etiquettas in combination con (etiquettas de) URLs, p.ex. si tu vole que un ligamine sia monstrate in fonte grasse (alora usa le etiquettas [url][b]le adresse, px interforo.org [/b][/url]), o si tu vole que le ligamine sia un imagine (alora combina le etiquettas url con illos [img]...[/img] (vide le punto sequente). Memora que le etiquettas non debe "imbriccar se", como mentionate in le introduction. Pro exemplo:

[url=http://www.google.com/][img]http://www.google.com/intl/en_ALL/images/logo.gif[/url][/img]

non es correcte e como resultato tu message pote esser delite.
Initio del pagina

Como monstrar imagines in messages?

Como adder un imagine a un message?
phpBB BBCode usa un etiquetta pro includer imagines in tu messages. Quando on usa iste etiquetta, on debe memorar duo cosas importante: primo multe usatores non apprecia messages continente multe imagines, e secundo le imagine monstrate debe jam esser disponibile in le internet (WWW) - illo non pote exister solmente in tu disco dur, a minus que tu computator es un servitor web! Pro monstrar un imagine tu debe clausurar le URL que liga a illo con etiquettas [img][/img]. Pro exemplo:

[img]http://www.google.com/intl/en_ALL/images/logo.gif[/img]

Como mentionate in supra tu pote combinar un etiquetta imagine ([img][/img]) con un etiquetta ligamine ([url][/url]), p.ex.

[url=http://www.google.com/][img]http://www.google.com/intl/en_ALL/images/logo.gif[/img][/url]

va generar:

Initio del pagina

Como adder attachmentos a un message?
Attachmentos pote ora esser placiate in tote partes de un message per usar le nove etiquetta [attachment=][/attachment] BBCode, ma solmente si iste option ha essite activate per un administrator, e si tu possede le permissiones necessari pro crear attachamentos. Quando le file ha essite attachate a tu message il va haber, al mesme pagina justo sub le message, un cassa ubi es monstrate le datos del file. Hic on trova anque un button que on pote premer pro alienar le file.
Initio del pagina

Altere questiones

Esque io pote adder mi proprie etiquettas?
Si tu es un administrator del sito e ha le permissiones necessari tu pote adder plus etiquettas BBCode via le section "Custom BBCodes" in le Pannello de Controlo de Administrator.
Initio del pagina
cron